Татарстанда маркетплейсларда продукцияне алга этәрү буенча икенче бушлай укыту марафоны старт ала

Беренче марафон Татарстанда 500дән артык катнашучыны колачлады. Чаралар «Кече һәм урта эшкуарлык» илкүләм проекты кысаларында ТР Икътисад министрлыгы ярдәме белән «Минем бизнес» үзәге тарафыннан гамәлгә ашырыла. Ике атналык бушлай программа Татарстан эшкуарларын Ozon маркетплейсында товарларны алга этәрергә өйрәтәчәк. 

Форум-марафон 18 сентябрьдә башлана һәм 2023 елның 2 октябренә кадәр дәвам итәчәк.

Марафон кысаларында катнашучылар түбәндәге юнәлешләр буенча белем алачак:

• товар карталарын төзү, бу этапта селлерларның киң таралган хаталары;

• SEO-оптимизация һәм аны товар карталарын карауны арттыру өчен куллану;

• башлаучы һәм тәҗрибәле сатучылар өчен реклама кораллары һәм аларны куллану;

• товарларны пропагандалауның тышкы каналлары; 

• конкурентларны анализлау нигезендә товарларны алга җибәрү стратегиясен эшләү;

• маркетплейста товар урнаштыруның нәтиҗәлелеген арттыру өчен аналитик хисаплар һәм сату статистикасы.

Белемнәрне ныгыту өчен экспертлар реаль кейслар нигезендә хаталарны күрсәтеп һәм оптимизация буенча киңәшләр белән товар карточкаларын тикшерәчәкләр. Укыту модульләрен узу һәм биремнәрне уңышлы үтәү нәтиҗәләре буенча марафонда катнашучылар уку турында электрон сертификат алачаклар.

Исегезгә төшерәбез, «PRO Маркетплейс» сериясенең беренче марафоны 2023 елның августында узды. Анда 526 татарстанлы катнашты, алар Wildberries маркетплейсында үз товарларын алга этәрү күнекмәләрен алдылар. 

Шулай ук октябрь-ноябрь айларында «Минем бизнес» үзәге Татарстан Республикасы Икътисад министрлыгы ярдәме белән Яндекс Маркет һәм KazanExpress маркетплейсларында эшләү буенча форум-марафоннар үткәрәчәк. 

Катнашу өчен теркәү МСП.РФ цифрлы платформасы аша башкарыла. Теркәлү өчен аңлатмага сылтама: https://www.ecom.tatar/ozon-mrfn2023.