ЯҢАЛЫКЛАР

Бүген, 28 февральдә, 14.00 сәгатьтә "Татарстан Республикасында газ мотор ягулыгы базарын үстерү" дәүләт программасын 2017 елда гамәлгә ашыру нәтиҗәләренә һәм 2018 елга планнарга багышланган матбугат конференциясе булды.

Чарада Татарстан Республикасы икътисад министрының беренче урынбасары - Эшкуарлыкны һәм конкуренцияне үстерү департаменты директоры Рөстәм Сибгатуллин катнашты.

2017 ел йомгаклары буенча метан компримирлаштырылган газына күчерелгән транспорт чараларының гомуми исәбе 1641 берәмлек тәшкил иткән, алардан 1187 транспорт чарасы юридик затлар тарафыннан күчерелгән.

2018 елның 27 февралендә Казанда Эшкуарлар өчен уку-укыту үзәген ачу тантанасы булды. Уку-укыту үзәге республиканың кече һәм урта бизнес профильле хезмәтләрен күрсәтүнең яңа урыны булып торган "Эшкуар йорты"нда урнашкан.

Уку-укыту үзәге аеруча ихтыяҗ булган темалар, һөнәри яңадан әзерләү программалары буенча бизнесның иң яхшы белгечләреннән белем алу чараларын үткәрү мәйданчыгы; эшкуарларга бизнесны үстерү мөмкинлекләре турында сорауларга җаваплар табарга, кече һәм урта эшкуарлыкка дәүләт ярдәменнән файдалану мөмкинлеге булган чаралар турында сораулар бирергә ярдәм итә торган мәйданчык булырга тиеш.

Уку-укыту үзәге түбәндәге адрес буенча урнашкан: Казан ш., Петербург ур., 28 нче й., "Эшкуар йорты", 3 нче кат.

2018 елның 28 февраленнән алып 2 мартына кадәр Үзбәкстанның Ташкент шәһәрендә «Төзелеш - WorldBuild Tashkent 2018» 19 нчы Үзбәкстан Халыкара күргәзмәсе уза.

«WorldBuild Tashkent» – Үзбәкстанның иң төп төзелеш күргәзмәсе.

Күргәзмәдә 10 тематик бүлек тәкяһдим ителә.

"Татарстан Республикасы эшкуарлыгына ярдәм фонды" коммерциягә карамаган оешмасының Татарстан Республикасы экспортына ярдәм үзәге Татарстан Республикасының экспортка эшли торган кече һәм урта эшкуарлык предприятиеләренең әлеге күргәзмәдә катнашуын оештырды.

Татарстан Республикасы экспортына ярдәм үзәгенең хезмәт күрсәтүләре турында тулырак мәгълүматны http://export-rt.ru сайтыннан алырга мөмкин.

Бүген Татарстан Республикасы Президенты Рөстәм Миңнеханов Татарстан Республикасы Икътисад министрлыгының һәм Татарстан Республикасы Сәнәгать һәм сәүдә министрлыгының "Хезмәт җитештерүчәнлеген үстерү" темасына йомгаклау коллегиясенең уртак утырышында катнашты. 

Утырыш Идел буе физик культура, спорт һәм туризм академиясе мәйданында узды (Казан).

ТР икътисад министры Фәрит Габделганиев чыгышы Татарстан Республикасында хезмәт җитештерүчәнлеген үстерү темасына багышланды. 

Министр сүзләренчә, 2005 елдан Татарстан Республикасында хезмәт җитештерүчәнлеге 3,5 процентка артты. Әлеге күрсәткеч хсеше республикада зачанча һәм нәтиҗәле производсволар ачылуга бәйле, дип саный ТР икътисад министры.

Хәзерге вакытта Татарстанда муниципаль дәрәҗәдәге 63 сәнәгать мәйданчыгы гамәлдә. 2020 елга аларның санын 100 гә җиткерү күздә тотыла. Бу хакта бүген Икътисад министрлыгы, Сәнәгать һәм сәүдә министрлыгының уртак коллегия утырышында Татарстанның икътисад министры Фәрит Габделганиев хәбәр итте.

Министр сәнәгать паркларының кечкенә шәһәрләрдә һәм авыл районнарында мәшгульлекне саклап калуда әһәмиятен билгеләп узды. Ул докладында, Икътисади үсеш министрлыгы белән берлектә, кече һәм урта эшмәкәрлек субъектларын кредитлауны стимуллаштыру программасы буенча яңа сәнәгать мәйданчыклары төзелешен финанслауны кайтару мәсьәләсе буенча эш баруын әйтте.

