Татарстанда яшәүчеләрне социаль үзгәрешләр лидерларының инклюзив форумына чакыралар
Мәскәү өлкәсендә “Ритм территориясе” социаль үзгәрешләр лидерларының юбилей Х Халыкара инклюзив форумы узачак. Форум 2026 елның 14-17 августында узачак.
“Ритм территориясе” форумы - илдә инклюзив лидерлыкны үстерү һәм икътисадка актив яшьләрне, шул исәптән инвалидларны җәлеп итү буенча төп мәйданчык. 2017 елдан проект Рәсәйнең 70тән артык төбәгеннән һәм дус илләрдән 4000нән артык катнашучыны берләштерде инде. Проектта катнашучылар тарафыннан 80нән артык социаль предприятие төзелде, 90 иҗтимагый әһәмиятле инициатива гамәлгә ашырылды һәм 60тан артык грант алынды. Форумның белем бирү программасы социаль инициативаларны уңышлы гамәлгә ашыру өчен кирәкле лидерлык, команда һәм идарә итү компетенцияләрен үстерүгә юнәлдерелгән һәм биш тематик трек кысаларында тормышка ашырыла, шул исәптән коммерциячел булмаган оешмаларны һәм социаль эшмәкәрлекне үстерү, МХО катнашучыларын реинтеграцияләү, инклюзив белем бирү, социаль дипломатия, инвалид яшьләрне эшкә урнаштыру һәм икътисадка җәлеп итү.
Катнашучыларны түбәндәгеләр көтә:
- әйдәп баручы экспертларда түләүсез белем алу;
- социаль проектларны булдыру һәм үстерү буенча консультацияләр;
- хакимият, бизнес һәм коммерциячел булмаган оешмалар вәкилләре белән яңа эшлекле танышу;
- үз идеяләреңне тормышка ашыру һәм инклюзив бергәлекнең бер өлеше булу мөмкинлеге.
Форумда 18 яшьтән өлкәнрәкләр, шул исәптән инвалидлар, социаль эшмәкәрлек һәм коммерцияле булмаган лидерлык өлкәсендә үсәргә теләүчеләр катнаша ала.
Форумда катнашуга гаризаны 2026 елның 1 июленә кадәр форумның рәсми сайтында территорияритма.рф. тапшырырга кирәк. Форумда махсус әзерләнгән волонтерлар һәм һәркемгә уңайлы мохит булачак, бу һәр катнашучының үзен уңайлы хис итүен һәм команда эшендә тулысынча катнашуын тәэмин итәчәк. Яшәү, туклану һәм форумда катнашу бушлай (катнашучылар мөстәкыйль рәвештә Мәскәүгә барып кайталар).
Форумны Түбән Новгород өлкәсе Хөкүмәте, "Рәсәй - мөмкинлекләр иле" АНО һәм Түбән Новгород инвалидлар өчен төбәк иҗтимагый оешмасы “Ковчег” оештыра. Чара “Яңа проектларны алга этәрү буенча стратегик инициативалар Агентлыгы” АНО һәм Президент грантлары фонды ярдәмендә узачак.