Татарстанда социаль бизнес вәкилләре өчен ярдәм чаралары турында фикер алышачаклар

Бүген ТР Икътисад министрлыгы ярдәме белән «Социаль эшкуарлык - 2021» стратегик сессиясе узачак. Бизнес һәм хакимият органнары вәкилләре Татарстан Республикасында социаль эшкуарларга ярдәм итү чаралары һәм аларны киңәйтү яки төзәтмәләр кертү буенча тәкъдимнәр турында фикер алышачак.

Стратегик сессия эшкуарларны социаль предприятиеләр реестрына кертү мәсьәләләренә, ярдәм программалары буенча тәкъдимнәргә, бизнес вәкилләрен социаль эшкуарлыкка җәлеп итү һәм үсешнең төп моментлары турында фикер алышуга багышланган түгәрәк өстәлләр форматында узачак.

Стратегиядә министрлыклар һәм ведомстволар, иҗтимагый оешмалар һәм ярдәм инфраструктурасы оешмалары вәкилләре, социаль предприятиеләр реестрына кертелгән социаль эшкуарлар, социаль әһәмияткә ия бизнеска күчүне караган эшкуарлар катнашачак. Белгечләрнең уртак эш нәтиҗәсе буларак, Татарстанда социаль эшкуарлыкка ярдәм итү һәм аны үстерүгә юнәлтелгән нәтиҗәле карарлар эшләнәчәк.

Чараның модераторы – Татарстан Республикасы Эшкуарлыкка ярдәм фондының Социаль өлкә инновацияләре үзәге җитәкчесе, Казан федераль университетының Инновацияле үсеш идарәсе башлыгы А.Дыганов. 

Теркәлүне әлеге сылтама буенча гамәлгә ашырып була: https://fabrika-predprinimat.timepad.ru/event/1555904/

Очрашу 19 февральдә, 15:00 сәгатьтән 17:00 сәгатькә кадәр, Петербург урамы, 28 йорт адресы буенча Эшкуар йортында узачак.