ТР Икътисад министрлыгы: НИОКР икътисадның инновацион үсешенең төп коралы һәм дөнья базарында илнең конкурентлыкка сәләтлелеген арттыруда мөһим роль уйный
Бүген Kazan Digital Week-2023тә Татарстан Республикасы Икътисад министрлыгы һәм «Татарстан фәнни-техник мәгълүмат үзәге» ДУП тарафыннан оештырылган «Патент аналитикасын кулланып, фәнни-тикшеренү эшләре проектларының перспективалылыгын бәяләү» түгәрәк өстәле узды.
Түгәрәк өстәл барышында НИОКРны финанслау кирәклеге турында карарлар кабул итүнең заманча фәнни-методик алымнары һәм практикалары тикшерелде. Экспертлар шулай ук фәнни-технологик үсеш юнәлешләрен сайлау турында карарлар кабул итүгә эксперт-аналитик ярдәм инфраструктурасына патент аналитикасы ысулларын куллану һәм кертүнең нәтиҗәлелеген дә аңлаттылар.
Моннан тыш, сессиядә дәүләт заказчылары, корпорацияләр һәм венчур фондлары мәнфәгатьләрендә кулланыла торган технология компанияләре тикшеренүләренең һәм эшләнмәләренең техник яңалыгын һәм перспективалылыгын бәяләүнең сыйфатын арттыру мәсьәләсе дә каралды.
«НИОКР – икътисадның инновацион үсешенең төп коралы һәм дөнья базарында илнең конкурентлыкка сәләтлелеген арттыруда мөһим роль уйный. Бүген стратегик уйларга, җитештерүгә перспективалы эшләнмәләрне кертергә кирәк. Бүгенге халыкара вәзгыять безнең фәнни-технологик потенциалыбызны актив үстерүгә этәргеч бирә», – диде ЦНТИ җитәкчесе Арсен Савва.
Ул искә төшергәнчә, НИОКРга салынган бер сум 5 елдан соң 5 сум керем бирә. НИОКР программаларын нәтиҗәле идарә итү технологик суверенитетка да, динамик икътисадый үсешкә дә ачкыч булып тора.
Исегезгә төшерәбез, 2022 елгы Президент Указы белән Россиядә Фән һәм технологияләрнең ун еллыгы игълан ителде. Киләсе ел Татарстан Республикасының фәнни-технологик үсеш елы дип игълан ителде.
РФ Президенты Владимир Путин кушуы һәм инициативасы буенча илдә «Цифрлы икътисад» илкүләм проекты гамәлгә ашырыла. «Бүген Россиядә фәнни казанышлар, яңа чорның алгарышлы технологияләрен булдыручы уникаль тикшеренүчеләр бар, аларны практик куллануның беренче тәҗрибәсе тупланган», – дип ышана дәүләт башлыгы.