ТР Вице-премьеры – икътисад министры Мидхәт Шаһиәхмәтов ICL компанияләре төркеменең яңа заводын ачуда катнашты
2023 елның 13 ноябрендә компания Лаеш районындагы «Иннополис» МИЗда электрон басма платаларны өстән монтажлау һәм исәпләү техникасы җитештерү буенча Россиянең иң эре заводларының берсен эшләтеп җибәрде. Завод ачылышы ТР Рәисе Рөстәм Миңнеханов катнашында узды. Чарада шулай ук ТР вице-премьеры – икътисад министры Мидхәт Шаһиәхмәтов катнашты.
ICL компанияләре төркеменең яңа заводын ачу – IT-секторның импортка бәйсезлегенә мөһим адым. Заводны эшләтеп җибәрү ICL КТ тулы цикллы җитештерү булдырырга һәм агымдагы һәм перспективалы продукт портфелен чыгаруны арттырырга мөмкинлек бирәчәк.
8 000 кв.метрдан артык мәйданлы завод басма платаларны өстән монтажлау цехларын, исәпләү техникасы җитештерүнең конвейер линияләрен һәм яңа тест лабораториясен берләштерә.
Технологик куәт елына 300 мең мат. плата тәшкил итәчәк, аннан соң елына 1 миллион платага кадәр арттырылачак. Үзебездә шундый платаларны җитештерү Россиядә җитештерелгән 200дән артык төр исәпләү техникасын чыгарырга мөмкинлек бирәчәк. Серверлар, мәгълүмат саклау системалары, шәхси компьютерлар, моноблоклар, ноутбуклар, планшетлар һәм алар нигезендә эшләнгән чишелешләр җитештерү куәте елына 1 миллион җайланмага исәпләнгән. Бу ICL компаниясе партнерларына Россия Федерациясендә җитештерелгән иң заманча таләпләргә туры килгән төрле тармаклардан үз заказчыларына җиһазлар һәм программа-аппарат комплекслары тәкъдим итәргә мөмкинлек бирәчәк.
Проект Татарстан Республикасы Хөкүмәте, РФ Сәнәгать үсеше фонды һәм Россия Федерациясе Сәнәгать һәм сәүдә министрлыгы ярдәме белән Татарстан Республикасы Икътисад министрлыгы тарафыннан гамәлгә ашырыла торган дәүләт программасы кысаларында РФ Хөкүмәтенең 1119 номерлы карарына ярашлы рәвештә гамәлгә ашырыла, ул индустриаль парклар, шул исәптән махсус икътисадый зоналар территориясендә урнашкан инфраструктураны булдыруга Татарстан Республикасы чыгымнарын каплауга бюджетара трансфертлар рәвешендә дәүләт ярдәмен күздә тота.