ЯҢАЛЫКЛАР

Бүген ТР Дәүләт Советында КПРФ фракциясенең киңәйтелгән утырышы үтте, аңа республика министрлыклары һәм ведомстволары җитәкчеләре һәм җаваплы вәкилләре чакырылган булган.
Депутат-коммунистлар алар белән бергә “2014 нче елга һәм 2015, 2016 нчы еллар планлы чорына ТР бюджеты турында” ТР законы проекты хатында фикер алыштылар.
Фракция җитәкчесе Хафиз Миргалимов утырышны ачканда билгеләп үткәнчә, фракция республика өчен мөһим мәсьәләләрне Дәүләт Советында карау алдыннан башкарма хакимият органнары җитәкчеләре катнашында традицион рәвештә киңәшмә форматында киңәйтелгән утырыш уздыра.
Якындагы өч елга республиканың социаль-икътисади үсеше фаразлары белән ТР икъисад министрының беренче урынбасары Сәрия Сираҗиева таныштырды.
ТР финанслар министры Радик Гайзатуллин республика бюджеты проектының төп күрсәткечләрен тәкъдим итте. Ул, закон проекты турында сөйләшүгә җитди һәм җаваплы якын килүе, конструктив тәкъдимнәр һәм конкрет киңәшләр өчен, ТР Дәүләт Советында КПРФ фракциясенә рәхмәт белдерде.
Республика бюджеты проекты турында сөйләшкәндә, Дәүләт Советы депутатлары Хафиз Миргалимов, Валентин Кострин, Альберт Бикмуллин, Рафаэль Нуретдинов һәм РФ Дәүләт Думасы депутаты Виктор Пешков күпфатирлы йортларны капиталь ремонтлауны финанслау мәсьәләләрен, асфальт юлларның җитмәү һәм хәзерге юлларның сыйфатсыз булу проблемаларын күтәрделәр. Шулай ук республика бюджетыннан өстәмә финанслауны таләп итә торган конкрет мәсьәләләр күтәрелде – депутатлар Җәлил бистәсен су белән тәэмин итү перспективалары, халыкка канәгатьләндерерлек булмаган медицина хезмәтен күрсәтү сыйфаты, Түбән Каманың яңа микрорайонында мәктәп төзелеше планы, авыл хуҗалыгы җитештерүчеләренә ярдәм итү программасы, республика предприятиеләрендә куркынычсызлык техникасы һәм хезмәтне яклау нәтиҗәлелеге, торак-коммуналь хуҗалыгы системасы реформасы нәтиҗәләре һ.б. белән кызыксынды.

Бүген “Алабуга” МИЗда “Форд-Соллерс” уртак предприятиесендә тулы цикл технологиясе буенча җыелган беренче Ford Kuga кроссоверы конвейердан төште.
Тантаналы чарада ТР Премьер-министры Илдар Халиков, Ford Motor Company директорлары советы рәисе, компаниягә нигез салучы Генри Фордның оныкчыгы Билл Форд, “Соллерс” ААҖ генераль директоры Вадим Швецов, Алабуга районы башлыгы Геннадий Емельянов катнашты. Шулай ук анда Татарстан Республикасы икътисад министры урынбасары Артем Здунов катнаштты.
“Мин бүгенге вакыйганың сәбәпчеләре булган кешеләргә ТР Президенты исеменнән рәхмәт сүзләрен әйтәсем килә. Бу минем өчен дә үзенчәлекле, чөнки “Соллерс” компаниясенең ТР белән хезмттәшлеге минем күз алдымда үсте, һәм минем күз алдымда Чаллыда һәм Алабугада уникаль заводлар төзелде. Бүгенге вакыйга ул вакытта тормышка ашарлык матур хыял, без дөньяда иң яхшы маркалы заманча автомобильләрне күзаллаган хыял кебек кабул ителде. Без бик күп уникаль заманча эш урыннарын, татарстанлыларга һәм россиялеләргә дөнья дәрәҗәсендәге заманча компаниядә эшләү мөмкинлеген күзаллаган хыял”, - дип билгеләде Илдар Халиков, яңа производствоның башлануы белән котлап.
“Россия – “Форд” бренды өчен иң әһәмиятле базарларның берсе, һәм безнең әлеге төбәктә - бик амбициоз планнар”, - дип сөйләде тантананың махсус кунагы Билл Форд. Аның сүзләренчә, тиздән СП конвейерына тагын ике модельне: “Алабуга” МИЗда - Ford Edge һәм Яр Чаллы заводында – “В” класслы Ford EcoSport кроссоверын - куячаклар. Моның өчен өстәмә эш урыннары булдырылачак. Мәсәлән, Алабугадагы заводта тагын 500 хезмәткәр таләп ителәчәк, бүген монда 1500 кеше эшли.

