Татарстан Республикасы Министрлыклары Татарстан Республикасы Икътисад министрлыгы

ЯҢАЛЫКЛАР

октябрь, 2013 ел

җомга

2013 елның 23 октяберендә Татарстан Республикасы Икътисад министрлыгында Җайланмалар лизингын үстерү чаралары: беренче взносны һәм процент ставкасын субсидияләү (ЛИЗИНГ-ГРАНТ) дәүләт ярдәме программасы буенча заявкалар карау комиссиясе утырышы № 7-ЛГ беркетмәсе.

Контракт системасын гамәлгә ашыру өчен кирәкле чираттагы норматив хокукый акт кабул ителде

Россия Федерациясе Хөкүмәтенең 2013 елның 12 октябрендәге 913нче карары белән дәүләт һәм муниципаль ихтыяҗларны тәэмин итү өчен товарлар, хезмәт күрсәтүләрне сатып алу өлкәсендә бердәм мәгълүмати системага (ул куллануга тапшырылганчы) кертелергә тиешле мәгълүматны «Интернет» мәгълүмати-телекоммуникация челтәрендәге Россия Федерациясе рәсми сайтында урнаштыру турында нигезләмәне раслады. Әлеге документ «Дәүләт һәм муниципаль ихтыяҗларны тәэмин итү өчен товарлар, эшләр, хезмәт күрсәтүләрне сатып алу өлкәсендә контракт системасы турында» 2013 елның 5 апрелендәге 44-ФЗ номерлы Федераль законны гамәлгә ашыру өчен кирәк булган норматив хокукый актлар исемлегенә керә. Нигезләмә товарлар китерүгә, эшләр үтәүгә, хезмәт күрсәтүгә заказлар урнаштыру турында мәгълүмат урнаштыру өчен Россия Федерациясенең рәсми сайтында мәгълүмат урнаштыру тәртибен билгели: www.zakupki.gov.ru.

2013 елның 30 октябрендә Икътисад министрлыгының лицензияләү буенча боерыгының көйләү йогынтысына бәя бирү буенча эшче комиссия утырышы узды

Татарстан Республикасы Министрлар Кабинетының «Татарстан Республикасы дәүләт хакимияте башкарма органнары тарафыннан кабул ителә (басыла) торган Татарстан Республикасында гамәлдә булган норматив хокукый актларның һәм норматив хокукый актлар проектларының көйләү йогынтысын ачык бәяләү тәртибен раслау турында» 2012 елның 31 декабрендәге 1182нче карарын тормышка ашыру кысаларында Татарстан Республикасы Икътисад министрлыгының «Татарстан Республикасы Икътисад министрлыгының кара металл, төсле металл калдыкларын җыю, саклау, эшкәртү һәм сату өлкәсендә лицензия контролен гамәлгә ашыру буенча дәүләт функциясен башкаруның административ регламентын раслау турында» 2013 елның 26 мартындагы 96нчы боерыгының көйләү йогынтысына бәя бирү буенча эшче төркеме утырышы була. Утырышта Боерык эшкуарлык һәм башка эшчәнлек субъектлары өчен артык административ һәм башка чикләүләр һәм вазыйфалар яки аларны кертүгә булышучы, шулай ук эшкуарлык һәм башка субъектларның акланмаган чыгымнарына китерүче нигезләмәләрнең булуы ягыннан тикшерелә.

Республика предприятиеләре ноябрьдә Киев шәһәрендә узачак Халыкара сәнәгать форумында катнашачак

Татарстан Республикасы Икътисад министрлыгына караган Экспортка ярдәм итү үзәге тарафыннан Киев шәһәренә (Украина) эшлекле миссия оештыру буенча әзерлек эшләре алып барыла. Әлеге сәфәрнең максаты - XII Халыкара сәнәгать форумында катнашу, ул исә 2013 елның 19-22 ноябрь көннәрендә узачак. Халыкара сәнәгать форумы – Украинада Халыкара күргәзмәләр ассоциациясендә теркәлгән иң эре һәм бердәнбер сәнәгать күргәзмәсе, бу күргәзмәләр өчен дөнья күләмендә танылуның иң югары дәрәҗәсен күрсәтүче дәлил. Форум металл эшкәртү, машина төзелеше һәм төрдәш тармаклар өлкәсендә махсуслашкан сәнәгать мәйданнарын, шулай ук фәнни-гамәли конференцияләр, семинарлар, күргәзмәдә катнашучылар тарафыннан оештырылган презентацияләрнең киң программасын үз эченә алган. Күргәзмәдә Украина, якын һәм ерак чит илләрнең әйдәп баручы сәнәгать предприятиеләре катнаша.