ТР Премьер-министры урынбасары - сәнәгать һәм сәүдә министры Альберт Кәримов "Татарстан Республикасы сәнәгатендә хезмәт җитештерүчәнлеге факторлары" темасына чыгыш ясады. Ул төбәкнең 2017 ел нәтиҗәләре буенча социаль-икътисадый күрсәткечләрен хәбәр итте. 

2017 елда сәнәгать производствосы күләме республикада 2014 ел күрсәткеченнән артык булды - 2 трлн. 254 млрд сум, Татарстан сәнәгать производствосы күләме 101,8 процент тәшкил итте. 

Татарстанда товар әйләнеше күләме 2018 елда 844 млрд. сум тәшкил итте. Өч елда беренче кат без күпмедер үсеш күрәбез, дип билгеләде ТР сәнәгать министры, товарлар әйләнеше күләме арту икътисад үсешенә китерә. Алга таба да товар әйләнеше күләмен арттырырга кирәк, һәм бу эштә мө1им бурыч - республика җитештерүчеләрен һәм сәүдә челтәрләренә ярдәм итү. 

Аның сүзләренчә, федераль һәм региональ сәүдә челтәрләре арасында баланс булырга тиеш. Бу максатта ТР Премьер-министры Алексей Песошин җитәкчелегендә сәүдә эшчәнлеге законына үзгәрешләр әзерләүче эш төркеме булдырылды. 

Татарстанның тышкы сәүдә әйләнеше 2016 елдан 40 процентка артты һәм 13 млрд. доллар тәшкил итте. Экспорт лидерлары - «Татнефть», «ТАИФ-НК», «Түбән Кама нефть химиясе».

2017 елда Татарстан икътисадының реаль секторына федераль ярдәм 41 млрд. сумнан артты, бу 2016 елдан 1,5 кат артык. 

"Без кече һәм урта бизнес үсеше өчен кулай шартлар тудырып, аларга ярдәм итәргә тиеш", - дип Татарстан Президенты Рөстәм Миңнеханов бу юнәлештә сүлпән эшләүче районнарны шелтәләде. 

"Без кече һәм урта бизнесны актив үстерергә тиеш. Тикшеренүләр бизнеска административ басым буенча тискәре рейтингта булуыбызны күрсәтте. Прокуратура хәзер бу темага актив кереште. Ни кызганыч, тулай төбәк продукт күләмендә кече һәм урта бизнес өлеше артмый. Ул 25 проценттан артык. Бу зур проектлар белән дә бәйледер, әмма бу гына акламый", - диде Рөстәм Миңнеханов.

Президент кече һәм урта бизнестан кала бүтән шанслары булмаган шәһәр һәм районнар да булуын искәртте. "Кече һәм урта бизнес үссен өчен, сәнәгать мәйданчыклары булсын, дигән идек. Бүген аларның саны 63. 10 районда сәнәгать мәйданчыклары бөтенләй юк. Бу Әтнә, Әлки, Апас, Бөгелмә, Буа, Югары Ослан, Кайбыч, Мөслим, Тукай, Чирмешән районнары. Ә мин һәр муниципаль берәмлектә алар берничә булырга тиеш дип саныйм. Әлбәттә, шәхси хуҗалыклар да бар, әмма район үзәкләрендә, торак пунктларда производстволар булдыра алырлык кешеләр бар. Шуңа күрә андый мәйданчыклар кирәк", - дип белдерде ул.

Рөстәм Миңнеханов әйтүенчә, шул ук вакытта тагын бер проблема бар. Алты районда муниципаль мәйданчыкларда бары тик 1-2 резидент кына эшли. Аксубай, Яңа Чишмә, Нурлат, Питрәч, Кама Тамагы, Балык Бистәсе районнары - шундыйлар исәбендә. "Болай булырга тиеш түгел, дип саныйм. Икътисад министрлыгы моңа игътибар юнәлтергә тиеш: без мәйданчыклар булдыру максатын гына куймадык, алар эшләргә тиеш. Анда резидентлар булырга тиеш", - дип Президент Яңа Чишмә районында Татарстан һәм федераль инвестицияләр кертелгән бер сәнәгать мәйданчыгы булуын, әмма анда нәтиҗәлелек күренмәвен билгеләп узды. 

ТР Иҗтимагый палатасы 20 февральдән алып 12 мартка кадәр, шул көнне дә кертеп, Татарстан Республикасында социаль юнәлешле коммерциягә карамаган оешмалар өчен ТР Министрлар Кабинетының 2015 елның 18 февралендәге 99 номерлы карары нигезендә үткәрелә торган мөлкәти ярдәм алу хокукына конкурста катнашуга гаризалар кабул итә.

