Татарстанда 100 инновацион стартапны «үстерәчәкләр»
Татарстан Республикасы Икътисад министрлыгы һәм «Минем бизнес» үзәге ярдәмендә «Сколково» университеты технологик эшкуарлар өчен «Инноватор навигаторы» укыту программасында катнашуга гаризалар кабул итә башлады. 14-17 ноябрьдә «ИТ-парк» технопаркында узачак чарада «Студентлар стартабы» программасында җиңүчеләр катнашачак. Программа «Кече һәм урта эшкуарлык» илкүләм проектын гамәлгә ашыру кысаларында гамәлгә ашырыла.
Программаның күп өлеше командалардагы гамәли эшләргә багышлана. Бу катнашучыларга аралашу күнекмәләрен арттырырга һәм үз проектларын сыйфатлы эшләргә мөмкинлек бирәчәк. Сайлап алудан узган финалистлар Lean Startup алым коралларын үзләштерү, аларны үз продуктында куллану, эш бизнес-моделен формалаштыру һәм үз проектларын экспертларга тәкъдим итү мөмкинлеген алачак. Программа көннәрендә катнашучыларны трекерлар – бизнес өлкәсе вәкилләре озата барачак.
Укыту программасы демо-көн белән тәмамланачак, аның кысаларында командалар үз проектларын фән, бизнес һәм үсеш институтлары вәкилләреннән торган эксперт жюриена тәкъдим итәчәк. Программа яшь стартапларны һәм фәнни-технологик проектларның булачак лидерларын үстерүгә юнәлдерелгән, ул катнашучыларның идеяләрен коммерцияләштерүне тизләтергә ярдәм итәчәк.
«Инноватор навигаторы» программасында катнашучылар берничә көн эчендә үз стартапларының ярты еллык үсеш юлын узачак. Интенсив нәтиҗәләре буенча барлык катнашучылар да «Сколково» сертификатына ия булачак.
Узган ел Инновацияләргә ярдәм фонды 1000 җиңүчене сайлап алды, аларның һәрберсе 1 млн.сум грант алды. 2023 елда үз бизнесын башлап җибәрү өчен 1500 яшь эшкуар акча алды, шуларның өчтән бере Татарстан Республикасыннан – 442 стартап.
Исегезгә төшерәбез, 2022 елда Татарстан Республикасы Эшкуарлыкка ярдәм итү фонды базасында Инновацияләргә ярдәм итү фондының төбәк вәкиллеге ачылды. «Минем бизнес» үзәге «Студентлар стартабы» конкурсында җиңгән һәр конкрет проектны тормышка ашыру процессын Татарстан Республикасы предприятиеләре, югары уку йортлары, министрлыклары һәм ведомстволары белән алга таба технологик проектларны коммерцияләштерү өчен интеграцияли.
Чарага МСП.РФ цифрлы платформасында теркәлергә мөмкин: https://мсп.рф/services/support/tatarstan/6394/