Күпьеллык тәҗрибәсе булган эксперт-практик Казанда экспорт буенча семинар үткәрәчәк

5 декабрьдә 10:00 сәгатьтә Татарстан Республикасы Икътисад министрлыгы ярдәме белән Экспортка ярдәм итү үзәге «Халыкара маркетплейс: чыгымнарны киметәбез һәм канәгать сатып алучыны алабыз. Уңышлы карточканың 25+ лайфхагы һәм төргәкләү серләре» дигән турыдан-туры семинар уздырачак.

Спикер сыйфатында Илья Шпирт – экспорт буенча эксперт-практик, экспортчылар өчен белем бирү программалары һәм семинарлар авторы чыгыш ясаячак.

Тыңлаучылар клиент карталарын рәсмиләштерүнең гомуми принциплары һәм кораллары, алдынгы тенденцияләр һәм маркетплейс аша товарларны төрү ысуллары турында беләчәкләр.

Семинарда эксперт түбәндәге сорауларны яктыртачак: 

• сатып алучының карашы маркетплейс битендә «сәяхәт итә» торган махсус  «шаблоннар» бармы

• «скроллерлар» кемнәр алар һәм алар безгә нәрсәдә ярдәм итә ала

• «ташлап калдырылган кәрзин эффекты» нәрсә ул һәм аңа каршы көрәшергә кирәкме

• товар картасы элементлары өчен  25+ лайфхак

• маркетплейсларда карточкалар дизайнына үзгәрүче «мода» турындагы фикер

• «кәрзингә» төймәсенең хәзерге форматы барлыкка килү тарихы һәм amazon.com аны өйрәнү өчен ничә ел вакытын сарыф иткән

• «гайрәтне чигермәү»че төргәк төшенчәсе артында нәрсә тора

• хәзерге вакытта почта товарларын төрү өчен нинди материаллар кулланыла

• товарны җибәрү өчен төргәкләү ысулы ничек итеп маркетинг коралына әйләнде.

Семинарда катнашучылар алга таба өйрәнү өчен файдалы сылтамалар һәм ресурслар белән презентация алачаклар. 

Семинар «Кече һәм урта эшкуарлык» илкүләм проекты кысаларында «Минем бизнес» үзәге мәйданчыгында Петербург урамы, 28 йорт, 3 нче кат адресы буенча узачак.

Чарага теркәлү 2023 елның 5 декабренә кадәр МСП.РФ цифрлы платформасы аша «Региональ ярдәм чаралары» бүлегендә мөмкин, алга таба «Экспортерлар өчен семинарларда катнашуга язылу» хезмәтен сайларга кирәк.

Теркәлү һәм катнашу мәсьәләләре буенча Наталья Ширеева, телефон: 8 (843) 222-90-60 (өстәмә 279).

Исегезгә төшерәбез, чит ил базарларында эш алып баручы яки башларга ниятләүче җитештерүчеләргә ярдәм «Кече һәм урта эшкуарлык» илкүләм проекты кысаларында «Минем бизнес» үзәге һәм Экспортка ярдәм итү үзәге тарафыннан башкарыла. Хезмәтләрне һәм ярдәмне «Халыкара кооперация һәм экспорт» илкүләм проекты буенча эшләнгән «Минем экспорт» цифрлы платформасында алырга мөмкин.

Эшкуарларга ярдәм итүнең актуаль чаралары турында мәгълүматны Татарстан Республикасында «Минем бизнес» үзәгенең кайнар линия номеры буенча алырга мөмкин: 8 (843) 524-90-90.