ЯҢАЛЫКЛАР

Татарстан эшмәкәрләрен җир һәм мөлкәт мөнәсәбәтләре өлкәсендәге гаделсезлекләр борчуга сала. Аның каравы, республика эшкуарлары ришвәт бирми генә уңышка ирешергә өйрәнгән.

Татарстанда эшкуарлар хокукларын яклау буенча вәкил вазифасы бер ел элек кенә булдырылды. Без бу эштә дә Россия төбәкләре арасында беренче булдык. Әйтергә кирәк, әлеге яңалык җитәкчеләр тарафыннан төрлечә кабул ителде: мондый вәкил булдыруны хуплаучылар белән бергә аның ни өчен кирәк булуын аңламаучылар да бар иде.

Шушы көннәрдә Татарстанның эшкуарлар хокукларын яклау буенча вәкил Тимур Нагуманов Дәүләт Советы депутатларын үзенең бер еллык эш нәтиҗәләре белән таныштырды. Республика парламенты вәкилләре аның тырышлыгын шактый югары бәяләде.

2014 нче елның 19 нче мартында Аксубай муниципаль районынында индикатив идарә системасы буенча киңәшмә узды.
Киңәшмәдә Аксубай муниципаль районы башлыгы Гилманов Камил катнашты.
Татарстан Республикасы Икътисад министрлыгыннан Муниципаль берәмлекләр үсеше бүлеге җитәкчесе урынбасары Фатыйхова Эльвира катнашты.

2013 ел программалары буенча хисап бирмәгән һәм 2014 елгы республика программалары буенча эшкә керешмәгән муниципаль районнар финанслау исемлегеннән төшеп калырга мөмкин. Бу хакта бүген Татарстан республикасы Премьер-министры Илдар Халиков ТР Хөкүмәт йортында республика киңәшмәсендә белдерде.
Киңәшмә республиканың барлык муниципаль районнары белән видеоконференцэлемтә режимында узды.

Кайбер республика программаларын гамәлгә кертү мәсьәләләре буенча узган киңәшмә беркетмәсе үтәлеше турында ТР Министрлар Кабинетының Төзелеш, транспорт, торак-коммуналь һәм юл хуҗалыгы идарәсе башлыгы Илдар Сибгатуллин белдерде.
Аерым алганда, ул муниципаль берәмлекләргә заказчылар белән бергә 2014 елның 14 мартына кадәр, районнар катнашкан республика программалары буенча башкарылган эшләр актларын тапшырып бетерү йөкләнгән иде, дип белдерде. Алар арасында – мәктәпләрне капиталь ремонтлау, күпфункцияле үзәкләрне капиталь ремонтлау, сәламәтләндерү лагерьларын капиталь ремонтлау һ.б.
Кайбер муниципаль районнар 2013 ел өчен хисапны әлегә кадәр тапшырмады.

Бөтендөнья татар конгрессы башкарма комитеты һәм «Татар авыллары» иҗтимагый оешмасы Русия төбәкләрендә яшәп, эшкуарлык белән шөгыльләнүче милләттәшләребезне җыенга җыя. Быел ул 3 нче мәртәбә 14-16 март көннәрендә булып үтте.
Җыенда Русия төбәкләреннән, Кытайдан, Татарстан районнарыннан килгән 400дән артык делегат катнашты. Пленар утырышта ТР Президенты Рөстәм Миңнеханов, Премьер-министр урынбасары - авыл хуҗалыгы һәм азык-төлек министры Марат Әхмәтов, Татарстан муниципаль берәмлекләр советы рәисе Минсәгыйт Шакиров катнашты һәм чыгыш ясады.
Конгрессның башкарма комитеты рәисе Ринат Закиров җыенны ачып җибәргәндә: «Базар икътисады шартларында авылны яшәтү, юкка чыгудан саклап калу өчен хакимият, авыл башлыклары белән эшмәкәрләрнең бергә эшләве кирәк. Без бүген шушы мәсьәләләрне уртага салып сөйләшү өчен җыелдык», - дип белдерде.

2014 елның 19 мартында Татарстан Республикасы Икътисад министры Мидхәт Шагиәхмәтов Арча муниципаль районында эш визиты белән булды.
Визит кысаларында Мидхәт Шагиәхмәтов Арча районыныың дәүләт һәм муниципаль хезмәтләр күрсәтү буенча күп функцияле үзәктә булды.
Ул Арча шәһәре , Галактионовая урамы 27 нче йорт адресы буенча урнашкан.

