ЯҢАЛЫКЛАР
Ышанам ки, эшкуарлар белән, "Бизнес һәм хакимият: ачыктан-ачык сөйләшү" проектындагы кебек, әңгәмә режимында аралашу форматы уңай нәтиҗәләр бирәчәк. Бу хакта Татарстан Республикасы Президенты вазыйфаларын вакытлыча башкаручы Рөстәм Миңнеханов "Бизнес һәм хакимият: ачыктан-ачык сөйләшү" проекты кысаларындагы кече һәм урта бизнес вәкилләре белән очрашуында белдерде.
Эшкуарлар белән очрашу “Корстон” кунакханә комплексында узды.
Очрашуда катнашучы Татарстан Республикасы эшкуарлыгы вәкилләрен сәламләп Рөстәм Миңнеханов билгеләгәнчә, аралашу формасы ачыкланды, һәм аны дәвам итәргә кирәк, чөнки “мондый очрашуларның файдасы бар”. Шул ук вакытта Рөстәм Миңнеханов күбесенең әлеге очрашуларга өметләре зур булуын белдерде. Аның сүзләренчә, “җитәкчегә сорау бирдең дә, шуның белән мәсьәлә хәл ителде” дигән сүз түгел әле бу – тиешле эшне алып бару кирәк, ә кайбер мәсьәләләр федераль дәрәҗәдә карарлар таләп итә.
Россия Федерациясе территориясендә инновацияле территориаль кластерларны үстерү максатында комплекслы инвестицияле проектларны гамәлгә ашыруга субсидияләр бүлеп бирү буенча Россия Федерациясе Икътисадый үсеш министрлыгы тарафыннан оештырылган конкурсның 2нче этабына йомгак ясалды.
2015 елның 24 августыннан «Эшкуарлык субъектларының җиһаз алуга бәйле чыгымнары өлешен субсидияләү» программасын гамәлгә ашыру кысаларында аккредитациядә катнашу өчен Татарстан Республикасы сатып ала торган җиһазларның базар бәясен билгеләү экспертизасы бәяләмәсен бирү буенча бәяләү компанияләре арасында юридик затларны аккредитацияләүгә гаризалар кабул ителә башлый.
«Татарстан Республикасы эшкуарлыкка ярдәм итү фонды» Коммерциячел булмаган оешмасы Татарстан Республикасы Икътисад министрлыгы буйсынуындагы оешма булып тора. Фонд эшчәнлегенең бер юнәлеше – Татарстан Республикасы кече һәм урта эшкуарлыгына ярдәм итүгә һәм аны үстерүгә юнәлдерелгән займнар бирү.
Россия Федерациясе Хөкүмәтенең «Россия Федерациясе Хөкүмәтенең аерым актларына үзгәрешләр кертү турында» 2015 елның 6 августындагы 809нчы карарына ярашлы рәвештә, 2015 елның 18 августыннан юридик зат яисә шәхси эшкуар өчен үзе турында ЕГРЮЛ яки ЕГРИПдан өземтәләрне кәгазь формада алу түләүле булачак.
Административ реформалар үткәрү буенча Хөкүмәт каршындагы комиссиянең башкарма хакимият федераль органнарының контроль (күзәтчелек) һәм рөхсәт бирү функцияләрен камилләштерү подкомиссиясе утырышында каралган «Россия Федерациясендә дәүләт һәм муниципаль контроль (күзәтчелек) нигезләре турында» федераль закон проекты редакциясе, текстның кыскартылуына һәм форматына кертелгән кайбер мөһим үзгәрешләргә карамастан, асылда, элегрәк Россия Федерациясе Хөкүмәтенә каралуга юнәлдерелгәненнән артык аерылмый.
2015 елның 20 августында «Татарстан Республикасы Эшкуарлыкка ярдәм итү фонды» Коммерциячел булмаган оешмасы (Фонд) микрозаймнар алуга Татарстан Республикасы Кече һәм урта эшкуарлык субъектларыннан (ТР КУЭС) алынган гаризаларны карау буенча чираттагы утырышын уздырды.
Үсеш институтлары нәтиҗәлелегенә ел саен уздырыла торган мониторинг кысаларында РФ Хөкүмәте каршындагы Экспертлар советы тарафыннан «Роснано» ААҖ, «РВК» ААҖ, «Сколково» фонды, Инновацияләргә ярдәм фонды һәм «Инновацияләрнең Тышкы икътисадый банкы» фонды эшчәнлегенә бәйсез бәяләмә бирү оештырылды.
2015 елның 14 - 19 сентябре көннәрендә Алушта шәһәрендәге «Алуштинский» шифаханәсе базасында (Кырым Республикасы) дәүләтләрнең һәм төбәкләрнең инновацияле үсеше проблемаларына багышланган «Икътисадның инновацияле үсеше проблемалары һәм перспективалары» дип аталган 20нче (юбилей) халыкара фәнни-гамәли конференциясе уздырылачак.
Татарстан Республикасы Министрлар Кабинетының 2015 елның 14 августындагы 592нче Карары белән Татарстан Республикасы Министрлар Кабинетының 2013 елның 6 сентябрендәге 642нче Карары белән расланган Татарстан Республикасында инвестицияле салым кредитын бирү турында карар кабул итү һәм аны килештерү тәртибенә үзгәрешләр кертелде.