ЯҢАЛЫКЛАР
2017 елның 30 октябрендәге 308-ФЗ номерлы Федераль закон белән "Дәүләт контролен (күзәтчелеген) һәм муниципаль контрольне гамәлгә ашырганда юридик затларның һәм шәхси эшкуарларның хокукларын яклау турында" Федераль законның 27 статьясына үзгәрешләр кертелде, алар хезмәт мөнәсәбәтләрен һәм аларга турыдан-туры бәйле булган бүтән мөнәсәбәтләрне җайга салуның аерым мәсьәләләре буенча СССР һәм РСФСР башкарма хакимияте органнарының норматив хокукый актларында билгеләнгән таләпләрне тикшерү буенча билгеләнгән тыюны гамәлдән чыгаруны күздә тота.
Элегрәк 2016 елның 3 июлендәге 277-ФЗ номерлы Федераль закон белән "Дәүләт контролен (күзәтчелеген) һәм муниципаль контрольне гамәлгә ашырганда юридик затларның һәм шәхси эшкуарларның хокукларын яклау турында" Федераль законга СССР һәм РСФСР башкарма хакимияте органнарының норматив хокукый актларында билгеләнгән таләпләрне тикшерүгә тыю билгели торган үзгәрешләр кертелгән иде.
Казан федераль университетында "Социаль хезмәтләрне җиткерүчеләр реестрында торучы СЮ ККОның дәүләти һәм муниципаль хакимият органнары белән хезмәттәшлек итүдә һәм социаль хезмәтләр күрсәтүдә тәҗрибәсе" темасына Татарстанның социаль юнәлешле коммерциягә карамаган оешмаларының (СЮ ККО) иң яхшы тәҗрибәләре буенча семинар булып узды. Семинар 60 артык коммерциягә карамаган оешма вәкилен, социаль эшкуарларны, ресурс үзәкләре, ТР Иҗтимагый палатасы, ТР Дәүләт Советы, муниципаль районнар вәкилләрен туплады.
Анда төп доклад белән Татарстан Республикасы Эшкуарлыкка ярдәм фондының Социаль өлкәнең инновацияләр үзәге (СӨИҮ) җитәкчесе Антон Дыганов чыгыш ясады.
Чыгышлар тәмамланганнан соң семинар эше дискуссияләр мәйданчыгы рәвешендә дәвам итте, анда, шул исәптән, анкета сорауларына җавап алу нәтиҗәләре әйтелде. Мисал өчен, СЮ ККО очрый торган проблемаларның берсе – ул ММЧ ягыннан алар эшчәнлегенә теләктәшлек дәрәҗәсенең түбән булуы.
Татарстан Республикасы Икътисад министрлыгы хәбәр итә: 2017 елның 13-16 ноябрь көннәрендә Мәскәү шәһәрендә Россиянең Икътисадый үсеш министрлыгы ярдәмендә Җитештерүчәнлек лидерларының II Россия конгрессы (алга таба – Конгресс) уздырылачак.
Конгресс (элек Россия Линн-форумы – 2006-2015 елларда) хезмәт җитештерүчәнлеген арттыру һәм җитештерү системаларын җәелдерү буенча иң яхшы идарә тәҗрибәләре буенча тәҗрибә уртаклашуның әйдәп баручы мәйданчыгы булып тора. Конгресс программасында "Хезмәт җитештерүчәнлеген арттыру: иң яхшы идарә тәҗрибәләре" пленар утырышы, семинарлар, сессияләр, тренинглар, мастер-класслар, шулай ук Хезмәт җитештерүчәнлеге лидерлары конкурсының (алга таба – Конкурс) ярышлар программасы планлаштырылган, ул 2011 елдан башлап үткәрелә һәм хезмәт җитештерүчәнлеген арттыру буенча иң яхшы идарә тәҗрибәләрен популярлаштыруга юнәлдерелгән.
