ЯҢАЛЫКЛАР

2013 елның 20 августында Татарстан Республикасы Икътисад министрлыгы каршындагы Экспортка ярдәм итү үзәге тарафыннан «Тышкы сәүдә операцияләре вакытында халыкара исәп-хисап формалары һәм методлары» темасы буенча Татарстан Республикасының экспорт юнәлешле эшкурлыгы субъектлары өчен махсус белем бирү семинары оештырылды. Эксперт укытучы сыйфатында семинарга «Русская школа управления» (Санкт-Петербург шәһ.) бизнес мәктәбе укытучысы, тышкы икътисадый эшчәнлек өлкәсендә Россия гамәли белгече Александр Жучков чакырылган иде. Татарстан Республикасының Экспортка ярдәм итү үзәге бушлай белем бирү семинарларын даими рәвештә үткәрә һәм республика эшкуарларына актуаль белемнәрне чын һөнәриләрдән алу өчен уникаль мөмкинлек тудыра. Чираттагы «Импорт һәм экспорт операцияләре вакытында ӨКС (НДС) кайтару һәм куллану» темасы буенча семинар 2013 елның 13 сентябренә планлаштырылган. Лектор буларак семинарга тышкы икътисадый эшчәнлек һәм логистика өлкәсендә 30 еллык эш тәҗрибәсе булган Петр Травинский (Мәскәү шәһ.) чакырылган. Әлеге семинарның анонсын Татарстан Республикасы Икътисад министрлыгы сайтында күреп булачак.

2013 елның 19 августында Татарстан Республикасы икътисад министры Мидхәт Шаһиәхмәтов Пакыстан Ислам Республикасының Россия Федерациясендәге Гадәттән тыш һәм Тулы вәкаләтле илчесе Аламгир Бабар белән очрашты. Аламгир Бабар сүзләренә караганда, Мәскәүдән кала, Татарстан - ул рәсми визит белән килгән беренче төбәк. Республикага килүнең төп максаты - эшлекле элемтәләр, икътисадый мөнәсәбәтләр урнаштыру һәм бизнес өчен уртак нокталарны билгеләү, шул исәптән өченче илләр белән уртак хезмәттәшлек юнәлешендә дә. Мидхәт Шаһиәхмәтов Аламгир Бабарны Татарстанның икътисадый, инвестицион һәм инновацион куәте белән таныштырды. «Үзебезнең үсеш программабызда без ачык инновацион икътисад төзүгә йөз тотабыз», – диде министр. Очрашу барышында Мидхәт Шаһиәхмәтов Татарстанның инвестор планнарын республика территориясендә гамәлгә ашыруның төрле вариантларын тәкъдим итәргә әзер булуын билгеләп үтте.

ТР Икътисад министрлыгы муниципаль берәмлекләрдә сәнәгый парклар булдыру өстендә эш алып бара. Киләсе елга Татарстанда яңа сәнәгый паркларның саны 14 кә якынлашуы бик ихтимал. Нәкъ менә 14 муниципаль берәмлектә әлеге юнәлештәге проектлар азагына якынлашып килә дияргә була. Бу хакта бүген “Татмедиа” Республика матбугат һәм гаммәви коммуникацияләр агентлыгында узган брифингта билгеле булды. Матбугат очрашуында ТР Икътисад министры урынбасары – Эшмәкәрлек үсешенә ярдәм департаменты башлыгы Рөстәм Сибгатуллин, ТР Эшмәкәрлек үсешенә ярдәм үзәге директоры Артем Наумов, “Химград” технополисы белән идарә итүче – “Идея Капитал” идарәсе ширкәте” ААҖ генераль директоры Айрат Гыйззәтуллин катнашты.
Рөстәм Сибгатуллин Татарстанда сәнәгый мәйданчыклар санын арттыруга зур игътибар юнәлтелүен ассызыклады. Аеруча җитештерүче сәнәгать үсешенә зур басым ясала. Аның әйтүенчә, июль аенда сәнәгый парклар булдыру темасына ТР Икътисади министрлыгында берничә киңәшмә үткәрелгән. Аның эшендә 34 муниципаль берәмлек башлыгы катнашкан. Әмма якын арада сәнәгый парклар булдыру турындагы сүз әлегә 14 муниципаль берәмлеккә кенә кагыла. Болар түбәндәгеләр: Яшел Үзән, Теләче, Яр Чаллы, Лениногорски, Саба, Бөгелмә, Менделеевски, Алабуга, Кама Аланы, Әлмәт, Зәй, Биектау районнары. Аларның кайберләрендә төрле сәнәгый парклар, технопарклар инде гамәлдә, калганнарының 2014 нче елда файдалануга тапшырылуы ихтимал. Аларның проектларына Россиянең Икътисади үсеш министрлыгы экспертлары бәя бирәчәк. Яңа сәнәгый мәйданчыклар дәүләтнеке дә, хосусый да була ала.

Хәзер технополиста 200 ләп резидент исәпләнә, 2016 нче ел азагына аларның саны 300 гә җитәр дип ниятләнә.
Бүгенге көндә “Химград” технополисы уңышлы сәнәгый мәйданчык булып санала. Әлеге заманча индустриаль парк, территориясендә химия һәм полимер продукция эшкәртү өлкәсендә кече һәм урта компанияләр урнашуы өчен кулай. Аның тәҗрибәсе үрнәк буларак Татарстанда гына түгел, Россия Федерациясендә дә кулланыла. Күптән түгел ул оешуына 7 ел тулуны билгеләп үтте. Бу хакта бүген журналистларга Республика матбугат һәм гаммәви коммуникацияләр агентлыгында узган брифингта ТР Икътисад министры урынбасары – Эшмәкәрлек үсешенә ярдәм департаменты башлыгы Рөстәм Сибгатуллин ассызыклап узды.