2014 елның 21 июненнән алып 28 нче июненә кадәр Яшь эшкуарлар өчен «Предпринимательские сезоны 2014» Берләшмә форумы булачак.
Форму Краснодар крае Абрау-Дюрсо поселогында була.
Тулырак мәгълүматны тубәндәге телефон аша: +7 (495) 648-18-23 (доб. 209), шулай ук www.seasonsbiz.ru сайтында ала аласыз

Татарстан Республикасы Министрлар Кабинетының 2014 ел, 15 март, 154 нче карары белән 2018 елга кадәрге чорга Татарстан Республикасында иҗтимагый (дәүләт һәм муниципаль) финанслар белән идарә итүнең нәтиҗәлелеген күтәрү программасы расланды.

2018 елга кадәрге чорга Татарстан Республикасында иҗтимагый (дәүләт һәм муниципаль) финанслар белән идарә итүнең нәтиҗәлелеген күтәрү максатларында һәм Россия Федерациясе Хөкүмәтенең 2013 ел, 30 декабрь, б-2593 нче боерыгы нигезендә, Татарстан Республикасы Министрлар Кабинеты КАРАР БИРӘ:

Татарстан Республикасы Икътисад министрлыгы кара металл, төсле металл ватыкларын хәзерләү һәм эшкәртү тәртибе исемлеген үзенең сайтында урнаштырган.

Кара металл, төсле металл ватыкларын хәзерләү һәм эшкәртү тәртибенең норматив нигезе Россия Федераөиясе Хөкүмәте 2001 ел, 11 май, 369 нчы һәм 370 нче карарлары.

2014 елның 11 нче мартыннан 18 нче мартына кадәр Монополиягә каршы федераль хезмәт Укыту-методик үзәге базасында Татарстан Республикасы контракт хезмәте хезмәткәрләре һәм идарәчеләре өчен үзәкләштерелгән укулар оештырылды. Укулар тәмамланганнан соң, тыңлаучыларга һөнәри квалификацияләрен күтәрү турындагы таныклыклар тапшырыла.
Заказчыларның һөнәри дәрәҗәсе контракт системасының бер принцибы булып тора. Контракт хезмәте хезмәткәрләре һәм контракт идарәчеләре югары белемгә яисә сатып алулар өлкәсендә өстәмә һөнәри белемгә ия булырга тиешләр.

Бүген, Япониягә эш визитының икенче көнендә, Татарстан Президенты Рөстәм Миңнеханов "Номура" тикшеренү институты гамәлгә ашыра торган проектлар белән танышты.
"Номура" институтының директорлар советы рәисе Акихиса Фудзинума үзенең сәламләү сүзендә Институтның 50 еллык тарихы Япониянең эчке мәсьәләләрен хәл итүгә юнәлдерелгәне, әмма үзенең киләчәген компания дөнья мәсьәләләрен хәл итү юлларын табуга багышламакчы булуын хәбәр итте. Шуңа күрә Россия белән хезмәттәшлек Институт өчен мөһим, дип белдерде Фудзинума әфәнде.
Татарстан Президенты республика хезмәттәшлек мөмкинлеге турында сөйләшергә, тәҗрибә алышу потенциалын бәяләргә шат икәнен белдерде.
Nomura Agri компаниясе вәкиле Аой Фудзита Татарстан делегациясенә Япониядәге авыл хуҗалыгы һәм агробизнес үсеше турында сөйләде. Үсемлек фабрикаларын кертү, шәхси хуҗалыкларны берләштерү - бу адымнар, Фудзита ханым фикеренчә, аграр сектор үсеше, товар әйләнешен тизләтү, авыл хуҗалыгы продукциясенең өстәлмә бәясен арттыру мәсьәләләрен хәл итәргә ярдәм итә. Рөстәм Миңнехановны япон агробизнесы алымнары бик тә кызыклы булды. Республика Президентаы сүзләренчә, "Номура" институты һәм Nomura Agri компаниясенең авыл хуҗалыгы территорияләрен актив куллану, агрофирмаларның җитештерүчәнлеген арттыру өлкәсендәге тәҗрибәләрен өйрәнергә һәм Татарстан Республикасында кулланырга кирәк.