Татарстанлылар үз товарларын маркетплейста алга этәрү буенча укулар уза алачак

13 ноябрьдә «PRO Маркетплейс» сериясеннән соңгы укыту форум-марафоны старт ала, аны ТР Икътисад министрлыгы ярдәме белән ТР Эшкуарлыкка ярдәм фондының «Минем бизнес» үзәге оештыра. Чара «Кече һәм урта эшкуарлык һәм шәхси эшкуарлык инициативасына ярдәм» илкүләм проекты кысаларында үткәрелә.

2023 елның августында 1300дән артык эшкуар һәм үзмәшгуль маркетплейсларда үсеш буенча укыту форум-марафоннары сериясен узды.

Ике атналык «PRO KazanExpress» марафоны барышында теләге булган барлык татарстанлылар KazanExpress маркетплейсында Татарстан эшкуарлары продукциясен алга этәрү буенча укулар уза алачак. Онлайн-форматта дәресләрне маркетплейсларда эшләү буенча сертификатлы белгечләр үткәрәчәк.

Әлеге марафон кысаларында катнашучылар түбәндәге юнәлешләр буенча белем алачак:

• Товар карточкаларын тутыру, селлерлар нинди хаталар ясыйлар;
• SEO-оптимизация һәм товар картасын карауларны арттыру өчен аны ничек дөрес кулланырга;
• Башлангыч һәм тәҗрибәле сатучылар өчен реклама кораллары һәм аларны ничек кулланырга;
• Товарларны пропагандалауның тышкы каналлары;
• Конкуренцияне анализлау нигезендә товарларны пропагандалау стратегиясен эшләү;
• Маркетплейста товар урнаштыру нәтиҗәлелеген арттыру өчен, аналитик докладларны һәм сату статистикасын ничек кулланырга.

Укытуны узу һәм биремнәрне уңышлы үтәү нәтиҗәләре буенча марафонда катнашучылар электрон сертификат алачак.

KazanExpress маркетплейсына чыгуның ачык мисаллары булып Казаннан үзмәшгуль Эльвира Сираева тора, ул джуттан бәйләнгән әйберләр ясый. Буш вакытларында Эльвира пилинг өчен мунчала, кайнар су астына аскуймалар, өстәлгә салфеткалар, фатирлар декорациясе өчен кәрзиннәр үрә.

«Элек мин үз продукциямне ярминкәләрдә генә саттым. Быел «Минем бизнес» үзәгенә маркетплейсларга чыгу өчен мөрәҗәгать итеп, KazanExpressны сайладым, чөнки продукцияне шәһәр чикләрендә теләсә нинди күләмдә җибәрергә мөмкин. Продукцияне сатудан кергән табыш сизелерлек артты, минем эшем структуралашты», – дип сөйли кәсепче Эльвира.

«Илебез маркетплейсларында үз продукциясен сатучы эшкуарлар һәм үзмәшгульләр өлеше көннән-көн арта бара, чөнки бу һәр яктан да уңайлы. Быел инде 1000нән артык татарстанлы үз продукциясен дөрес итеп алга этәрергә һәм яңа сату каналларын табарга өйрәнде», – дип билгеләп үтте Татарстан Республикасы Эшкуарлыкка ярдәм фонды генераль директорының беренче урынбасары – «Минем бизнес» үзәге җитәкчесе Линара Борһанова.

Марафонда катнашу өчен МСП.РФ цифрлы платформасында гариза бирергә кирәк. Заявка инструкциясенә сылтама:

Компьютер өчен: https://drive.google.com/file/d/1NGiPFVwxnEYQypK-LgGkF-Q0Rf9lJkEz/view

Смартфон өчен: https://drive.google.com/file/d/1KUbcIy5NkIbUmRsss4BoXrmphPVPIJo4/view

Төбәктә бизнеска дәүләт ярдәме Россия Президенты инициативасы белән оештырылган «Кече һәм урта эшкуарлык һәм шәхси эшкуарлык инициативасына ярдәм» илкүләм проекты кысаларында башкарыла.

Маркетплейсларга чыгу һәм алга бару өчен өйрәнүләр турында тулырак мәгълүматны «Минем бизнес» үзәгенең кайнар линиясе аша 8(843)524-90-90 белергә мөмкин.