ЯҢАЛЫКЛАР
Татарстанда яшәүче 120 меңнән артык кеше үзмәшгуль буларак теркәлгән һәм эшли. Эшкуарларның әлеге категориясенә булышлык күрсәтү өчен, «Татарстан Республикасы Эшкуарлыкка ярдәм фонды» коммерциясез микрокредит компаниясе (алга таба – Фонд), ТР Икътисад министрлыгы белән берлектә, РФ Үзәк банкының төп ставкасының 1/2 өлешенә кадәр дифференциацияләнгән 6%лы ставка буенча махсус ташламалы микрозайм эшләтеп җибәрелде. 1 нче июньнән әлеге продукт буенча максималь ставканы Россия Банкының төп ставкасына кадәр киметү планлаштырыла (бүген – 5%).
2021 елның 12 маенда ТР Икътисад министрлыгында контроль-күзәтчелек эшчәнлеген федераль һәм төбәк дәрәҗәләрендә җайга салучы федераль законнарны гамәлгә ашыру өчен норматив-хокукый актлар проектларын әзерләү турында фикер алыштылар.
Казандагы яшь галим Алисә Шакированың «Тормыш сыйфатын арттыру факторларының берсе буларак халыкны социаль яклауның нәтиҗәлелеге» дигән гамәли эше Н.И.Кареев исемендәге Бөтенроссия конкурсында җиңүчеләр арасына эләккән. Конкурс М.В.Ломоносов исемендәге Мәскәү дәүләт университетының социология факультеты һәм заманча социаль фәннәр югары мәктәбе тарафыннан үткәрелә.
Икътисад министрлыгы тарафыннан 2021 елның I кварталы йомгаклары буенча Татарстан Республикасы муниципаль районнары һәм шәһәр округларының социаль-икътисадый үсешенең традицион рейтингы формалаштырылды.
Татарстан Республикасы Икътисад министрлыгы коллективы Казандагы фаҗига вакытында һәлак булганнарның ата-аналарының һәм туганнарының тирән кайгысын уртаклаша. Югалту ачысын ихлас уртаклашабыз. Һәлак булганнар өчен кайгы кичерәбез.
Бүген Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов Зеленодольскта Җиңү көнен бәйрәм итүдә катнашты. Икътисад министры Татарстан Республикасы Президенты исеменнән Зеленодольск ветераннарын һәм шәһәр халкын Бөек Ватан сугышында Җиңүнең 76 еллыгы белән котлады.
Бүген Татарстан Республикасы премьер-министры урынбасары – Татарстан Республикасы икътисад министры Мидхәт Шаһиәхмәтов, Зеленодольск районы башлыгы Михаил Афанасьев белән бергә, Бөек Ватан сугышы ветераны Михаил Федорович Балахонов янында кунакта булды һәм аны Җиңү көне белән шәхсән үзе котлады. Сәламәтлеге аркасында ветеран Җиңү парадына бара алмый. Сугыш вакытында ул Балтыйк флотында хезмәт иткән.
Кадерле татарстанлылар, хөрмәтле фронтовиклар һәм тыл хезмәтчәннәре! Татарстан Республикасы Икътисад министрлыгы исеменнән һәм шәхсән үземнән Сезне Бөек Ватан сугышында җиңүегез белән чын күңелдән котлыйм!
Бүген республика территориясендә Бөек Ватан сугышында Җиңүнең 76 еллыгын бәйрәм итүгә багышланган «Хәтер бакчасы» халыкара табигать саклау акциясе узды. Чара барышында агачлар утыртылды. Акцияне оештыручылар – «Экология» илкүләм проекты кысаларында, РФ Табигать ресурслары министрлыгы һәм Федераль урман хуҗалыгы агентлыгы ярдәмендә, «Җиңү волонтерлары» һәм Җиңү полководецларын искә алу фонды.
2021 елда республикада «Сәламәтлек саклау» илкүләм проекты кысаларында 7 төбәк проекты гамәлгә ашырыла, аерым алганда «Балаларга медицина ярдәме күрсәтүнең заманча инфраструктурасын оештыруны да кертеп, балалар өчен сәламәтлек саклауны үстерү» – 1,1 млрд.сум, «Йөрәк-кан тамырлары авыруларына каршы көрәш» – 507 млн. сум, «Беренчел медик-санитар ярдәм күрсәтү системасын үстерү» – 365 млн. сум, «Онкология авырулары белән көрәш» – 317 млн. сум, «Сәламәтлек саклауның бердәм дәүләт мәгълүмат системасы (ЕГИСЗ) нигезендә сәламәтлек саклауда бердәм цифрлы контур оештыру» – 133 млн.сум, «Сәламәтлек саклау системасының медицина оешмаларын квалификацияле кадрлар белән тәэмин итү» –115 млн.сум, «Медицина хезмәтләре күрсәтү экспортын үстерү».