ЯҢАЛЫКЛАР

2013 елның 14 ноябрендә Халыкара югары бизнес мәктәбендә (Мәскәү шәһ.) «Россия Федерациясе Халык хуҗалыгы оешмалары өчен идарәче кадрлар әзерләүнең дәүләт планын үстерү буенча тәкъдимнәрне тикшерү» семинары уздырылды. Семинарда Татарстан Республикасы Икътисад министрлыгыннан Идарәче кадрларны әзерләүне оештыру буенча Татарстан төбәк комиссиясе җаваплы сәркатибе Наил Мадиев катнашты.
Семинар кысаларында Дәүләт планының проблемалы мәсьәләләре һәм аның гамәлгә ашырылу перспективалары буенча фикер алышулар үтте. Семинар йомгаклары буенча Дәүләт планын үстерүгә караган тәкъдимнәр кабул ителде.

Чистайда “Дельрус” компаниясенең медицина продукциясе җитештерү буенча заводның беренче чиратын файдалануга тапшыру тантанасы булды. Бу чарада ТР Премьер-министры Илдар Халиков, Чистай муниципаль районы башлыгы Илдус Әхмәтҗанов, “Дельрус” компаниясе президенты Юлай Магадеев катнашты.

Искәртеп узабыз, “Чистай” индустриаль паркында яңа завод нигезенә беренче таш салу тантанасы Татарстан Президенты Рөстәм Миңнеханов катнашында узган иде.

“Дельрус” халыкара фәнни-җитештерү компаниясе Россия медицина җиһазлары базарында иң зурысы санала. Компания индустриаль парк территориясендә барлыгы 4 җитештерү корпусы төзергә җыена. 2017 елга проектка 700 млн. сум кертергә планлаштыра. Дүрт производствода 120 дән артык эш урыны булдырылачак.

Яңа индустриаль мәйданчыкта беренче производство ачылышы озак көтелгән вакыйга, дип билгеләп үтте Илдар Халиков.
Аның сүзләренә караганда, быел Татарстанда технопарк проектларының гомуми кереме 66 млрд сум тирәсе тәшкил итәчәк, ә “Алабуга” МИЗ күрсәткечләре белән бергә – 140 млрд. сум чамасы. Бу Россиянең кайбер төбәкләрендә тулай төбәк продукты белән чагыштырырлык.

Бүген ТР Дәүләт Советының Бюджет, салымнар һәм финанслар комитеты “2014 елга, 2015 һәм 2016 еллар планлы чорына Татарстан Республикасы бюджеты турында” закон проектын икенче укылышка әзерли. Утырышта ТР Премьер-министры Илдар Халиков, ТР Финанслар министры Радик Гайзатуллин, Татарстан парламенты башлыгы урынбасары Александр Гусев, комитет рәисе Морат Гаделшин, Татарстан Республикасы Икътисад министрының беренче урынбасары Сәрия Сираҗиева һ.б. катнаша.
Комитет рәисе М.Гаделшин хәбәр иткәнчә, бюджет проектына дүрт йөзгә якын төзәтмә кергән. Шуның 286сы – ТР Хөкүмәтеннән, калганнары - Дәүләт Советы депутатларыннан. Шунысын билгеләп үтәргә кирәк: бу юлы КПРФ фракциясе бюджет проектына илледән артык тәкъдим кертергә чакыра. Бюджет, салымнар һәм финанслар комитетыннан кергән тәкъдимнәр саны – сигез.

Дүртенче чакырылыш ТР Дәүләт Советының кырык алтынчы утырышы 2013 елның 21 ноябрьдә узачак.

Көн тәртибендәге төп мәсьәлә “Татарстан Республикасының 2014 елга һәм 2015 һәм 2016 елларның планлы чорына бюджеты турында” закон проекты белән бәйле.
Утырышта шулай ТР Дәүләт Советының 2014 елга Законнар эшләү буенча якынча планы кабул ителәчәк.

