ЯҢАЛЫКЛАР

2013 елның 9 августында бүгенге көндә гамәлгә ашырылучы дәүләт ярдәме чараларында кече һәм урта эшмәкәрлек субъектларының катнашуы мәсьәләләренә багышланган республика муниципаль берәмлекләре администрацияләре вәкилләре өчен белем бирү семинары үтте. Муниципалитет белгечләре эшмәкәрлеккә дәүләт ярдәме күрсәтү чаралары буенча фикер алуда катнаштылар.

2013 елның 9 августында Татарстан Республикасы Икътисад министрлыгында видеоконференция режимында «Татарстан Республикасының социаль-икътисадый үсеше» мәгълүмати-аналитик системасында муниципаль берәмлекләрнең интерактив паспортларын алып бару мәсьәләләре каралган киңәшмә узды. Әлеге система Татарстанның социаль-икътисадый үсешенең төп параметрлары буенча мәгълүматка, аналитик материалларга ия һәм Россия Федерациясе Президенты указларын тормышка ашыруны тикшереп барырга, таблица, графика һәм картография формасында аналитик һәм исәп-хисап мәгълүматларын бастыру һәм визуальләштерү аша актуаль күрсәткечләрне республика җитәкчелегенә тиз арада тапшыра барырга мөмкинлек бирә. Системага Татарстан Республикасы Икътисад министрлыгы тарафыннан ай саен төзелә баручы муниципаль берәмлекләр рейтингы кертелгән, ул мәгълүмати-аналитик система нәтиҗәсендә тулысынча автоматлаштырылган.

2013 елның 7 августында Татарстан Республикасы Икътисад министрлыгы каршындагы Иҗтимагый совет утырышы үтте. Утырыш ике төп мәсьәләгә багышланган иде: 1. Татарстан Республикасы Министрлар Кабинетының «Татарстан Республикасының 2014–2020 елларга икътисадый үсеше һәм инновацияле икътисады» Дәүләт программасын раслау турында»гы карары проектына җәмәгать экспертизасы уздыру. 2. «Пенсиягә федераль социаль өстәмә түләмнең күләмен билгеләү өчен Татарстан Республикасында 2014 елга пенсионерларның яшәү минимумы күләмен билгеләү турында» Татарстан Республикасы Законы проектын тикшерү.

1 августта Татарстан Республикасы Икътисад министрлыгында Татарстан Республикасы Президенты Р.Н.Миннихановның 15 майда “Россия Сбербанкы” ААҖ Идарәсе рәисе урынбасары Игорь Артамонов белән Татарстан Республикасы территориясендә яңа җитештерүләр (шулай ук технопарк территорияләрендә) оештыру буенча булып узган очрашу нәтиҗәләре йөкләмәләрен үтәү кысаларында киңәшмә узды.
Киңәшмәдә яңа җитештерү булдыруга юнәлтелгән проектлар инициаторлары һәм “Россия Сбербанкы” ААҖ-нең “Татарстан Банкы” бүлечәсенең вәкилләре катнашты. Алар тарафыннан “ЯМТ+” ЯАҖ һәм Казан милли тикшеренү технология университеты тарафыннан тәкъдим ителгән проектлар каралды.
Мондый очрашуларны киләчәктә дә дәвам итү планлаштырыла. Аерым алганда, киләсе атнада “Инновационно-производственный технопарк «Идея-Юго-Восток» ҖЧҖ-нең вәкилләре белән аларның проектларын карау күздә тотыла.

Бүген Бөгелмәдә Бөгелмә электр насосы заводы нигезендә нефть эшкәртү сәнәгате ихтыяҗларына электр кабельләрен җитештерүче предприятие ачылды. Җитештерүне башлап җибәрү тантанасында Татарстан Республикасы Президенты Рөстәм Миңнеханов катнашты.

Беренче чиратта ТР Президенты Бөгелмәдә төзелеп килүче бала тудыру йортын карады. Республиканың сәламәтлек саклау министры Айрат Фәррәхов хәбәр иткәнчә, Бөгелмә бала тудыру йорты өч район - Баулы, Ютазы һәм Бөгелмә районнары өчен үзәк бала тудыру йорты булачак. Ике блок төзелгән, өченчесен төзеп бетерәсе генә калган, анда гинекология бүлеге урнашачак.

Рөстәм Миңнеханов әзер блокларны турыдан-туры билгеләнеше буенча кулланырга кирәк дип белдерде. ТР Президенты республика Сәламәтлек саклау министрлыгына булган биналарны гамәлгә кертү өчен беренчел чаралар исемлеген билгеләргә кушты.

Шуннан Рөстәм Миңнеханов Бөгелмә электр насосы заводына барды. 2009 елда ярты гасырлык тарихы булган әлеге предприятие банкротлык чигенә җиткән иде. Татарстан җитәкчелеге карары буенча заводны Татарстан Республикасы Инвестиция-венчур фонды сатып алды, ә соңырак стратегик инвесторга - "Велес Капитал" инвестиция төркеменә тапшырды.

Анда Татарстан Республикасы икътисад министры Мидхәт Шаһиәхмәтов катнаша
Бүген Татарстан Бөгелмә районы Карабаш бистәсендә, “Татнефть” ААҖ “Нептун” ял базасында нефть саммиты – республика Президенты Рөстәм Миңнеханов катнашында ТР нефть компанияләре җитәкчеләренең еллык киңәшмәсе башланды.
Анда ТР Дәүләт Советы Рәисе Фәрит Мөхәммәтшин, ТР министрлыклары һәм ведомстволары җитәкчеләре, “Татнефть” ААҖ генераль директоры Шәфәгать Тәхаутдинов, нефть химиясе һәм нефть эшкәртү компанияләре, федераль ведомстволар территориаль идарәләре җитәкчеләре, Федерация Советы әгъзалары, РФ Дәүләт Думасы депутатлары һәм ТР нефть районнары җитәкчеләре катнаша.
Киңәшмәдә катнашучылар “Татнефть” ААҖ, “РИТЭК” ААҖ, Казан федераль университет белән “ТНГ-групп” ҖЧҖ тәкъдим иткән алдынгы технологияләр күргәзмәсен карадылар.
Форум барышында безнең нефть компанияләренең 2013 елның беренче яртысындагы эшчәнлегенә нәтиҗәләр ясалачак.