Татарстан җитештерүчеләре локаль брендларга комплекслы ярдәм күрсәтүнең яңа проектында катнаша ала
Проектта катнашучылар продукцияне эшләү һәм алга җибәрү өчен инструментлардан файдалана алачак, бу аларның бизнесын сыйфат ягыннан яңа дәрәҗәгә чыгарырга, танылучанлыкны арттырырга һәм эчке базарда позицияләрен ныгытырга мөмкинлек бирәчәк.
25 майда Зеленодольск шәһәренең Мәдәни үсеш үзәгендә «Үсеш платформасы» Россия эшкуарларын комплекслы яклау һәм үстерү проекты кысаларында презентация һәм укулар узачак. Чара Россиянең иң эре маркетплейсы һәм Стратегик инициативалар агентлыгы (СИА) инициативасы белән оештырылган.
Программа үзебезнең җитештерүгә ярдәм итү һәм икътисадның чимал булмаган тармаклары предприятиеләренең өлешен арттыру буенча «Нәтиҗәле һәм конкурентлы икътисад» илкүләм проекты максатларына ирешүгә юнәлдерелгән.
«Үсеш платформасы» локаль брендларга инфраструктура ярдәме чаралары комплексын һәм Wildberries цифрлы сәүдә платформасы мөмкинлекләренең уникаль линейкасын тәкъдим итә. Проект резидентлары товарлар булдыру һәм алга этәрү, продуктларны яңа үсеш дәрәҗәсенә чыгару һәм ил эчендә тәкъдим ителешне сыйфатлы көчәйтү өчен инструментарийдан файдалана ала.
Хәзерге вакытта инициативага 9 төбәк һәм 286 бренд кушылган. Танылган маркетплейста катнашучы компанияләрнең әйләнеше узган елның шул ук чоры белән чагыштырганда 60% тан артыкка арткан инде.
Проектның бер өлеше булу өчен конкурслы сайлап алу узарга һәм билгеле бер критерийларга туры килергә кирәк.
Әйтик, катнашучылар булып 3 айдан башлап яраклылык срогы һәм җитештерүне локальләштерү дәрәҗәсе 50% да ким булмаган көндәлек ихтыяҗ товарлары җитештерүчеләр була ала. Инде маркетплейста тәкъдим ителгән яки онлайн-платформага чыгуны планлаштыручы, һәм кече һәм урта бизнес реестрына кертелгән булырга тиешләр. Компанияләр үз брендларына ия булырга яки теркәлгән товар билгесенә ия булырга тиеш.
Укулар 14:00 дән 17:30 га кадәр Зеленодольск шәһәре, Королев урамы, 17 адресы буенча узачак. Сайлап алуда катнашу өчен сылтама аша теркәлү узарга кирәк.