Конгрессны оештыручы – "Лиин-форум. Сакчыл җитештерү профессионаллары" төбәкара иҗтимагый хәрәкәте (т. 8 800 2000 915, profi@leanforum.ru, www.leanforum.ru).
Бүген Казан шәһәренең Мәскәү районында 10.00 сәгатьтә Татарстан Республикасы Президенты Р.Н. Миңнеханов катнашында "Минем документлар" (КФҮ) яңа хезмәтләр күрсәтү үзәген ачу тантанасы булды. Офис түбәндәге адреста урнашкан: Казан ш., Коләхмәтов ур., 25 й., 1 корп.
КФҮ Мәскәү филиалы "бер тәрәзә" принцибы буенча мөрәҗәгать итүчеләргә дәүләти һәм муниципаль хезмәтләрне күрсәтәчәк.
КФҮ офисында мөрәҗәгать итүчеләрне кабул итү өчен 23 тәрәзә каралган.
КФҮ Мәскәү филиалының эш режимы: дүшәмбе, чәршәмбе, шимбә, якшәмбе – 8.00 сәгатьтән 17.00 кадәр, сишәмбе – 8.00 сәгатьтән 20.00 кадәр, пәнҗешәмбе – 8.00 сәгатьтән 19.00 кадәр, җомга – 7.00 сәгатьтән 16.00 кадәр.
КФҮ http://mfc16.tatarstan.ru сайтында әлеге филиал эше турында тулырак мәгълүматлар белән танышырга һәм КФҮ универсаль белгеченә алдан язылырга мөмкин.
"Изоляцияле труба заводы" АҖ компаниясе Россия Федерациясе Икътисадый үсеш министрлыгы тарафыннан Россия Федерациясенең монопрофильле муниципаль берәмлекләре (моношәһәрләр) территорияләрендә төзелә торган Социаль-икътисадый үсеше алдан баручы территорияләр резидентлары реестрына кертелде һәм социаль-икътисадый үсеше алдан баручы "Яр Чаллы" территориясенең 15 нче резидентына әверелде. Федераль законнар нигезендә аталган реестрга язу кертелгән датадан башлап юридик зат социаль-икътисадый үсеше алдан баручы территория резиденты булып таныла.
"Изоляцияле труба заводы" АҖ "Елына 72 000 тонналык куәт белән корыч трубалар җитештерүнең энергия ягыннан нәтиҗәле автоматлаштырылган технологияләрен эшләү һәм елына 46 000 тоналлык куәт белән корыч трубаларга ышанычлылыгы арттырылган яклагыч каплама каплау" инвестиция проектын тормышка ашыра.
Кластерлар һәм технопарклар ассоциациясе II "Сәнәгый Россия 4.0. Санлы икътисад юлында" гамәли конференциясен уздырды.
Конференциянең максаты Россия сәнәгатенең алдан баручы территориаль-тармак үсешенә һәм "санлы икътисад" дәверендә аның көндәшлеккә сәләтле булуын тәэмин итүгә алымнар эшләүдән гыйбарәт иде.
Конференциядә федераль бюджет акчасы хисабыннан төзелгән сәнәгый-җитештерү тибындагы махсус икътисад зоналарының инфраструктура объектларын тулысынча эшләтүне тәэмин итү һәм өстенлекле мәйданчыклар сыйфатында күрсәтелгән махсус икътисад зоналары территорияләрендә җитештерү куәтләрен локальләштерү буенча эш төркеменең чираттагы утырышы булды.
"Сәнәгый Россия 4.0. Санлы икътисад юлында" конференциясендә Татарстан Республикасы икътисад министры урынбасары Булат Хаҗиәхмәтов катнашты.
8 ноябрь көнне УФАС киңәшмәләр залында Татарстан Республикасында көндәшлекне үстерүгә булышу буенча Чаралар планын ("юл картасын") тормышка ашыру буенча чираттагы киңәшмә узды. Киңәшмәдә Татарстан Республикасы икътисад министрының беренче урынбасары – Эшкуарлыкны үстерү департаменты директоры Рөстәм Сибгатуллин катнашты.
