Татарстанда Сибур предприятиеләре җитештерү күрсәткечләрен 11 гә арттырды%

2026 елның 1 кварталы нәтиҗәләре буенча Татарстанда Сибур предприятиеләре - “Нижнекамскнефтехим” һәм “Казаньоргсинтез” җитештерү күрсәткечләрен 11% ка арттырдылар. Алар барлыгы 1,11 млн тонна товар продукциясе җитештергән, 2025 елның 1 кварталында - 1,0 млн тонна.

Үсеш факторлары булып яңа куәтләрне эшләтеп җибәрү, шулай ук җитештерүчәнлекне арттыру, производстволарның йөкләнешен арттыру, җиһазларның эшен тотрыклыландыру тора.

2026 елның 1 кварталы нәтиҗәләре буенча “Нижнекамскнефтехим” 815 мең тонна товар продукциясе җитештергән, бу 2025 елның шул ук чоры белән чагыштырганда 13% ка күбрәк. “Казаньоргсинтез” - 295 мең тонна (+6%).

Мидхәт Шаһиәхмәтов, Татарстан Республикасы Премьер-министры урынбасары - икътисад министры:

• Сибур предприятиеләре җитештерү базасын үстерүне дәвам итәләр һәм гамәлдәге куәтләрдәге күрсәткечләрне яхшырталар. Предприятиеләр тарихында рекордлы күрсәткечләр 2025 ел нәтиҗәләре буенча теркәлгән, хәзер без үсешнең дәвам итүен күрәбез.

• Предприятиеләр икътисадына катлаулы икътисадый мохит - 2025 елның 2 яртыеллыгыннан теркәлгән котировкаларның кимүе, Якын Көнчыгыштагы конфликт фонында чимал һәм логистика үсешенең тизләнүе, масштаблы инвестиция программасы фонында бурыч йөкләнеше сизелерлек йогынты ясый.

• Әмма иң мөһиме, компания тотрыклы үсеш өчен нигез булдыра, бу үз чиратында Татарстанның социаль-икътисадый үсеш факторы булып тора. Бу гамәлдәге куәтләрнең нәтиҗәлелеген арттыру һәм эшләтеп җибәрелгән ЭП-600 комплексы нигезендә уникаль производстволарның яңа кластерын булдыру исәбенә башкарыла. Шуның белән беррәттән компания республиканың фәнни потенциалын үстерә - Казанда 3 кварталдан яңа фәнни-тикшеренү үзәге эшли башлаячак, ул яңа материаллар һәм технологияләр эшләячәк.