ЯҢАЛЫКЛАР

ТР Икътисад министрлыгы агымдагы елның 9 аенда Татарстан муниципалитетларының социаль-икътисади үсеше рейтингын әзерләгән.
ТР Икътисад министрлыгы тарафыннан агымдагы елның гыйнвар-сентябрь айларына Татарстан муниципалитетларының социаль-икътисади үсеше рейтингы төзелгән. Рейтинг мәгълүматлары ведомство сайтында дөнья күргән.
Бу чорда рейтингта беренче позицияне Казан били. Икенче урында – Әлмәт районы, өченчедә – Лаеш районы.
2013 елның 1 октябренә булган мәгълүматларга караганда, ТР буенча теркәлгән эшсезләр дәрәҗәсе 0,89 процент тәшкил иткән. Казанда бу күрсәткеч – 0,62 процент. Эшсезлек буенча иң югары күрсәткеч Чаллыда (0,98). 18 муниципаль берәмлектә күрсәткеч республикадагы уртача күрсәткечтән түбән.
Агымдагы елның гыйнвар-сентябрь айларында Татарстанда тапшырылган торак йортларның гомуми мәйданы бер җан башына 0,4 кв. метр туры килә. Лаеш районында бу күрсәткеч иң югары – 1,7 кв м, Тукайда – 1,6 кв. м һәм Питрәчтә – 1,5 кв. м.
Республика буенча бер җан башына туры килгән тулай авыл хуҗалыгы продукциясе 6,1 мең тәшкил иткән. Бу күрсәткеч республиканың Әтнә районында югары (31,52 мең)

Теләче районында кече һәм урта эшмәкәрлеккә ярдәм итүдә дәүләт идарәсе перспективалары буенча фикерләштеләр. Бүген Теләчедә “ТР территориясендә кече һәм урта эшмәкәрлеккә ярдәм итүдә дәүләт идарәсе перспективалары һәм проблемалары” темасына багышланган киңәшмә узды. Аны ТР Дәүләт Советының икътисад, инвестицияләр һәм эшмәкәрлек комитеты оештырды.
Киңәшмә алдыннан Дәүләт Советы депутатлары, министрлыклар һәм ведомстволар, муниципаль берәмлекләр һәм иҗтимагый оешмалар, шулай ук эшлекле даирә вәкилләре “Теләче” индустриаль-сәнәгать паркы кысаларында үз эшчәнлекләрен ачкан яки ачарга җыенучы кече бизнес предприятиеләрендә булдылар. Аларга Сәгыйть Гиниятуллинның чабыш атлары үрчетү фермасы, җитештерү цехлары тәкъдим ителде. Җирле эшмәкәрләр Теләче районының бизнес өчен җәлеп итүчән булуын һәм җитәкчелекнең бизнесменнарның эш шартлары һәм проблемалары белән кызыксынуын белдерде.
Киңәшмәдә ТР Дәүләт Советының икътисад, инвестицияләр һәм эшмәкәрлек комитеты рәисе Марат Галиев муниципаль хакимиятләр белән җирле бизнес арасындагы мөнәсәбәтләр уңаеннан, теләчелеләрнең үрнәк булуын белдерде.
ТР икътисад министры урынбасары – Эшмәкәрләргә ярдәм департаменты җитәкчесе Рөстәм Сибгатуллин республиканың муниципаль районнарында кече һәм урта бизнес үсеше турында сөйләде. Татарстанда (Теләче, Биектау, Зәй, Алабуга муниципаль районнарында) сәнәгать мәйданчыгы эшли, Теләче проекты иң перспективалыларның берсе булуын билгеләп үтте.