Конкурста, дәүләт учреждениеләреннән һәм муниципаль учреждениеләрдән тыш, Конкурста катнашырга СЮККО гариза биргәнче кимендә бер ел Татарстан Республикасы территориясендә гамәлгә кую документлары  нигезендә "Коммерциягә карамаган оешмалар турында" 1996 елның 12 гыйнварындагы 7-ФЗ номерлы Федераль законның 31.1 статьясындагы 1 һәм 2 пунктларында каралган эшчәнлекнең бер яки берничә төрен башкарган булса, шул СЮККО Конкурста катнаша ала.

Конкурста катнашу турында тулырак мәгълүмат белән, сылтама буенча үтеп,  ТР Иҗтимагый палатасы сайтында танышырга мөмкин:  http://oprt.tatar/1052-obschestvennaya-palata-respubliki-tatarstan-obyavlyaet-respublikanskiy-konkurs-na-okazanie-imuschestvennoy-podderzhki-socialno-orientirovannym-nekommercheskim-organizaciyam.html

Бүген Казанда «Татнефтехиминвест-холдинг» ААҖ Директорлар советының чираттагы утырышында Татарстанның ягулык-энергетика комплексы предприятиеләрендә гамәлгә кертү өчен берничә инновацион проект һәм технология каралды.

Утырышны Татарстан Республикасы Президенты Рөстәм Миңнеханов алып барды, утырыш Татарстан Республикасы Хөкүмәте Йортында узды. 

Суперконструкцион полимерлар алу буенча импортны алмаштыручы яңа технологияне Х.М. Бербеков ис. Кабарда-Балкар дәүләт университетының (Нальчик) прогрессив полимерлар лабораториясе җитәкчесе Светлана Хаширова тәкъдим итте.

Бөтендөнья трендлары сәнәгать әйберләрен аддитив җитештерүгә күчүдән гыйбарәт (Additive Manufacturing, 3d компьютер технологияләре ярдәмендә объектны катлам-катлам үстерү һәм синтез).

Куллану даирәсе – авиатөзелеш, хәрби һәм космик техника җитештерү, электроника, робототехника, электротехника, автомобильләр төзелеше һәм медицина.

Дөньяда суперконструкцион полимерлар җитештерү күләме – елына 300 мең тонна. Россиядә мондый җитештерүләр юк.  

«Татарстан, иң эре пластмассалар һәм каучуклар җитештерүче буларак, мондый хәл ителешләр белән кызыксына, - диде Рөстәм Миңнеханов. – Яңа материаллар, композитлар машина төзелешендә, автомобильләр, самолетлар җитештерүдә күбрәк урын ала бара».

Бу тема агрессив мохитларга карата да кызыклы. Татарстан Президенты мәсьәләне өйрәнү өчен Кабарда-Балкар университетына «Татнефть» ГАҖ, «Нижнекамскнефтехим», «Казаньоргсинтез» белгечләре төркемен җибәрергә тәкъдим итте. 

Газлар һәм нефть химиясен әзерләү процессларын интенсификацияләү өчен бүлү мембрана алымнары турында РФАнең А.В.Топчиев ис. нефтехимия синтезы институты(Мәскәү) директоры урынбасары Алексей Волков чыгыш ясады.

Татарстан Республикасы предприятиеләрендә саклау буенча Acronis импортны алмаштыручы хәл ителешләрен гамәлгә кертүне Acronis компаниясе вице-президенты Олег Шәйхаттаров тәкъдим итте.

«Джератикс» аналитик платформасының яңа мөмкинлекләре турында «Валадорус Софт» ҖЧҖ гамәлгә куючыларының берсе, техник директоры Игорь Коршунов сөйләде.

"Алабуга" СҖТ МИЗ" ААҖ генераль директоры Тимур Шаһивәлиев нефть химиясе өлкәсендә яңа проектларны гамәлгә ашыруны тәкъдим итте.

«Алабуга»да Бисфенол А эпоксид сумаласы җитештерү заводын ачу тәкъдим ителде. 

Татарстан Республикасы Президенты Рөстәм Миңнеханов Тимур Шаһивәлиевның тәкъдимен хуплады. «Үзебездәге чималдан, продуктлардан чыгып, экспорт потенциалын, шул исәптән азык-төлек сәнәгатендә,  үстерергә кирәк, - дип белдерде Рөстәм Миңнеханов. – Бездә, кайбер позицияләрдән гайре, нефть химиясе продуктларының тулы җыелмасы бар».

