ЯҢАЛЫКЛАР
Бүген Татарстан Республикасы Хөкүмәте Йортында Татарстан Республикасы финанс, казначылык һәм салым органнарының 2017 елның 9 ае эчендә Татарстан Республикасы берләштерелгән бюджетын үтәү йомгаклары һәм 2017 ел азагына кадәр республика финанс, казначылык һәм салым органнарының бурычлары буенча киңәшмә узды.
Киңәшмәне Татарстан Республикасының финанс, казначылык һәм салым органнары белән Татарстан Республикасы Президенты Рөстәм Миңнеханов уздырды. Киңәшмә барлык мунициципаль районнар белән видеоконференцэлемтә режимында барды.
Абруйлы fDi intelligence халыкара журналы версиясе буенча "Алабуга" махсус икътисад зонасы өченче мәртәбә рәттән иң зур резидентлар буенча Европадагы иң яхшы МИЗ итеп танылды. Financial Times төркеменә караучы әлеге басма ел саен бөтен илдәге иң яхшы махсус зоналарның рейтингын бастырып чыгара һәм "Алабуга" МИЗ 2015, 2016 һәм 2017 елларда The best SEZ in Europe for large tenants титулына ия булды.
Икенче ел рәттән уникаль "Технологик эшкуарлык" дисциплинарара күппрофильле олимпиадасы уза. Яңа уку елында, Россиянең инновацияле төбәкләре ассоциациясеннән (РИТА) һәм Томск дәүләт университетыннан тыш, илдә яшьләр эшкуарлыгын үстерү буенча стратегик партнер буларак КУЭ корпорациясе чыгыш ясады.
Хәзерге вакытта Норматив хокукый актлар проектларының федераль порталында Россия Икътисадый үсеш министрлыгының "Дәүләт теркәвенә алу, кадастр һәм картография федераль хезмәте һәм аның территориаль органнары тарафыннан дәүләт җир күзәтчелеге гамәлгә ашырылганда планнан тыш тикшерүләр уздыру зарурлыгын билгеләү өчен зарури таләпләр бозылу куркынычы индикаторларын раслау турында" боерыгы проекты иҗтимагый фикер алышу процедурасын уза.
Россия Федерациясе Хөкүмәте йөкләмәсен үтәү максатында Россия Икътисадый үсеш министрлыгы тарафыннан эшләнгән "Россия Федерациясендә рөхсәт бирү эшчәнлеге нигезләре турында" федераль закон проектында рөхсәт итү эшчәнлегенең хокукый нигезләрен билгеләү күздә тотыла.
2017 елда беренче мәртәбә "Минем беренче бизнес" россиякүләм конкурсы (алга таба – Конкурс) старт алды. Конкурс 2017 елның 14 октябреннән 18 декабренә кадәр Россия Федерациясе Мәгариф һәм фән министрлыгының, Россия Федерациясе Элемтә һәм массакүләм коммуникацияләр министрлыгының, Яңа проектлар күрсәтүнең стратегик инициативалары агентлыгының, Россия мәктәп укучылары хәрәкәтенең һәм Г.В. Плеханов исемендәге Россия икътисад университетының турыдан-туры булышлыгында уздырыла.
2017 елның 18 октябрендә "2018 елга һәм 2019-2020 елларның планлы чорына Татарстан Республикасы бюджеты турында" Татарстан Республикасы законы проекты хакында фикер алышу буенча Түбән Камада, Питрәчтә һәм Апаста зональ киңәшмәләр булып узды.
2017 елның 16 октябреннән 30ына кадәр Татарстан Республикасы Икътисад министрлыгы тарафыннан "Җир асты байлыклары турында" Татарстан Республикасы Законына үзгәрешләр кертү хакында" 395-8 номерлы Татарстан Республикасы законы проекты буенча ачык консультацияләр уздырыла.
2017 елның 17 октябрендә министр Артем Здунов һәм министр урынбасары Булат Хаҗиәхмәтов йөзендә Татарстан Республикасының Икътисад министрлыгы Татарстан Республикасы Президенты Рөстәм Миңнеханов җитәкчелегендәге Татарстан Республикасы делегациясе составында Мәскәүнең алтынчы "Ачык инновацияләр" халыкара инновацион үсеш форумында катнашты. Чара 16 һәм 18 октябрь көннәрендә Мәскәү шәһәренең "Сколково" инновация үзәгендә уза.
Бүген 2017 елның 17 октябрендә Татарстан Республикасы Дәүләт Советында Бюджет, салымнар һәм финанслар буенча комитет утырышында 2018 елга һәм 2019 һәм 2020 елларның планлы чорына Татарстан Республикасы бюджеты депутатлар тарафыннан беренче укылышта кабул итү өчен киңәш ителде.