Инновацияләрне һәм технологик модернизацияләүне гамәлгә кертү буенча чаралар комплексы программасы буенча субсидия бирү өчен бизнес-проектларны сайлап алу конкурсында катнашуга гариза бирү вакыты 2013 елның 20 нояберенә кадәр озайтылды. Гаризалар Татарстан Республикасы Икътисад министрлыгы һәм Эшкуарлыкка ярдәм күрсәтү үзәге тарафыннан эш көннәрендә Мәскәү вакыты белән 9.00 сәгатьтән 17.00гә кадәр кабул ителә.
Адрес: Казан шәһәре, Мәскәү урамы 55 йорт, 125 каб.

ТР Икътисад министрлыгы 2013 елның гыйнвар-сентябрь йомгаклары буенча муниципаль берәмлекләрнең социаль-икътисади үсеш рейтингын игълан итте.
Аннан күренгәнчә, гомуми рейтингта беренчелек Казан шәһәрендә. Әлмәт муниципаль районы – икенче, Лаеш районы өченче урында.
1 октябрьгә булган мәгълүматларга караганда, республикада рәсми рәвештә теркәлгән эшсезлек дәрәҗәсе 0,89 процент тәшкил итә. 18 муниципаль берәмлектә ул республика буенча уртача күрсәткечтән түбән.
Агымдагы елның 9 ае эчендә Татарстанда кулланылышка тапшырылган торак мәйданы җан башына 0,4 кв метр тәшкил иткән. Җан башына туры килгән иң зур торак мәйданы бу чорда Лаеш, Тукай һәм Питрәч районнарында теркәлгән.
Республикада төяп озатылган продукциянең җан башына туры килгән уртача күләме 286,5 мең сумлык булган. Әлеге күрсәткеч буенча югары нәтиҗәләрне Әлмәт, Түбән Кама, Яңа Чишмә, Алабуга һәм Тукай районнары биргән.
Рейтинг белән тулырак ТР Икътисад министрлыгы порталының “Территориаль үсеш” бүлегендә танышырга мөмкин.

Татарстан Республикасында күп фатирлы торак йортларга капиталь ремонт ясау 99,8%ка үтәлгән. 33 муниципаль берәмлектә капиталь ремонт эшләре тулысынча төгәлләнгән. Бу хакта бүген Татарстан Республикасы Хөкүмәте Йортында узган республика киңәшмәсендә ТР төзелеш, архитектура һәм торак-коммуналь хуҗалык министры Ирек Фәйзуллин хәбәр итте. Киңәшмә Татарстанның барлык муниципаль районнары белән видеоконференцэлемтә режимында үтте, аны Татарстан Республикасы Премьер-министры Илдар Халиков уздырды. Анда Татарстан Республикасы Икътисад министры Мидхәт Шаһиәхмәтов катнашты.
Татарстан Премьер-министры Илдар Халиков муниципаль район башлыкларын балалар бакчалары төзелеше программасына аерым игътибар итәргә чакырды. Ул шулай ук, Татарстан Республикасы Президенты Рөстәм Миңнеханов тарафыннан куелган бурыч - 2014елның 1гыйнварына киләсе елга төзелеш программасы буенча барлык кирәкле документларны эшләүне искә төшерде.

«Көндәшлекне үстерү һәм монополиягә каршы сәясәтне камилләштерү» юл картасын гамәлгә ашыру кысаларында 2013 елның 25 октябрендә Мәскәү шәһәрендә ел саен уздырыла торган «Россиядә монополиягә каршы җайга салу» дип аталган Бишенче конференция үтте. Ул өстенлекле программаларны үстерү буенча директор Александр Пироженко җитәкчелегендәге Яңа проектларны алга этәрү буенча стратегик инициативалар агентлыгы һәм «Эшлекле Россия» гомумроссия иҗтимагый оешмасы тарафыннан оештырылды. Конференциядә төбәкләрдә көндәшлекне үстерүгә ярдәм итү буенча Россия Федерациясе субъектларының башкарма хакимият органнары эшчәнлеге стандартлары һәм 2014 елдан әлеге Стандарт кертелергә тиешле Россия Федерациясе пилот төбәкләре буенча фикер алыштылар. Әлеге стандартларны эшләүдә Татарстан Республикасы да катнашты. Конференциядә һәм дискуссияләрдә Татарстан Республикасы икътисад министры урынбасары Артем Здунов «Татарстан Республикасында көндәшлек мохите торышы һәм үсеше» темасына кыскача доклад белән чыгыш ясады.