Татарстан Республикасы Икътисад министрлыгының һәм Татарстан Республикасы Сәнәгать һәм сәүдә министрлыгының "Хезмәт җитештерүчәнлеген күтәрү" темасына берләштерелгән йомгаклау коллегиясе утырышы 27 февральдә Идел буе дәүләт физик культура, спорт һәм туризм академиясенең актлар залында була.

МАТЕРИАЛЛАР:

2017 елда Татарстан Республикасы социаль-икътисадый үсешенең төп күрсәткечләре

Татарстан Республикасы предприятиеләрендә хезмәт җитештерүчәнлеген күтәрү

КОЛЛЕГИЯ ЭШЕНДӘ КАТНАШАЛАР:

• Татарстан Республикасы Президенты Миңнеханов Рөстәм Нургали улы;
• Татарстан Республикасы Президенты Аппаратының, Татарстан Республикасы Дәүләт Советының, Татарстан Республикасы Министрлар Кабинетының, Татарстан Республикасы һөнәри берлекләре федерациясенең җаваплы хезмәткәрләре;
• министрлыклар һәм ведомстволар җитәкчеләре;
• муниципаль районнар һәм шәһәр округлары җитәкчеләре;
• эре сәнәгать предприятиеләре, банклар, югары уку йортлары җитәкчеләре;
• кече һәм урта бизнес вәкилләре.

"Россия Федерациясендә дәүләт контроле (күзәтчелеге) һәм муниципаль контроль турында" федераль закон проектын контрольнең (күзәтчелекнең) хокукый, оештыру нигезләрен булдыру максатларында Россия Икътисадый үсеш министрлыгы тарафыннан эшләнгән һәм мондый контроль гамәлгә ашырылганда гражданнарның һәм оешмаларның хокукларын яклауның гомуми принципларын билгели.

Закон проекты нормалары мәҗбүри рәвештә нигезләмә кабул итүне, контрольнең (күзәтчелекнең) һәр төре буенча административ регламент раслауны күз алдында тота.

Закон проектында үтәлеше дәүләт контроле (күзәтчелеге) һәм муниципаль контроль чаралары предметы булган мәҗбүри таләпләр исемлеген үз эченә алган тикшерү кәгазьләрен хокукый җайга салу каралган.

Күрсәтелгән федераль закон проекты белән, сылтама буенча үтеп, танышырга мөмкин: http://komitet4.km.duma.gov.ru/upload/site28/Proekt_FZ__332053-7.pdf.

Быелның 21 һәм 22 февралендә Россия Федерациясе Хөкүмәтенең Аналитика үзәге белән берлектә Россия Икътисадый үсеш министрлыгы тарафыннан "Контроль һәм күзәтчелек эшчәнлеге реформасы: төбәкләрдә дәүләт контроленең яңа сыйфаты" конференциясе үткәрелде. .

Конференция кысаларында Россия Федерациясе субъектларында контроль-күзәтчелек эшчәнлеген үзгәртүләрне оештыру мәсьәләләре турында фикер алыштылар.

Конференция йомгаклары буенча "Региональ һәм муниципаль дәрәҗәләрдә контроль-күзәтчелек вәкаләтләрен гамәлгә ашыруның сыйфатын күтәрү" өстенлекле проектының паспорты каралды, якын арада ул, алга таба гамәлгә ашыру өчен, төбәкләргә җибәреләчәк.

Татарстанның ягулык-энергетика комплексы предприятиеләренә кертү өчен кайбер инновацияле проектлар һәм технологияләр бүген Казанда «Татнефтехиминвест-холдинг» ААҖ директорлары Советы утырышында каралды.

Утырышны Татарстан Республикасы Президенты Рөстәм Миңнеханов алып барды.

Чара ТР Хөкүмәт йортында үтте.

Суперконструкцияле полимерлар алуның импортны алмаштыра алырлык яңа технологияләре белән Х.М. Бербеков исемендәге Кабарда-Балкар дәүләт университетының прогрессив полимерлар лабораториясе (Нальчик) җитәкчесе Светлана Хаширова таныштырды.

"Татарстан, пластмасс һәм каучукларны иң эре җитештерүче буларак, мондый табышлар белән бик кызыксына, – дип, Рөстәм Нургали улы докладка кагылышлы фикерләрен белдерде. – Яңа материалларга, композитларга машина төзелешендә, автомобильләр, очкычлар җитештерүдә һаман саен зуррак өлеш туры килә.

Татарстан Республикасы Президенты Рөстәм Миңнеханов Тимур Шаһивәлиевнең импортка алмаш табу өлкәсендә яңа тармаклар эзләү тәкъдимен хуплады.