Бүген, 2013 елның 16 октяберендә, «Җиһазлар лизингы үсеше: кече һәм урта эшкуарлык субъектларының җиһаз лизингы («ЛИЗИНГ-ГРАНТ») килешүе буенча беренче кертемнәрен (аванс) түләүгә чыгымнарын субсидияләү» чарасы буенча дәүләт ярдәменә тәкъдим ителүгә бирелгән заявкаларны сайлап алу конкурсының чираттагы этабы узды. Конкурс комиссиясе тарафынннан 72 төрле бизнес-проект каралды. Эшкуарлар үз проектларын үзләре тәкъдим итте. Конкурс комиссиясе әгъзалары һәр заявка буенча карарны заявка бирүче чыгыш ясауга кабул иттеләр. Конкурс йомгаклары буенча 68 заявка хупланды.

Бүген ТР ДСның Бюджет, салымнар һәм финанслар комитетында “Татарстан Республикасының 2014 елга һәм 2015 һәм 2016 елларның планлы чорына бюджет. Татарстан парламентында киләсе ел бюджеты проекты буенча фикер алышулар дәвам итә. Бүген ТР Дәүләт Советының Бюджет, салымнар һәм финанслар комитетында “Татарстан Республикасының 2014 елга һәм 2015 һәм 2016 елларның планлы чорына бюджеты турында” ТР законы проектын карадылар. Анда ТР Икътисад министрының беренче урынбасары Сәрия Сираҗиева, ТР Финанс министры Радик Гайзатуллин катнашты.
Билгеле булганча, киләсе елга бюджет проекты Чистайда, Яр Чаллыда һәм Яшел Үзәндә узган киңәшмәләрдә тәфсилләп каралды. Фикер алышуларда башка муниципаль берәмлекләр дә катнашты. Моннан тыш, төп финанс документы ТР Дәүләт Советы комитетларында да каралды.
2013 елда Татарстанда да, бөтен Россиядәге кебек, икътисади үсеш динамикасының, алдагы елларга караганда, түбәнәюе күзәтелә. Быел тулаем эчке продукт күләме 2013 ел нәтиҗәләре буенча, 2,3 процент үсеш булган очракта, 1 триллион 520 млрд. сум тәшкил итәчәк дип көтелә. Килеп туган иктисади вәзгыятьне исәпкә алып, ил үсешенең сценар шартларыннан чыгып, ТРда 2014 елда эчке тулаем продуктның үсешен 4,2 процент күләмендә фаразлана.

2013 елның 16 октяберендә Татарстан Республикасы Икътисад министрлыгында Җайланмалар лизингын үстерү чаралары: беренче взносны һәм процент ставкасын субсидияләү (ЛИЗИНГ-ГРАНТ) дәүләт ярдәме программасы буенча заявкалар карау булачак.

Әлеге программа буенча заявкалар тапшырган эшкуарларны Конкурс комиссиясе утырышына чакырабыз.

Онлайн трансляцияне http://yatv.ru/mert сайтында карап була.

