ЯҢАЛЫКЛАР
Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов Саба районында эшлекле сәфәрдә булды. Ул берничә җитештерү предприятиесе эшчәнлеге белән танышты һәм Саба муниципаль районы советы утырышында катнашты.
Татарстан Республикасы Икътисад министрлыгына караган Татарстан Республикасы Эшкуарлыкка ярдәм фонды агымдагы елның гыйнвар-февраль айларында бизнес өчен берничә белем бирү чарасы үткәрде.
«Яр Чаллы» алгарышлы социаль-икътисадый үсеш территориясендә эшчәнлек алып бару турында килешүләр төзү өчен гаризалар карау комиссиясе утырышында 5 инвестиция проектына кертеләчәк үзгәрешләр хупланды. Чара, гадәттәгечә, Татарстан Республикасы Министрлар Кабинетында узды. Комиссия утырышында бүген «ТЭМПО» КМК» АҖ, «Венские вафли» ҖЧҖ, «Термокреп» ҖЧҖ, «Заманча технологияләр» ҖЧҖ һәм «Графит Плюс» ҖЧҖ проектлары каралды. Проектлар буенча үзгәрешләр икътисадый эшчәнлек төрләренә, чыгарыла торган продукция номенклатурасына, проектлар бәясенә һәм булдырыла торган эш урыннары санына кагылды.
Игътибар итегез, «Сыналган бизнес» интернет порталында «Кире элемтә модуле» интерактив сервисы эшли. Ул үткәрелгән тикшерүләр нәтиҗәләре буенча бизнестан кире элемтә алу өчен кыска сораштыру үткәрүчедән гыйбарәт.
Татарстан Республикасы икътисадының тотрыклы үсешен тәэмин итү буенча ВКС форматында узган эшче төркем утырышында 2020-2023 елларга Татарстан Республикасында халыкның финанс белемнәрен арттыру һәм финанс белемен үстерү һәм башка мәсьәләләр турында фикер алыштылар.
Бүген ТР Икътисад министрлыгы ярдәме белән «Социаль эшкуарлык - 2021» стратегик сессиясе узачак. Бизнес һәм хакимият органнары вәкилләре Татарстан Республикасында социаль эшкуарларга ярдәм итү чаралары һәм аларны киңәйтү яки төзәтмәләр кертү буенча тәкъдимнәр турында фикер алышачак.
Ел башыннан алып 2021 елның 16 февраленә Татарстан Республикасы Икътисад министрлыгына караган Гарантия фонды бирелгән поручительстволар саны буенча үз күрсәткечләрен ике тапкыр диярлек арттырган. Гыйнвар аеннан башлап Фонд гомуми суммасы 128,8 млн. сум булган 43 поручительлек биргән, сүз уңаеннан, 2020 елның шул ук чорында коммерциясез оешма 85,6 млн. сумлык 22 поручительлек биргән булган.
Татарстан Республикасы Икътисад министрлыгы капитал кертемнәрен яклау һәм бүләкләү турында килешү төзүгә мәнфәгатьле инвесторлардан гаризалар кабул итә.
Татарстан җитештерүчеләренең экспорт күләме 33 млн. доллардан артып киткән Бу хакта «Татарстан Республикасы товар җитештерүчеләре продукциясен Россия Федерациясе төбәкләре һәм чит ил базарларына чыгару турында» брифингта Татарстан Республикасы Икътисад министрлыгының Эшкуарлыкны һәм конкуренцияне үстерү департаментының кече һәм урта эшкуарлык субъектларына ярдәм институтларын үстерү бүлеге башлыгы Артур Гайнов сөйләде.
Республиканың коммерциясез оешмалары Федераль дәүләт статистикасы хезмәтенең Татарстан буенча территориаль органына № 1-СОНКО формасы буенча 2020 ел өчен (еллык) хисап «Социаль юнәлешле коммерциясез оешма эшчәнлеге турында мәгълүматлар» тапшырырга тиеш. Документлар 1 апрельгә кадәр кабул ителәчәк.