ЯҢАЛЫКЛАР

31 нче июль көнне 13 сәгатьтә ТР Икътисад министрлыгында Эшмәкәрлеккә ярдәм үзәге инвестицион проектларны сайлап алу буенча советның өченче утырышын уздырачак.
Утырыш барышында өч проект каралачак: фермер продуктлары кафесы, гастробар һәм дизайнер әйберләре кибете базасында күпфункцияле үзәк; махсус SUSHIROLLER төргәгендә “роллы на ходу”; әзер азык китерү хезмәтен оештыру.
Искәртеп узабыз, ТР Эшмкәрлеккә ярдәм үзәгендә инвестицион проектларны сайлап алу экспертлар катнашында ике айга бер тапкырдан да сирәгрәк үткәрелми.
Сайлап алуда катнашучы барлык эшмәкәрләргә бушлай консалтинг хезмәтләре, документация әзерләүдә ярдәм күрсәтелә, алар инвесторлар белән багланышлар урнаштырырга өйрәтеләләр.

Киләчәктә мәгариф, хәзерге заман мәгарифе проблемалары, Россия икътыйсады үсеше, икътыйсади кризистан чыгу юллары – бу һәм башка проблемалар турында сорауларны бүген РФ Хөкүмәте Рәисенең беренче урынбасарына “Президент академиясенең Җәйге кампусы” халыкара мәгариф форумында катнашучылар бирде.
Бүген Россиянең беренче вице-премьерыннан тыш, слетта катнашучылар белән ТР Президенты Рөстәм Миңнеханов һәм Россия халык хуҗалыгы һәм дәүләт хезмәте академиясе ректоры Владимир Мау да очрашты. Искә төшерәбез, Россиянең 21 регионнан килгән иң яхшы студентлар слеты, яртысыннан артыграгы Россия Халык уҗалыгы һәм Татарстан Республикасы Президенты каршындагы дәүләт хезмәте академиясе һәм аның филиаллары студентлары, «Казан» тау чаңгысы спорт-савыктыру комплексы базасында уза. Форумга барысы 250 кеше килгән, шул исәптән 30 чит илләр студенты.

“Чистай” индустриаль паркында бүген ике яңа проект төзелеше башланып китте: болар “Дельрус Чистай” компаниясенең медицина препаратлары заводының икенче чираты, шулай ук “Органик табигый продуктлар” (Израиль) компаниясенең “Агропарк” заводы. Ике проектка да инвестицияләр күләме 1,5 млрд. сум тәшкил итә.

Тантналы чарада Татарстан Премьер-министры Илдар Халиков, Чистай муниципаль район башлыгы Илдүс Әхмәтҗанов катнашты.

Беренче булып “Органик табигый продуктлар” Агропарк ҖЧҖ” проекты җибәрелде. Завод зәңгәр кыслалар (мини-лобстерлар) җитештерү белән шөгыльләнәчәк.
Илдүс Әхмәтҗанов сүзләренчә, “Органик табигый продуктлар” компаниясе “Чистай” индустриаль паркының беренче чит ил резиденты булды.

“Бу чынлап та әһәмиятле вакыйга. Билгеле, ул очраклы түгел. Бүген символик нигез ташын салу гына түгел, бүген - төзелешнең башлануы”, - дип билгеләде Илдар Халиков.

Бүген Казанда ТР Президенты Рөстәм Миңнеханов рәислегендә “Татнефтехиминвест-холдинг” ААҖ Директорлары советының чираттагы утырышы булды.
2014 нче елның беренче яртыеллыгында Татарстанның нефть, газ, химия комплексы предприятиеләре эшчәнлеге нәтиҗәсе турында холдингның генераль директоры Рафинат Яруллин хәбәр итте. Аның сүзләренчә, беренче яртыеллыкта ТРның нефть, газ, химия комплексы 501 млрд.сумлык продукция җитештергән. Бу үткән ел дәрәҗәсеннән 17 процентка күбрәк. Комплексның барлык тармакларында үзләре җитештергән товарларны сату күләме арткан.