Утырыш 2013 елның 16 октяберендә сәгать 10 да була.Адрес: Казан шәһәре, Мәскәү урамы 55 йорт, 429 каб.

Тулырак мәгълүматны тубәндәге телефон аша ала аласыз: (843)5-24-90-51.

Бүген Татарстан Республикасы Президенты Рөстәм Миңнеханов чираттан тыш Татарстан Республикасы Иминлек Советы утырышын уздырды.
Утырышта ТР Дәүләт Киңәшчесе Минтимер Шәймиев, ТР Дәүләт Совтеы Рәисе Фәрид Мөхәммәтшин, ТР Премьер-министры Илдар Халиков, ТР Иминлек Советы Секретаре Валерий Власов, ТР Иминлек Советы әгъзалары, муниципаль берәмлекләр башлыклары, республика министрлыклары һәм ведомстволары җитәкчеләре, тикшерү-күзәтчелек органнары, ТКХ һәм энергетика объектлары, балалар өчен социаль учреждениеләр җитәкчеләре катнашты.
Көндәлек тәртиптә ике мәсьәлә булды - республика торак-коммуналь хуҗалыкларының 2013/2014 елларның көз-кыш сезонына әзерлек нәтиҗәләре; социаль хезмәт күрсәтүнең балалар учреждениеләрендә халыкның санитария-эпидемиология иминлеге өлкәсендә законнар таләпләрен үтәү.

Утырышны ачып, Рөстәм Миңнеханов торак-коммуналь хуҗалык халык тарафыннан каты тәнкыйтьләнә торган өлкә икәнен билгеләп үтте. «Мин кат-кат әйткәнем бар, без иң күп тәнкыйтьне ТКХ эше буенча ишетәбез, - дип әйтте ул. - Кешеләр күрсәтелгән хезмәтнең түбән сыйфатлы булуы белән, еш кына торак фонды белән начар идарә итү белән һәм, бигрәк тә, тарифлар сәясәте белән кәнәгатьсез булалар. Коммуналь инфраструктурага килгәндә, биредә күп эшлисе бар әле һәм без тәнкыйтькә дучар булачакбыз".

ТР Үсеш корпорациясе агентлыгында “СМАРТ Сити Казан” технополисы Архитекторлар советының беренче утырышы узды.
Әлеге халыкара инвестиция технополисының Архитекторлар советы “яшел” төзелеш технологияләрен алга этәрү һәм кулланылышка кертү белән шөгыльләнә, “акыллы шәһәр” территориясендәге объектларны проектлау процессына, аларның шәһәрнең тышкы күренешенә ни дәрәҗәдә тәңгәл килүенә кураторлык итә.
Советның беренче утырышында биредә төзеләчәк беренче объектлар хакында сүз барды. Аерым алганда, кинотеатр, кибетләр, кафелар һәм офисларны эченә алачак иҗтимагый эшлекле үзәк, транзит кунакханә, офислар үзәге проектлары хакында фикерләштеләр. Әлеге объектларны проектлау белән Италиянең “DBA Projetti” архитектура фирмасы шөгыльләнә.
Архитекторлар советы утырышында шулай ук “СМАРТ Сити” территориясендә урнашачак TGT Oil and Gas Services халыкара нефтесервис компаниясенең инжиниринг үзәге хакында сүз барды, дип хәбәр итәләр ТР Инвестицион үсеш агентлыгыннан. Аның төзелешенә кагылышлы инвестицион килешү ТР Инвестицион үсеш агентлыгы белән әлеге компания җитәкчелеге арасында узган атнада KazanSummit 2013 кысаларында имзаланган иде.

2013 елның 16 октяберендә сәгать 10 да Татарстан Республикасы Икътисад министрлыгында Җайланмалар лизингын үстерү чаралары: беренче взносны һәм процент ставкасын субсидияләү (ЛИЗИНГ-ГРАНТ) дәүләт ярдәме программасы буенча заявкалар карау булачак.

