ЯҢАЛЫКЛАР
Татарстанда «Кече һәм урта эшкуарлык» илкүләм проекты кысаларында «Минем бизнес» үзәгендә 18 сентябрьдән республикада яшәүче хатын-кызлар өчен 100 мең сум грант ярдәме белән яңа белем бирү проекты старт ала.
«Минем бизнес» үзәге Татарстан Республикасы Икътисад министрлыгы ярдәме белән «Кече һәм урта эшкуарлык» илкүләм проекты кысаларында продукцияне аккредитацияләү һәм сертификацияләү темасына бушлай семинар үткәрәчәк.
Күпчелек компанияләр һәм шәхси эшкуарлар еш кына сораулар бирәләр: иң уңайлы салым режимын ничек сайларга, махсус салым режимын куллануның нинди нечкәлекләре бар? Бу – мөһим сораулар, чөнки салым салуның дөрес сайланган режимы салым йөкләмәсен фаразларга һәм исәп-хисапны дөрес оештырырга мөмкинлек бирә.
Бүген ТР икътисад министры урынбасары Юлай Миңнуллин Түбән Кама муниципаль районында эш визиты белән булды. Визит барышында ул Белем көненә багышланган тантаналы линейкаларда катнашты, шулай ук ул капиталь ремонттан соң ишекләрен ачкан 21 һәм 7 нче мәктәпләрдә булды. Мәгариф учреждениеләре федераль һәм республика акчалары хисабына ремонтланган.
ТР икътисад министры урынбасары Юлай Миңнуллин Россиянең «Белем» җәмгыятенең «Үз белемнәрең белән уртаклаш» марафоны кысаларында Түбән Каманың 36 нчы урта гомуми белем бирү мәктәбенең өлкән сыйныф укучылары өчен ачык дәрес үткәрде. Анда ул Татарстан Республикасының социаль-икътисадый үсеше турында сөйләде.
Бүген Эшкуар йортында ТР Икътисад министрлыгының Инновацияләргә ярдәм итү фондыннан «Студентлар стартапы» конкурсының өченче чиратында җиңүчеләр белән очрашу узды. Татарстаннан 242 проект җиңүче булды. Үзләренең фәнни-техник һәм фәнни-технологик тикшеренүләре нигезендә эшләнгән проектлар авторлары 1 млн сумлык грантлар ияләре булдылар. Студентлар алдында сәламләү сүзе белән ТР икътисад министры урынбасары Юлай Миңнуллин чыгыш ясады.
Татарстан үзмәшгульләре «Кече һәм урта эшкуарлык» илкүләм проекты кысаларында Республика көнендә узган ярминкәдә катнашып, ярты миллион сум акча эшләделәр. Чарада 3,5 меңнән артык кеше кунак булды.
Татарстан Республикасының Мөслим бистәсеннән «Агромастер» компаниясе үз техникасын Россиянең 45 төбәгендә сата, шулай ук Казахстанга экспортны җайга салган. 2022 елда предприятие 7,5 мең тоннадан артык продукция экспортлаган. Предприятиегә ярдәм «Кече һәм урта эшкуарлык» һәм «Халыкара кооперация һәм экспорт» илкүләм проектларын гамәлгә ашыру кысаларында Экспортка ярдәм итү үзәге тарафыннан күрсәтелде.
Татарстан Республикасының Казан шәһәреннән «Агро-Рост Экспорт» компаниясе авыл хуҗалыгы продукциясен, аерым алганда, майлы, борычлы һәм бөртекле культураларны экспортлый. Үз продукциясен алар Европа илләренә, шулай ук Беларусь, Казахстан, Кыргызстан, Үзбәкстан һәм Монголиягә җибәрәләр. Предприятиегә ярдәмне «Кече һәм урта эшкуарлык» һәм «Халыкара кооперация һәм экспорт» илкүләм проектларын гамәлгә ашыру кысаларында Экспортка ярдәм итү үзәге күрсәтте.
Татарстан Республикасы Министрлар Кабинетында узган брифингта Россия Федерациясенең аерым субъектларында партнерлык финанслау буенча эшчәнлекне гамәлгә ашыру өчен кирәкле шартлар тудыру буенча ике еллык экспериментны гамәлгә ашыру турында фикер алыштылар. Эксперимент 2023 елның 1 сентябреннән илнең 4 төбәгендә, шул исәптән Татарстанда да башлана.