ЯҢАЛЫКЛАР

2013 елның 15 августында Татарстан Республикасы Икътисад министрлыгында Татарстан Республикасында кеше хокуклары буенча вәкил Сәрия Сабурскаяның республикада кеше хокуклары буенча эш программасын төзү буенча тәкъдимнәре тикшерелде.
Сәрия Сабурская билгеләп үткәнчә, мондый документны булдыру барлык юнәлешләр буенча көчләрне бердәм программага тупларга ярдәм итәр иде. Каралган мәсьәләнең күпкырлы һәм төрле ведомстволарга кагылышы булуын исәпкә алып, киңәшмәдә катнашучылар әлеге концептуаль документны әзерләүне координацияләү буенча эшче төркем оештыру максатка ярашлы булачак, дип билгеләп үттеләр.

2013 елның 20 августында 10:00нан 18:00 сәгатькә кадәр Татарстан Республикасы Икътисад министрлыгының актлар залында Татарстан Республикасы Экспортка ярдәм итү үзәге эшкуарлар өчен «Тышкы сәүдә операцияләре вакытында халыкара исәп-хисап формалары һәм методлары» дип аталган бер көнлек семинар уздыра.

«Җиһазлар лизингы үсеше: кече һәм урта эшкуарлык субъектларының җиһаз лизингы («ЛИЗИНГ-ГРАНТ») килешүе буенча беренче кертемнәрен (аванс) түләүгә чыгымнарын субсидияләү» чарасы буенча дәүләт ярдәменә тәкъдим ителүгә бирелгән заявкаларны сайлап алу конкурсы комиссиясе утырышының 2013 ел 15 август белән имзаланган 1-1/ЛГ номерлы беркетмәсе бастырылды.

Сүз киртәләү өчен дивар панельләре һәм эчке диварлар өчен панельләр эшләп чыгару буенча производство комплексын оештыру инвестицион проекты турында бүген Татарстан Республикасы Президенты Рөстәм Миңнеханов һәм "МЕТТЭМ" компанияләре төркеме президенты Виктор Сапрыкин очрашуда сөйләштеләр.
Очрашу Татарстан республикасы Хөкүмәт Йортында үзды. Анда шулай ук Татарстан Республикасы икътисад министры Мидхәт Шаһиәхмәтов катнашты.

"МЕТТЭМ" компаниясе якынча инде 24 елдан артык эшләп килә, бүген компанияләр төркеменә егермегә якын инновацион проект керә (www.mettem.org). Киртәләү өчен дивар панельләре һәм эчке диварлар өчен панельләр эшләп чыгару буенча производство комплексын оештыру инвестицион проектын кече һәм урта бизнес субъектлары өчен шартлар тудырылган "Чистай" индустриаль паркы мәйданчыгында тормышка ашыру тәкъдим ителә.

Татарстан Республикасы Икътисад министрлыгында Россия Федерациясе халык хуҗалыгы оешмалары өчен идарәче кадрларны әзерләү буенча Президент программасын тормышка ашыру мәсьәләләре буенча Татарстан төбәк комиссиясе утырышы узды. Анда 2012/2013 уку елында идарәче кадрларны укыту буенча Президент программасын гамәлгә ашыру буенча нәтиҗәләр һәм Россия Федерациясе халык хуҗалыгы оешмалары өчен идарәче кадрлар әзерләү дәүләт планы кысаларында 2013/2014 уку елында укыту өчен белгечләрне сайлап алу конкурсына йомгак ясалды.

Бүген, 2013 елның 15 августында, «Җиһазлар лизингы үсеше: кече һәм урта эшкуарлык субъектларының җиһаз лизингы («ЛИЗИНГ-ГРАНТ») килешүе буенча беренче кертемнәрен (аванс) түләүгә чыгымнарын субсидияләү» чарасы буенча дәүләт ярдәменә тәкъдим ителүгә бирелгән заявкаларны сайлап алу конкурсының быелгы беренче этабы узды. Татарстан Республикасы икътисад министры урынбасары – Эшкуарлыкка ярдәм итү департаменты башлыгы Рөстәм Сибгатуллин рәислегендәге конкурс комиссиясе тарафынннан бәйге игълан ителгән көннән кичәге көнгә кадәр алынган 66 төрле бизнес-проект каралды. Эшкуарлар үз проектларын үзләре тәкъдим итте. Конкурс комиссиясе әгъзалары һәр заявка буенча карарны заявка бирүче чыгыш ясауга кабул иттеләр. Конкурс йомгаклары буенча 65 заявка хупланды. Шулай итеп, лизинг килешүе буенча сайлап алу конкурсында җиңгән 65 кеше 130 мең сумнан 3 млн сумга кадәр компенсация алачак.

2013 елның 14 августында Татарстан Республикасы икътисад министры Мидхәт Шаһиәхмәтов «Татарстан Республикасының социаль-икътисадый үсеше» дип аталган мәгълүмати-аналитик системаның эш нәтиҗәләрен тикшерүгә багышланган киңәшмә үткәрде.
«Татарстан Республикасының социаль-икътисадый үсеше» мәгълүмати-аналитик системасында Татарстанның социаль-икътисадый үсешенең төп параметрлары буенча мәгълүмат һәм аналитик материал тупланган. Әлеге система Татарстанның кыска һәм уртача вакытка йөз тоткан үсеш фаразларының күп вариантларын, республика муниципаль берәмлекләре үсеше фаразларын исәпләргә, Россия Федерациясе Төбәкләр үсеше министрлыгы мәгълүматлары буенча төбәкара чагыштырулар үткәрергә һәм Россия Федерациясе Президенты указларының үтәлешен күзәтергә мөмкинлек бирә.

