ТР Икътисад министрлыгында җайга салу йогынтысын бәяләү буенча фикер алышу өчен эшлекле һәм бизнес-берләшмәләр экспертлары белән очраштылар
Экспертлар һәм төбәкнең бизнес-берләшмәләре вәкилләре катнашындагы киңәшмә 2023 елның 9 аенда республика норматив хокукый актлары проектларының җайлау йогынтысын бәяләү процедурасын гамәлгә ашыру нәтиҗәләренә һәм экспертизага, шулай ук киңәшмәдә катнашучыларның бу юнәлештә алга таба хезмәттәшлек итү перспективаларына багышланды.
Татарстан Республикасы Башлыгы (Рәисе) каршындагы Эшкуарлар хокукларын яклау буенча вәкаләтле вәкил аппараты – Татарстан Республикасы Эшкуарлар һәм сәнәгатьчеләр ассоциациясе, Татарстан Республикасы Предприятиеләр һәм сәнәгатьчеләр ассоциациясе (Эш бирүчеләрнең региональ берләшмәсе), «Татарстан Республикасы Сәүдә-сәнәгать палатасы» берлеге, Татарстан Республикасы Кече һәм урта бизнес предприятиеләре ассоциациясе, «Опора России» һәм «Деловая Россия» гомумроссия иҗтимагый оешмаларының Татарстан төбәк бүлекчәләре, Фермерлар, крестьян хуҗалыклары ассоциациясе вәкилләре һәм Татарстан Республикасы Авыл хуҗалыгы кулланучылар кооперативлары катнашты.
Республикада җайга салу йогынтысын бәяләү һәм экспертиза үткәргәндә ачык консультацияләр үткәрелә, аларда катнашуга мәҗбүри рәвештә бизнес-берләшмә вәкилләре җәлеп ителә. Эшкуарлык һәм экспертлар берләшмәсе вәкилләренең фикере җайга салу йогынтысын бәяләү һәм экспертиза нәтиҗәләре буенча нәтиҗәләр әзерләгәндә исәпкә алына.
Татарстан Республикасы икътисад министрының беренче урынбасары Олег Пелевин, экспертлар алдында чыгыш ясаганда, эшкуарлык җәмәгатьчелеге вәкилләренең җайга салу йогынтысын бәяләү һәм экспертиза кысаларында үткәрелә торган ачык консультацияләрдә катнашуы бизнес җәмәгатьчелегенең мәнфәгатьләрен исәпкә алырга гына түгел, ә нормалар төзү процедурасын камилләштерергә һәм, иң мөһиме, гражданнарның һәм бизнесның хакимияткә ышанычын арттырырга мөмкинлек бирә, дип билгеләп үтте.
«Опора России» кече һәм урта эшкуарлык гомумроссия иҗтимагый оешмасының Татарстан төбәк бүлеге рәисе Антон Баклашов үз чыгышында Татарстан Республикасында экспертлар – бизнес вәкилләре белән тыгыз хезмәттәшлек җайга салынганын һәм мондый хезмәттәшлекнең уңай нәтиҗәләр китерүен ассызыклады.
Чакырылган экспертлар киләчәктә уртак эш оештыру, катнашучыларның күбрәк санын ачык консультацияләр процессына җәлеп итү турында үз тәкъдимнәре белән уртаклаштылар.
Әйтик, Татарстан Республикасы Предприятиеләр һәм сәнәгатьчеләр ассоциациясе (эш бирүчеләрнең региональ берләшмәсе) генераль директоры урынбасары Игорь Рассман тармак берләшмәләре вәкилләрен ачык консультацияләрдә катнашуга активрак җәлеп итәргә тәкъдим итә.
Йомгаклау сүзендә Татарстан Республикасы икътисад министрының беренче урынбасары Олег Пелевин билгеләп узганча, бүген җайга салу йогынтысын бәяләү институты – нормалар төзү процессының аерылгысыз өлеше һәм бу процесска бизнес-берләшмәне җәлеп итү эшкуарлык эшчәнлеген алып бару проблемаларына системалы рәвештә якын килергә мөмкинлек бирә, республиканың уңай инвестицион һәм эшлекле климатын формалаштыруга ярдәм итә.
Җайга салу йогынтысын бәяләү турында мәгълүмат сылтама буенча: https://mert.tatarstan.ru/Assessment_of_regulating_influence.htm