Әлеге программа буенча заявкалар тапшырган эшкуарларны Конкурс комиссиясе утырышына чакырабыз.

Онлайн трансляцияне http://yatv.ru/mert сайтында карап була.

Адрес: Казан шәһәре, Мәскәү урамы 55 йорт, 429 каб.

Тулырак мәгълүматны тубәндәге телефон аша ала аласыз: (843)5-24-90-51.

Бүген авыл хуҗалыгы һәм эшкәртү сәнәгате “Корстон”да тармак хезмәтчәннәрен һәм ветераннарын хөрмәтләү тантанасы узды. Тантанада шулай ук Татарстан Республикасы Икътисад министры Мидхәт Шаһиәхмәтов катнашты.
Авыл хуҗалыгы уңганнарын, тармак ветераннарын бәйрәмнәре белән ТР Президенты Рөстәм Миңнеханов котлады.
Президент авыл хуҗалыгы җитештерүчеләренең республиканың муллыгын, азык-төлек иминлеген тәэмин итүчеләр булуын ассызыклап, аларга рәхмәт белдерде һәм авыр хезмәтләрендә уңышлар теләде.
Республика башлыгы бу елның да авыл хуҗалыгында хезмәт куючылар өчен зур сынау елы булуын ассызыклады. Уңышны өлгертү өчен кирәкле чорда корылык булды, урып-җыю чорында туктаусыз яуган яңгырлар комачаулады. Президент эшнең яхшы оештырылуын искәртеп, республикада җитәрлек терлек азыгы, халыкны тәэмин итү өчен кирәкле продукция әзерләнүен ассызыклады. “Моның артында зур хезмәт тора. Бу авыл хуҗалыгы предприятиеләрендә хезмәт куючыларның, әлеге предприятиеләр җитәкчеләренең, хуҗалыкларга ярдәм итүче эре предприятиеләрнең уртак хезмәте нәтиҗәсе”, -дип белдерде ул.
Президент булган ресурсларны мобилизацияләү алга таба да агросәнәгать комплексын, авылларны лаеклы үстерергә ярдәм итәр, дигән өметтә калды.
Соңыннан ТР Президенты бертөркем хезмәт алдынгыларына ТР дәүләт бүләкләрен тапшырды.
Хөрмәтләү тантанасындагы тәбрикләүләр сәнгать осталары чыгышлары белән үрелеп барды.

Киләчәктә бюджет үтәлешен, икътисад үсешен тәэмин итү елдан-ел кыенрак булачак. Бу вәзгыятьтә республика җитәкчелеге өметне кече һәм урта бизнес вәкилләренә багълый. Бары тик аларның үсеше генә Татарстан икътисадына тотрыклы калырга мөмкинлек бирәчәк.

Бу хакта 10 октябрь көнне Татарстан Дәүләт Советында узган бюджет буенча парламент тыңлауларында республиканың икътисад министры Мидхәт Шәһиәхмәтов белдерде. Киләсе елларда тулаем республика продуктында кече һәм урта бизнесның өлешен шактыйга үстерергә ниятлиләр. Бүген бу күрсәткеч нибары 25 процент тирәсе генә (Россиядә бөтенләй 20 процент кына). Ә менә икътисадый яктан үсеш кичергән илләрдә әлеге тармакның өлеше 60-70 процент тәшкил итә.

Шунысы да мөһим, кече һәм урта бизнесны аеруча сәнәгать тармагында арттырырга кирәк. Әлегә безнең эшмәкәрләр нигездә сәүдә өлкәсендә генә эш итә икән. Республикада кече бизнеснең нибары 16 проценты гына сәнәгать тармагында мәшгүль. Сәүдәдә исә эшмәкәрләрнең яртыдан артыгы эш итә. Мондый вәзгыятьне үзгәртү максатыннан бизнес өчен төрле административ киртәләр киметү, аларга ярдәм итүнең яңа, нәтиҗәлерәк ысулларын булдырырга кирәк, дип саный министр.