Рәсәйнең иң яхшы спикерлары Татарстан эшмәкәрләренә бизнесны масштаблаштыру инструментлары турында бушлай сөйләячәк

Гоша Карцев, Александр Цыпкин, Роман Тарасенко, Диләрә Миңрахманова һәм башка топлы Рәсәй спикерлары 26 майда Казанда “АЛГАритм” креатив икътисад форумында бушлай чыгыш ясаячак.

Форум Рәсәй эшмәкәрлеге көненә багышланган чаралар комплексына керәчәк һәм “Нәтиҗәле һәм конкурентлы икътисад” милли проектын гамәлгә ашыру кысаларында Татарстан Республикасы Икътисад министрлыгы һәм аның карамагындагы “Эшмәкәрлекне яклау фонды” КБҖ “Минем бизнес” үзәге ярдәмендә узачак.

“АЛГАритм” - икътисадый форум, анда Рәсәй экспертлары чарада катнашучыларның реаль мисалларында һәм кейсларында үз бизнесларының табышын арттыру өчен нинди инструментлар кулланырга мөмкин булуы турында сөйләячәк.

Чарада катнашучыларга маркетплейсларда ТОП сатуга чыгу инструментлары, ЯИ-инструментларны нәтиҗәле куллану, истә калырлык бренд булдыру һәм социаль челтәрләр белән эшләү турында сөйләячәкләр. Чараның хедлайнеры Рәсәй язучысы, публицист һәм стратегик коммуникацияләр буенча эксперт Александр Цыпкин булачак.

Үткәрү урыны: Казан шәһәре, Уникаль осталык Үзәге (Мәскәү ур., 2 йорт). Катнашучыларны теркәү 13:00 сәгатьтән башлана.

Форумда катнашу өчен сайтта гариза калдырырга кирәк. Чараның форматы - кара-каршы, катнашу бушлай.

Катнашу сораулары буенча телефон аша мөрәҗәгать итәргә мөмкин: +7 (950) 410-19-89.

Бизнеска ярдәм итү чаралары турында Бердәм контакт үзәгенең “кайнар линия” телефоны аша белергә мөмкин: 8 (843) 524-90-90