октябрь, 2013 ел

пәнҗешәмбе

Социаль юнәлешле КБОларның 2013 елда Татарстан Республикасы бюджетыннан субсидияләр алу хокукына конкурска тәкъдим ителгән проектларына экспертиза үткәрелә

Социаль юнәлешле КБОларның 2013 елда Татарстан Республикасы бюджетыннан субсидияләр алу хокукына конкурска тәкъдим ителгән проектларына экспертиза үткәрелә. Экспертлар составы конкурсның өстенлекле юнәлешләрен исәпкә алып формалаштырылды, аңарга бәйсез экспертлар белән берлектә, Татарстан Республикасы башкарма хакимият органнары вәкилләре дә керде. Татарстан Республикасы бюджетыннан субсидияләр алуга конкурс сайлап алуында катнашу рөхсәт ителгән социаль юнәлешле коммерциячел булмаган оешмаларның, шулай ук конкурс сайлап алуын узмаган КБОның исемлеге конкурс комиссиясенең 2013 елның 18 октябрендә үткән 2нче утырышында расланды.

Мидхәт Шаһиәхмәтов Татарстан Республикасы Дәүләт Советы сессиясендә 2014-2016 елларга социаль-икътисадый үсеш фаразлары буенча чыгыш ясады

2013 елның 24 октябрендәТатарстан Республикасы Дәүләт Советының кырык бишенче утырышы узды. Утырышның көн тәртибенә 15 мәсьәлә кертелгән иде. «2014 елга һәм 2015-2016 елларның планлы периодына Татарстан Республикасы бюджеты турында» Татарстан Республикасы законы проектын тикшерү кысаларында Татарстан Республикасының 2014-2016 елларга социаль-икътисадый үсеше фаразлары буенча Татарстан Республикасы икътисад министры Мидхәт Шаһиәхмәтов чыгыш ясады. Үзенең чыгышында ул фараз бәяләре нигезенә салынган иң мөһим тышкы һәм эчке факторларны шәрехләүгә тукталды, шулай ук әлеге чорда икътисадның ТТП динамикасын билгеләргә тиешле төп секторлары үсеше фаразларына да тукталды. «Фаразлар тышкы, шулай ук эчке базарда гаять катлаулы макроикътисадый вазгыятьтә, икътисадый динамиканың акрынаюы шартларында эшләнде», – дип басым ясады Татарстан Республикасы икътисад министры. Агымдагы икътисадый вазгыятькә тискәре йогынты ясаучы эчке факторлар арасында Мидхәт Шаһиәхмәтов хезмәт җитештерүчәнлегенең түбәнлеген, кулланучылар ихтыяҗы динамикасының акрынаюын, чималга, энергиягә һәм табигый монополияләр хезмәт күрсәтүләренә бәяләрнең артуы аркасында җитештерү чыгымнарының үсүен билгеләп үтте. Татарстан Республикасы икътисад министры шундый ук вазгыятьнең гомумән Россия буенча күзәтелүен дә билгеләп китте. «Россия Икътисадый үсеш министрлыгы фаразларны инде өч тапкыр яңадан карады һәм илнең 2013 елга эчке тулай продукты үсеше темпларын 1,8%ка кадәр киметте», – диде Мидхәт Шаһиәхмәтов.

Татарстан Республикасы Дәүләт Советы сессиясендә Икътисад министры Мидхәт Шаһиәхмәтов чыгышы

Хөрмәтле Фәрит Хәйруллович!
Хөрмәтле депутатлар!
Чакырылган кунаклар!
Сезнең карауга 2014-2016 елларга урта сроклы чорга республиканың социаль-үсеш фаразы тәкъдим ителә.
Фаразны эшләү кысаларында республика министрлыклары, ведомстволары, муниципаль берәмлекләре һәм предприятиеләре белән зур эш башкарылды. Фараз күрсәткечләре зона киңәшмәләрендә, Дәүләт Советы комитетлары утырышларында, парламент тыңлауларында тикшерелде.
Фараз бәяләмәләре нигезенә салынган иң мөһим тышкы һәм эчке факторларга тукталып үтәм. Фараз тышкы, шулай ук эчке базарларда хөкем сөргән чиктән тыш катлаулы макроикътисадый вәзгыятьтә, икътисад динамикасы акрынаю шартларында эшләнде.
Халыкара валюта фонды бәяләмәсенә караганда, 2013 елда дөньякүләм үсеш темплары чама белән 2,9 процент тәшкил итә; республиканың төп сәүдә партнерлары булып торган Еврозона илләрендә сизелерлек уңай үзгәрешләр күзәтелми.