Киңәшмә барышында Татарстан Республикасы Сәнәгать һәм сәүдә министрлыгы, Татарстан Республикасының Сәламәтлек саклау министрлыгы, Татарстан Республикасының Җир һәм мөлкәт мөнәсәбәтләре министрлыгы, Татарстан Республикасы Минзәлә муниципаль районы һәм Татарстан Республикасы Зәй муниципаль районы вәкилләре белән берлектә 2017 елга План күрсәткечләрен үтәү буенча агымдагы хәлләр турында сөйләшенде, 2018 елга аерым чараларга төзәтмәләр кертү буенча тәкъдимнәр каралды.
Икътисадый үсеш министрлыгында махсус икътисад зоналарының (МИЗ) инвестиция ягыннан кызыклы булу рейтингы күрсәтелде. Экспертлар сәнәгый-җитештерү һәм техник-гамәлгә кертү тибындагы иң яхшы зоналарны билгеләде.
Рейтинг лидеры булып "Дубна" МИЗ танылды. Икенче урында – "Алабуга" МИЗ (Татарстан Республикасы), өченчедә – "Липецк" МИЗ. Лидерларның беренче бишлеген "Санкт-Петербург" МИЗ һәм "Иннополис" МИЗ (Татарстан Респуликасы) йомгаклый.
Махсус икътисад зоналары буенча бизнес-навигатор инвесторга бирелә торган ташламаларны һәм иң кулай мәйданны сайларга булышачак. Аны Кластерлар һәм технопарклар ассоциациясе әзерләгән. Җыентыкта сәнәгый-җитештерү һәм техник-гамәлгә кертү тибындагы барлык махсус икътисад зоналары турында актуаль мәгълүмат тупланган.
2017 елның 23 ноябрендә Мәскәү шәһәрендә узачак "InRussia" конференциясе, – чит ил компанияләренең бизнесны интенстив үстерү, Россиядә җитештерүне локальләштерү һәм инновацияләрне үстерү мәсьәләләре турында сөйләшү өчен уникаль эш платформасы.
Конференциядә халыкара корпорацияләр һәм Россиянең бизнес вәкилләре, бизнес-ассоциацияләрнең һәм әйдәп баручы эксперт оешмаларының җитәкчеләре, хакимият органнары һәм төбәкнең үсеш корпорацияләре, инвестиция компанияләре һәм финанс оешмалары вәкилләре катнашачак.
Үткәрелү урыны: Мәскәү ш., Новинский бульвар, 8, 2 кор.LOTTE HOTEL
"InRussia" турында тулырак www.inrussia.pro сайтында.
"Татарстан Республикасы Эшкуарлыкка ярдәм фонды" КБО Татарстан Республикасы Экспортка ярдәм үзәге Татарстан Республикасының экспортка юнәлеш алган кече һәм урта эшкуарлык предприятиеләренә хәбәр итә: Россия экспорт үзәгенең (РЭҮ) компанияләр төркеме Россиядә азык-төлек продукциясен җитештерүчеләргә ярдәм итүнең яңа социаль программасын башлап җибәрә. Чит илдә даими нигездә эшләүче, Россиянең азык-төлек үрнәкләре белән күрсәтмә-дегустация павильлоннары ачылачак. Павильонда катнашырга чакырабыз.
Павильоннар эшендә катнашу өчен гариза тутырырга һәм документлар (төп нөсхәләрен һәм электрон рәвештә) җыелмасын тапшырырга кирәк. РЭҮ https://www.exportcenter.ru/services/subsidirovanie/pavilony/ сайтында гариза бланкын алырга һәм тутырырга, кирәкле документларның исемлекләре белән танышырга мөмкин.
Катнашуда мәнфәгатьле эшкуарлардан тутырылган гаризаларны һәм документларны ТР Экспортка ярдәм үзәгенә tatexport@yandex.ru электрон почтасы аша җибәрүләре сорала, белешмәләр өчен телефон: (843) 524-76-70.