Бүген ТР Дәүләт Советының Бюджет, салымнар һәм финанслар комитеты “2014 елга, 2015 һәм 2016 еллар планлы чорына Татарстан Республикасы бюджеты турында” закон проектын икенче укылышка әзерли. Утырышта ТР Премьер-министры Илдар Халиков, ТР Финанслар министры Радик Гайзатуллин, Татарстан парламенты башлыгы урынбасары Александр Гусев, комитет рәисе Морат Гаделшин, Татарстан Республикасы Икътисад министрының беренче урынбасары Сәрия Сираҗиева һ.б. катнаша.
Комитет рәисе М.Гаделшин хәбәр иткәнчә, бюджет проектына дүрт йөзгә якын төзәтмә кергән. Шуның 286сы – ТР Хөкүмәтеннән, калганнары - Дәүләт Советы депутатларыннан. Шунысын билгеләп үтәргә кирәк: бу юлы КПРФ фракциясе бюджет проектына илледән артык тәкъдим кертергә чакыра. Бюджет, салымнар һәм финанслар комитетыннан кергән тәкъдимнәр саны – сигез.

Бүген Татарстан Республикасы Премьер-министрының беренче урынбасары Р.Ф. Моратов Татарстан Республикасы муниципаль районнары һәм шәһәр округлары башкарма комитетлары җитәкчеләре катнашында "түгәрәк өстәл" утырышы уздырды.

Утырышта Татарстан Республикасы Икътисад министры урынбасары Марат Шәрифуллин катнашты.

2013 елның 15нче ноябрендә Татарстан Республикасы Президенты Р.Н. Миңнеханов Республика программаларын гамәлгә ашыру кысаларында объектлар төзү мәсьәләләре буенча киңәшмә уздырды.
Киңәшмә Татарстан Республикасы Хөкүмәт Йортында узды.
Анда Татарстан Республикасы Икътисад министры урынбасары Айрат Шәмсиев катнашты.

2013 елның 14 нче ноябрендә Татарстан Республикасы Премьер-министры урынбасары Ю.З.Камалтынов Республиканың социаль юнәлешле коммерциячел булмаган оешмалары икенче форумына әзерлек буенча оештыру комитетының чираттагы утырышын үткәрде. Утырышта Татарстан Республикасы Икътисад министрының беренче урынбасары Сәрия Сираҗиева катнашты.

2013 елның 14-15 ноябре көннәрендә “Яңалыклар” РМАның Халыкара мультимедиа матбугат үзәгендә «Икътисадны кластер технологияләрен кулланып үстерү» Кластер саммиты’13 узды.

Бу вакыйга кластерлар барлыкка килү өчен шартлар ачылган Россия төбәкләре икътисадлары, икътисадның теләсә кайсы өлкәсендә кластер формалары булдыруның реаль нәтиҗәләре һәм үсеш перспективалары буенча фикер алышуга багышланган иде.
Саммитның төп темалары:
– төбәкләр икътисадына инвестицияләр: кластер үсешенә дәүләт ярдәме, югары технологияле бизнес өчен законнар төзү һәм уңайлы инвестклимат тудыру буенча хакимият органнары эшенең нәтиҗәлелеге мәсьәләләре;
– кластер форсайты һәм маркетингы: төбәк предприятиеләренең инновацияле кластерга интеграциясе һәм кластер территориясендә инженерлык, транспорт, эшлекле һәм социаль инфраструктура булдыру;
– кластер инициативалары үсеше нокталары: 2013 елда кластер инициативаларын гамәлгә ашыруның иң яхшы үрнәкләре һәм яңа кластерларны тәкъдир итү.

Татарстан Республикасы Икътисад министрлыгы «Капиталь төзелеш объектларын төзүгә, реконструкцияләүгә рөхсәт бирү» һәм «Объектны кулланышка тапшыруга рөхсәт бирү» муниципаль хезмәт күрсәтүнең типлаштырылган административ регламентына үзгәрешләр кертү турында хәбәр итә.
Регламентта каралган хезмәт күрсәтүне үтәү вакыты сигез эш көненә кадәр кыскартылган.Ведомствоара сорауларга җавап бирү вакыты да кыскартылган.