Татарстан Республикасы дәүләт программаларын эшләү һәм планлаштыру процессын камилләштерү, шулай ук аларның бюджет нәтиҗәлелеген исәпләү тәртибен кертү максатларында 2013 елның 24 октябрендә Татарстан Республикасының «Татарстан Республикасы дәүләт программаларын эшләү, гамәлгә ашыру һәм аларның нәтиҗәлелегенә бәя бирү тәртибен һәм Татарстан Республикасы дәүләт программалары исемлеген раслау турында» Татарстан Республикасы Министрлар Кабинетының 2012 елның 31 декабрендәге 1199нчы карары белән расланган Татарстан Республикасы дәүләт программаларын эшләү, гамәлгә ашыру һәм аларның нәтиҗәлелегенә бәя бирү тәртибенә үзгәрешләр кертү турында» 789нчы карары кабул ителде. Карар белән түбәндәге үзгәреш кертелә: статистика учеты нигезендә дәүләт программалары чараларын гамәлгә ашыруны шәрехли торган индикаторларны исәпләүнең мәҗбүрилеге юкка чыгарыла. Бу үзгәрешнең кертелүе кайбер дәүләт программалары чаралары буенча статистик учет нигезендә аларны гамәлгә ашыру нәтиҗәләренең тиешле күрсәткечләрен исәпләү мөмкин булмауга бәйле.

Татарстан Республикасы Икътисад министрлыгы агымдагы елның 9 ае эчендә кара һәм төсле металл калдыкларын җыю, саклау, эшкәртү һәм сатуны лицензияләү буенча нәтиҗәләр ясый. Бүгенге көндә лицензияләр реестрында 86 лицензиат, тимер калдыкларын эшкәртү һәм җыю буенча 332 пункт теркәлгән. Әлеге пунктларның зур күпчелеге республиканың сәнәгый яктан үсеш алган шәһәр һәм районнарында урнашкан. Хисап чоры эчендә Татарстан Республикасы Икътисад министрлыгы тарафыннан 13 лицензия (5 гариза бирүчегә рөхсәт бирелмәгән) һәм 33 лицензиягә кушымта (10ысына рөхсәт бирелмәгән) тапшырылган; 12 лицензия яңадан рәсмиләштерелгән (3 дәгъва кылучының гаризасы кире кагылган). Кире кагуга нигез булып лицензия бирүнең закон тарафыннан расланган таләпләренең үтәлмәве тора.

2013 елның 24 октябрендә Россия Федерациясе Төбәкләр үсеше министрлыгында Россиянең кече шәһәрләре үсеше буенча федераль максатчан программа концепциясе проектын эшләү мәсьәләләре буенча ведомствоара эшче төркем киңәшмәсе узды. Аны Төбәк үсеше министры урынбасары Владимир Дедюхин алып барды. Эшче төркем составына Татарстан Республикасыннан икътисад министры урынбасары Марат Шәрифуллин керә. Киңәшмә барышында «Программалы максатчан метод кулланып, 2020 елга кадәр Россия Федерациясенең кече шәһәрләренең социаль-икътисадый үсеше белән дәүләти идарә итүнең нәтиҗәлелеген күтәрүнең фәнни-техник тәэмин ителеше» темасы буенча фәнни-тикшеренү эше тәкъдим ителде.

2013 елның 22 октяберендә Татарстан Республикасы Икътисад министрлыгында булган Татарстан Республикасы территориясендә урнашкан муниципаль дәрәҗәдәге сәнәгать мәйданчыклары резидентларына субсидияләр бирү программасы буенча заявкалар карау комиссиясе утырышы № 5-1/КГ беркетмәсе.