Ел саен үткәрелә торган “Рәсәй югары социаль нәтиҗәлелек оешмасы” бөтенрәсәй конкурсына гаризалар кабул итү

Татарстан Республикасы Хезмәт, халыкны эш белән тәэмин итү һәм социаль яклау министрлыгы ел саен үткәрелә торган “Рәсәй югары социаль нәтиҗәлелек оешмасы” бөтенрәсәй конкурсына гаризалар кабул итүне дәвам итә. Кабул итүче як - Рәсәй Хезмәт министрлыгы - документларны тапшыруның соңгы вакытын билгеләде: 2026 елның 10 июне (шул исәптән).

Конкурсның максаты һәм бурычлары: Проект социаль мәсьәләләрне хәл итүдә югары нәтиҗәләргә ирешүче оешмаларны ачыклауга, аларның иң яхшы тәҗрибәләрен өйрәнүгә һәм тиражлауга, шулай ук хезмәт коллективларында социаль партнерлык институтын үстерүгә юнәлдерелгән. 2026 елда конкурс быелның 30 мартында оештыру комитеты утырышында башланды.

Кем катнаша ала: Катнашу бушлай һәм Рәсәй юридик затлары өчен оештыру-хокукый формасына, милек формасына һәм икътисадый эшчәнлек төренә бәйсез рәвештә ачык. Гаризаларны филиаллар да бирә ала - баш оешма белән килештерү шарты белән.

Мөһим төгәлләштерү: хезмәткәрләрнең хезмәт хокукларын бозу турында суд карарлары үз көченә кергән эш бирүчеләргә конкурста катнашырга рөхсәт ителми.

Номинацияләр һәм гаризалар бирү тәртибе: Быел конкурс 17 номинация буенча уздырыла . Гаризалар бары тик электрон рәвештә “Бөтенрәсәй конкурсын үткәрү мониторингы” программа-мәгълүмат комплексындагы шәхси кабинет аша түбәндәге адрес буенча бирелә: https://ot.rosmintrud.ru .