Татарстан Республикасы Экспортка ярдәм итү үзәге АСК эшкуарлары өчен семинар үткәрәчәк

Татарстан Республикасы Икътисад министрлыгы карамагындагы Эшкуарлыкка ярдәм итү төбәк фондының Экспортка ярдәм итү үзәге агросәнәгать предприятиеләрен экспортка юнәлдерелгән бизнес өчен демонстрация-дегустация павильоннары эшенә һәм мөмкинлекләренә багышланган онлайн-семинарда катнашырга чакыра.

Павильоннарның төп максаты – потенциаль продукция кулланучылар белән нәтиҗәле бизнес-коммуникацияләр үткәрү һәм Россия җитештерүчеләренең чит илләрдә булган инфраструктурасына басым ясап, нәтиҗәле маркетинг үсеше өчен шартлар тудыру. 

Демонстрация-дегустация павильоннарының эше турында түбәндәгеләр сөйләячәк:

- Черкесов Малик – «Россия экспорт үзәге» АҖ экспорт товарларын халыкара адаптацияләү эксперты;

- Бурцева Ксения – «Россия экспорт үзәге» АҖ субсидияләрне администрацияләү буенча проект җитәкчесе.

Семинарда тыңлаучылар шулай ук «Россиядә эшләнгән» программасы: аның өстенлекләре һәм мөмкинлекләре, сертификациясе һәм пропагандасы турында да беләчәк.

Чарага теркәлү 2023 елның 7 декабренә кадәр МСП.РФ цифрлы платформасы аша «Региональ ярдәм чаралары» бүлегендә гамәлгә ашырыла, алга таба «Экспортерлар өчен семинарларда катнашуга язылу» хезмәтен сайларга кирәк.

Теркәлү һәм катнашу мәсьәләләре буенча Ширеева Наталья, телефон: +7 (843) 222-90-60 (өст. 279).