Россиягә киләчәктә дә, дөнья базарында ихтыҗ булганда, чималны һәм энергия ресурсларын киләчәктә дә активрак экспортка чыгарырга кирәк, дип саный Россия Хөкүмәте Рәисенең беренче урынбасары Игорь Шувалов. Бу хакта ул бүген “Казан” тау чаңгысы спорт-савыктыру комплексы базасында уза торган “Президент академиясенең Җәйге кампусы” халыкара мәгариф форумында катнашучылар белән очрашу барышында белдерде.
“Ярославнаның Россия икътыйсады чималга бәйле булмаска тиеш дип елавы – бу буш сүзләр. Чимал икътыйсадка куәт биргәндә - сатарга кирәк. Хәзер нәрсәне сатып булса, шуның барысын сатарга кирәк”, - диде Игорь Шувалов, форумда катнашучының соравына җавап биреп.

Бүген Россия Федерациясе Хөкүмәтенең беренче вице-премьеры Игорь Шувалов Татарстан Республикасына эш сәфәре кысаларында “Иннополис” МИЗ төзелеш мәйданчыгында булды
Ул Казаннан 30 километрда урнашкан Иннополис инновацион иярчен шәһәрнең төзелә торган объектларын карады. Карау барышында Татарстан Республикасы Премьер-министры урынбасары – Татарстан Республикасы мәгълүматлаштыру һәм элемтә министры Роман Шәйхетдинов ачыклык кертеп барды.
Беренче булып, Попов исемендәге технопарк бинасын карадылар. 7 катлы бинаны 2014 нче ел ахырына тапшыру планлаштырыла. Объектның бәясе - 2 млрд. 655 млн. сум.

2015-2019 нчы елларга Татарстанның нефть, газ, химия комплексын үстерү Программасын эшләү төгәлләнә. Бу хакта бүген ТР Прзиденты Рөстәм Миңнеханов рәислегендә узган “Татнефтехиминвест-холдинг”ААҖ Директорлары советы утырышында компаниянең генераль директоры Рафинат Яруллин хәбәр итте.
Аның мәгълүматы буенча, аны тормышка ашыру, 2013 нче ел белән чагыштырганда, комплекста производство үсешен 28 процентка тәэмин итәчәк. 2020 нче елга эшләп чыгаруны тагын 17 процентка арттыру өчен нигез бар. Комплекс уртача елына 4 процентка үсәргә тиеш.
Химия һәм нефть химиясе 2019 нчы елда 39 процентка һәм 2020 нче елда 46 процентка кадәр үсәргә тиеш.

Бүген Татарстан Республикасы Президенты, компаниянең Директорлар советы рәисе Рөстәм Миңнеханов «Татнефть» ААҖ Директорлар советының чираттагы утырышын уздырды. Утырыш Татарстан Республикасы Хөкүмәте Йортында (Казан) узды.

Утырышта 2014 елның беренче яртыеллыгында «Татнефть» ААҖ бюджеты үтәлеше каралды һәм агымдагы елның августына бюджет расланды.

Татарстан Республикасы территориясендә 2014 елның беренче яртыеллыгында җыелган салымнарның гомуми күләме 191,7 млрд. сум тәшкил иткән, 2013 елның шушы чоры белән чагыштырганда 19,5%ка артык. Бүген "2014 елның 1 яртыеллыгында Татарстан Республикасы берләштерелгән бюджетын үтәү йомгаклары һәм бюджет законнары яңалыклары кысаларында 2015 - 2017 елларга бюджет формалаштыру турында" республика финанс, казначы һәм салым органнарының видеоконференция режимында республика киңәшмәсендә шундый белешмәләр китерелде, Татарстан Республикасы Хөкүмәте Йортында узган бу чараны Татарстан Республикасы Президенты Рөстәм Миңнеханов алып барды. Киңәшмәдә Федераль салым хезмәте җитәкчесе Михаил Мишустин, Россия Федерациясе финанс министры урынбасары Алексей Лавров, республика министрлыклары һәм ведомстволары җитәкчеләре, Татарстан Республикасы Дәүләт Советы депутатлары, муниципалитетлар башлыклары, предприятиеләр җитәкчеләре катнашты.