Сайлап алуны оештыручы Татарстан Республикасы Икътисад министрлыгы Татарстан Республикасының кече һәм урта эшкуарлык субъектлары – Татарстан Республикасы территориясендә урнашкан сәнәгать мәйданчыклары резидентларына субсидияләр бирү өчен бизнес-проектлар сайлап алу конкурсы үткәрү турында игълан итә. Сайлап алу конкурсында катнашырга заявкалар Татарстан Республикасы Икътисад министрлыгында һәм Эшкуарлыкка ярдәм итү үзәге вәкиллекләрендә 2013 елның 22 августыннан 2013 елның 6 сентябренә кадәр эш көннәрендә Мәскәү вакыты белән 9.00дән 18.00 сәгатькә кадәр кабул ителә.

Норматив актларның көйләү йогынтысын бәяләү проблеманы, аны көйләү максатын һәм хәл итүнең мөмкин ысулларын анализлау нигезендә норматив актларны кабул иткәннән соң ихтимал булган уңай һәм тискәре нәтиҗәләрне билгеләү һәм бәяләү, шулай ук актларда эшкурлык һәм башка икътисадый эшчәнлек өлкәсендә хезмәт итүче физик һәм юридик затлар өчен артык вазыйфалар, тыюлар һәм чикләүләр кертүче нигезләмәләрне табу, ачыклау максатында уздырыла.
Татарстан Республикасы Икътисад министрлыгының 2013 елның 2 авгутында имзаланган 250нче боерыгы нигезендә Татарстан Республикасы дәүләт хакимиятенең башкарма органнары тарафыннан кабул ителүче (игълан ителүче) Татарстан Республикасында гамәлдә булган норматив хокукый актларның һәм норматив хокукый актларның проектларының көйләү йогынтысын башлангыч һәм җентекле бәяләүне уздыруның методикасы эшләнде һәм расланды.

2013 елның 16 августында Татарстан Республикасы Икътисад министрлыгында Икътисад тармакларын һәм социаль өлкәне Россия Федерациясенең БСОга керүе шартларына әзерләү һәм җайлаштыру буенча Ведомствоара эшче төркемнең утырышы узды. Утырышта сәнәгать предприятиеләренә ярдәмнең яңа формаларын эшләү процессында хакимиятнең федераль органнары белән хезмәттәшлеккә кагылышлы сораулар һәм БСО шартларында яклау чараларын эшләү буенча республиканың нефть-химия һәм автомобиль төзелеше комплекслары предприятиеләре дә күтәргән проблемаларны күздә тоткан гамәлләр буенча фикер алыштылар. БСО шартларында агросәнәгать комплексындагы вазгыятьне үзгәртүне анализлау һәм авыл хуҗалыгы җитештерүчеләренә тиешле ярдәм чараларын эшләү буенча федераль үзәк белән хезмәттәшлек нәтиҗәләре, шулай ук 2013 елда Бөтендөнья сәүдә оешмасы һәм Таможня союзы кысаларында хуҗалык итү шартларына Татарстан Республикасы икътисады тармакларын һәм социаль өлкәләрен җайлаштыру буенча чаралар планын үтәү буенча башкарылган эшләр каралды.

Татарстанда кече һәм урта эшмәкәрлекне үстерүнең яңа юлларын эзләү дәвам итә. 20 август көнне моңа бәйле тагын бер яңалык билгеле булды - тиздән республика районнарында эшмәкәрләр өчен махсус индустриаль парклар төзи башларга мөмкиннәр.
Җитәкчеләр әлеге карарны юкка гына кабул итмәгән. Хәзерге вакытта үз эшеңне ачып, җитештерү өлкәсендә эш башлау өчен күп көч сарыф итәргә кирәк. Махсус бина табу, аны тиешенчә җиһазлау, эш урыннарын югары әзерлекле кадрлар белән тәэмин итү җиңел түгел. Эшмәкәрләрнең байтагын нәкъ менә әлеге проблемалар куркыта. Күбесе җитештерү эшчәнлеген яхшылап башлап та җибәрә алмыйча, оештыру эшчәнлегенең кайсыдыр этабында туктап калырга мәҗбүр.

2013 елның 16 августында Татарстан Республикасы икътисад министры Мидхәт Шаһиәхмәтов видеоконференция форматында кече һәм урта эшкуарлыкны үстерү һәм аңа ярдәм итү мәсьәләләре буенча муниципаль берәмлек вәкилләре белән киңәшмә уздырды. Икътисад министры киңәшмәдә катнашучыларны «Җиһазлар лизингы үсеше: кече һәм урта эшкуарлык субъектларының җиһаз лизингы («ЛИЗИНГ-ГРАНТ») килешүе буенча беренче кертемнәрен (аванс) түләүгә чыгымнарын субсидияләү» чарасы буенча дәүләт ярдәменә тәкъдим ителүгә бирелгән заявкаларны сайлап алу конкурсының быелгы беренче этабы йомгаклары белән таныштырды. Бәйге нәтиҗәсендә каралган 66 заявканың 65е хупланган. «Үз проектларын инде хәзер үк гамәлгә ашыра башласыннар өчен, җиңүчеләр белән тиз арада субсидияләр алу буенча килешү төзеләчәк», – диде Мидхәт Шаһиәхмәтов.