ЯҢАЛЫКЛАР

Бүген Россия Федерациясе Хөкүмәте каршындагы Аналитика үзәгендә Россиянең яңа илкүләм проектларын яктыртуның коммуникация линияләренә багышланган киңәшмә узды. Видеоконференциядә төбәк проект офисларының һәм матбугат хезмәтләренең төбәкләрдәге илкүләм проектларга мәгълүмати ярдәм күрсәтү өчен җаваплы 170ләп вәкиле катнашты.

Татарстанда заем финансларын рәсмиләштергәндә үз залоглары булмаган очракта дәүләт поручительлекләреннән файдалана алырлык эшкуарлар даирәсе киңәйтелгән. Эшкуарларга гарантияле ярдәм «Нәтиҗәле һәм конкурентлы икътисад» илкүләм проекты буенча гамәлгә ашырыла.

Төбәк эшкуарларына 2025 елда үз товарларын һәм хезмәтләрен күрсәтү өчен кызыклы юнәлешләр һәм күргәзмәләр билгеләргә тәкъдим итәләр. «Нәтиҗәле һәм конкурентлы икътисад» илкүләм проекты кысаларында «Минем бизнес» үзәге эшкуарлар өчен алар өчен өстенлекле күргәзмә-ярминкә чараларында бушлай катнашуны оештыра. 

Өч ел эчендә 1,1 миллионнан артык россияле – эшкуарлар, үзмәшгуль гражданнар һәм үз эшен башларга ниятләүчеләр КУЭ корпорациясе һәм Икътисадый үсеш министрлыгы тарафыннан эшләнгән МСП.РФ цифрлы платформасыннан куллана башлаганнар.  Платформа бизнеска  – укытудан һәм инвестпроект эшләүдән алып ярдәм чараларын алуга, финанслауны җәлеп итүгә һәм заказчыларны эзләүгә кадәр – тулы ярдәм күрсәтә. Өч ел дәвамында МСП.РФ сервисларына эшкуарлар 7 миллионнан артык тапкыр мөрәҗәгать иткән. Татарстан федераль платформа аша региональ ярдәм чараларына электрон гаризалар саны буенча Россия төбәкләре арасында лидер булды.

Мәскәүдә «Деловая Россия» гомумроссия иҗтимагый оешмасының ислам финанслары буенча подкомитеты утырышы узды. Подкомитет финанс хезмәтләре комитеты эшчәнлеге кысаларында төзелгән.

Бүген Татарстан Республикасы Икътисад министрлыгында Татарстан Республикасы Премьер-министры урынбасары - Татарстан Республикасы икътисад министры Мидхәт Шаһиәхмәтов рәислегендә Татарстан Республикасы икътисадының тотрыклы үсешен тәэмин итү буенча эшче төркем утырышы узды.

Татарстан «Минем экспорт» платформасы хезмәтләреннән актив файдаланган өчен янә беренче урынны алды. «Цифрлаштыру сигезаягы» номинациясендә республика югары билгесен саклый һәм экспортерлар тарафыннан алынган электрон хезмәтләр саны буенча инде бишенче мәртәбә илдә лидер буларак билгеләп үтелде. Бу юнәлештәге эш нәтиҗәләре 2025 елның 6 февралендә Пермь Экспортка ярдәм итү инфраструктурасының Бөтенроссия конференциясендә яңгырады.

2025 елның 23-25 апрелендә Санкт-Петербург шәһәрендә «ЭКСПОФОРУМ» конгресс-күргәзмә үзәгендә «ГОСЗАКАЗ» XX Бөтенроссия форум-күргәзмәсе узачак.

Дәүләт финанс ярдәме күләме буенча төбәкләр рейтингын федераль Икътисад министрлыгы тәкъдим итте.

«Минем бизнес» үзәге яшь инноваторларны «Студентлар стартабы» программасының VI (6) чиратының потенциаль катнашучылары өчен түгәрәк өстәлгә чакыра.