ТР Икътисад министрлыгында икътисадның тотрыклы үсешен тәэмин итү буенча эшче төркем утырышы узды
ВКС режимында министрлыклар, ведомстволар, федераль хакимият органнарының территориаль органнары, кече һәм урта бизнеска ярдәм итү оешмалары, муниципаль берәмлекләр вәкилләре катнашында Татарстан Республикасы икътисадының тотрыклы үсешен тәэмин итү буенча эшче төркем утырышы узды.
Утырыш кысаларында социаль әһәмиятле товарларга бәяләрне мониторинглау, мәшгульләр саны һәм кече һәм урта эшкуарлык субъектлары саны динамикасы, муниципаль хезмәтләр күрсәтү срокларын үтәү, 2023 елның 11 аенда Республика маркетинг үзәге ресурсларында эшләү, шулай ук илкүләм проектларны медиа яктырту мәсьәләләре каралды.
Республикада бәяләр мониторингы һәм социаль әһәмиятле товарлар запаслары булу-булмавын контрольдә тоту буенча даими эш алып барыла. Россия Федераль салым хезмәте тәкъдим иткән контроль-касса техникасы агымы мәгълүматларын анализлау ваклап сату азык-төлек базарында тотрыклы ихтыяҗ булуын күрсәтә. Азык-төлек товарларын куллану күләме эталон кыйммәтләре дәрәҗәсендә кала. Кибетләрдә һәм күмәртәләп сатуда товарлар дефициты күзәтелми. Сәүдә челтәрләрендә запаслар күләме җитәрлек дәрәҗәдә.
ТР икътисад министрының беренче урынбасары – Эшкуарлыкны үстерү департаменты директоры Наталья Кондратова мәшгульләр саны һәм КУЭ субъектлары санының уңай динамикасына ирешү буенча стратегик бурычлар турында сөйләде.
Икътисад министрлыгы даими нигездә җирле үзидарә органнары тарафыннан электрон рәвештә хезмәт күрсәтү сыйфатына мониторинг үткәрә. Муниципаль хезмәтләрне күрсәтү срокларын үтәү буенча бурычлар турында Татарстан Республикасы икътисад министры урынбасары Гүзәл Насыйбуллина хәбәр итте.
Шулай ук утырышта Республика маркетинг үзәге ресурсларында 11 айлык эш нәтиҗәләре турында фикер алыштылар, шулай итеп, РМҮ ресурсларында 4,1 меңнән артык Республика тәэмин итүчеләре – КУЭ субъектлары 138,5 млрд сум күләмендә керем алганнар.
Татарстан Республикасында илкүләм проектларны медиа яктырту мәсьәләләре буенча эшче төркем утырышында Татарстан Республикасы икътисад министры урынбасары Сәрия Сираҗиева чыгыш ясады.