Татарстанда үзмәшгульләр продукциясенең беренче ярминкә атналыгы тәмамланды
«Минем бизнес» үзәге тарафыннан Казан шәһәренең эре сәүдә үзәгендә язгы үзмәшгульләр продукциясе ярминкәсе оештырылды. Алда тагын өч ярминкә атнасы бар.
Узган атнада «Мега» сәүдә үзәгендә «Кече һәм урта эшкуарлык» илкүләм проекты кысаларында Татарстан Республикасының «Минем бизнес» үзәге тарафыннан бирелгән бушлай сәүдә урыннарында үз продукциясен 16 үзмәшгуль тәкъдим итте. Алар ярминкәдә катнашудан алган тәэсирләре белән уртаклаштылар.
«Оештыручыларга рәхмәт. Мин сәләтле үзмәшгуль осталар белән танышуыма бик шат идем. Уңайлы һәм дустанә мохит булды. Кунаклар һәм сатып алучылар күп. Мондый чараларны ешрак үткәрегез», – дип уртаклашты үзмәшгуль Татьяна Павловна.
«Гомумән алганда, МЕГАда эшләү ошый. Яхшы урын, уңайлы эш урыннары, кешеләр агымы зур», – дип сөйләде ярминкәдә катнашучы тагын бер кеше – Лилия Вәлиуллова.
Ярминкә кунаклары балалар өчен төрле уенчыклар һәм өстәл уеннары, агачтан, тиредән, фарфордан бизәнү әйберләре һәм интерьер әйберләре, шулай ук өй декоры әйберләре сатып ала ала.
«Мега» сәүдә үзәгендә ярминкәләр атна саен үткәрелә һәм 7 апрельгә кадәр дәвам итәчәк.
Марафонда катнашу өчен МСП.РФ цифрлы платформасында гариза бирергә кирәк.
Татарстан Республикасында үзмәшгульләргә ярдәм Россия Президенты инициативасы белән оештырылган «Кече һәм урта эшкуарлык» илкүләм проекты кысаларында Татарстан Республикасы Эшкуарлыкка ярдәм фондының «Минем бизнес» үзәге тарафыннан гамәлгә ашырыла.
Ярминкәләрдә катнашу һәм башка ярдәм мәсьәләләре буенча консультацияне «Минем бизнес» үзәгенең кайнар линия телефоны: +7(843)524-90-90 аша алырга мөмкин.