Татарстан Республикасы Икътисад министрлыгында Инфраструктура һәм белем бирү программалары фондының Стандартлаштыру дирекциясе җитәкчесе Юрий Ткачук һәм Инновация өлкәсендә стандартлаштыру үзәге җитәкчесе – «Машина төзелешендә стандартлаштыру һәм сертификатлаштыру бөтенроссия фәнни-тикшеренү институты» (ВНИИНМАШ) ФДУП директорының беренче урынбасары Александр Бубнов катнашында инновацияле нанотехнологик продукцияләрне куллануны чикләүче техник регламентларга, милли стандартларга, СНиПларга, СанПиНнарга һәм башка ведомство документларына үзгәрешләр кертүгә һәм аларны әзерләүгә багышланган сораулар каралган киңәшмә узды.

Урта һәм кече эшмәкәрлекне үстерү ил, республика күләмендә мөһим мәсьәләләрнең берсе булып тора. Әлеге максатка юнәлтелгән һәртөрле программаларда актив катнашуны тәэмин итү, эшмәкәрләр хокукларын яклау, аларның юридик һәм икътисади компетентлыгын күтәрү соңгы вакытта аеруча алгы планда тора. Шул уңайдан ТР прокуратурасы инициативасы белән бу көннәрдә эшмәкәрләр белән турыдан-туры эшләүче структура җитәкчеләре район үзәкләренә чыгып очрашулар циклын башлап җибәрде. Мондый очрашу ТР Президенты каршындагы эшмәкәрләр хокуклары буенча вәкаләтлесе Тимур Нагуманов, икътисад министры урынбасары Рөстәм Сибгатуллин, прокурор урынбасары Газинур Галимов, урта һәм кече эшмәкәрлек ассоциациясе президенты Хәйдәр Хәлиуллин, район башлыгы Татьяна Воропаева катнашында безнең районда да бик нәтиҗәле үтте. Эшмәкәрләр анда яңа төрле дәүләт ярдәмнәре турында белеште, үзләрен кызыксындырган сорауларга җаваплар алды, тәкъдимнәрен җиткерделәр. Мәсәлән, районыбыз эшмәкәре Александр Никулинның тәкъдиме бик урынлы диде Тимур Нагуманов. Биредә сүз төрле лизнг килешүләре буенча эшчәнлекне үстерү өчен җиһазлар, техника алуга тотылган акчаларның дәүләт тарафыннан субсидияләнүе хакында барды, әмма эшмәкәр фикеренчә ул субсидия эшмәкәрлек эшчәнлегенә ярдәм итүдән бигрәк, лизинг компанияләрен баетуга китерә. Чөнки лизинг компанияләрендә техника, җиһазлар шактый кыйммәт һәм алар процентларны да югары куя, нәтиҗәдә эшмәкәргә бирелүче дәүләт субсидиясе сизелми дә кала. Әгәр дә икътисад министрлыгы әлеге субсидияләр өчен билгеләнгән акчаларны эшмәкәргә биреп, соңыннан аның ни өчен тотылганлыгына хисап сораса, күпкә отышлырак булыр иде, чөнки теге яки бу техниканы без лизинг компанияләрдән тыш та очсызгарак юнәтә алыр идек, ди Александр Никулин. Алдагы елларда эшмәкәрнең бу тәкъдиме яңа программалар кабул иткәндә исәпкә алыначак дип белдерелде.
Очрашу барышында Татьяна Воропаева төрле муниципаль заказларны үтәү өчен эшмәкәрләр арасында игълан ителүче аукционга төгәл кысалар билгеләү мөһимлеген ассызыклады.
- Мәсәлән, без төзелеш эшләре алып бару өчен аукцион игълан итәбез дә иң очсыз бәя тәкъдим итүче җиңеп чыга, ә эш башлангач аның моны башкарып чыгуга мөмкинлеге булмавы яисә сыйфат ягы аксавы мәгълүм була, – диде ул. Әлеге сорауга җавап итеп икътисад министры урынбасары Рөстәм Сибгатуллин киләсе елдан моңа кагылышлы законга үзгәрешләр кертеләчәген белдерде. Яңа законда башлангыч бәяне 25 проценттан да киметмәү шарты куелачак, – диде ул.
Гомумән очрашу эшмәкәрләр өчен файдалы һәм җанлы үтте, алга таба төрле сорауларны электрон юл аша биреп, тиз арада җавап алу мөмкинлеге дә ачыкланды.

2013 елның 15 августында Татарстан Республикасы Икътисад министрлыгында Җайланмалар лизингын үстерү чаралары: беренче взносны һәм процент ставкасын субсидияләү (ЛИЗИНГ-ГРАНТ) дәүләт ярдәме программасы буенча заявкалар карау булачак..
Әлеге программа буенча заявкалар тапшырган эшкуарларны Конкурс комиссиясе утырышына чакырабыз.
Утырыш 2013 елның 15 августында сәгать 10 да була. Адрес: Казан шәһәре, Мәскәү урамы 55 йорт, 429 каб. Онлайн трансляцияне http://yatv.ru/mert сайтында карап була.
Тулырак мәгълүматны тубәндәге телефон аша ала аласыз: (843)5-24-90-52.