Депутатлар Татарстанның 2014 елга бюджет проектын беренче укылышта кабул итте

Бүген республика парламенты утырышында “Татарстан Республикасының 2014 елга һәм 2015 һәм 2016 елларның планлы чорына бюджеты турында” ТР законы проектын беренче укылышта кабул итте.
ТР Финанслар министры Радик Гайзатуллин, алдагы өч елга бюджет параметрлары белән таныштырып, елдан-ел бюджетның кытлык өлеше үсә баруын билгеләп үтте. 2014 елга ул 5 409 791, 7 мең сум, 2015 елга – 8 404 770,4 мең сум, 2016 елга 12 374 902,8 мең сум күләмендә планлаштырылган.
Алдагы елларга бюджет проекты республиканың җыелма бюджеты үтәлешен, салым һәм бюджет белән бәйле федераль законнарга кертелгән үзгәрешләрне, федераль бюджет турында закон проектын, республиканың социаль-икътисади үсеш фаразын исәпкә алып төзелгән. Шулай итеп, республика бюджетының керем өлешенә йогынты ясый торган факторларның берсе булып федераль законнарга кертелгән үзгәрешләр тора.
Министр сүзләренә караганда, бюджет проектының керем өлешен формалаштырганда ТР Президентының республика социаль-икътисади үсешенең инвестицион һәм инновацион юнәлешләрен көчәйтү буенча куелган бурычлары исәпкә алынган. “Әлеге бурычларны тормышка ашыру табышка салымга, оешмалар милкенә ташламалар бирү, салым салуның гадиләштерелгән системасы аша алып барыла”, - диде Радик Гайзатуллин. 2014-2016 елларның салым сәясәтендә иң мөһиме – салым механизмнары аша кече һәм урта эшкуарлыкка ярдәм итү һәм аларны кызыксындыру көчәйтелергә тиеш.

Республикада уртача хезмәт хакы 37 мең сумга җитәргә мөмкин

Бүген Татарстанның Дәүләт Советы депутатлары чираттагы утырышларына җыелды. Анда каралган төп мәсьәләләрнең берсе - Татарстан Президенты тарафыннан кертелгән 2014-2016 елларга республика бюджеты проектын тикшерү.

2014 елда бюджет керемнәренең гомуми күләме 138,7 миллиард сум тәшкил итәргә тиеш, ә чыгымнар исә якынча 144 миллиард сум булыр, дип уйланыла. 2016 елга инде керемнәр – 146,7 миллиард, ә чыгымнар якынча 159 миллиард сум булыр дип планлаштырыла. Әлеге мәгълүматны депутатлар игътибарына Татарстанның финанс министры Радик Гайзатуллин җиткерде.

Татарстанның Хисап палатасы белгечләре уздырган экспертиза нәтиҗәләренә караганда, киләсе елда республиканың салым керемнәре 2013 ел белән чагыштырганда 9,8 процентка артып, якынча 122,7 миллион сум тәшкил итәргә тиеш. Шулай да, үткән еллардагы кебек үк, бюджетның иң күләмле керем чыганагы - табышка салым. Хәзерге вакытта салымнарның 36 процентын нәкъ менә әлеге төр салым тәшкил итә.

Бюджет дефицитына килгәндә, киләсе елда ул 5,4 миллион сум булыр дип көтелә. Агымдагы ел белән чагыштырганда бу шактый аз – быел әлеге күрсәткеч 11,5 миллион сум.

Татарстан икътисадының хәзерге торышы һәм киләсе елларга прогнозлар белән депутатларны республиканың икътисад министры Мидхәт Шаһиәхмәтов таныштырды. Билгеле булганча, быел икътисадый үсеш башка еллар белән чагыштырганда шактый әкрен бара. Шуңа күрә ел азагына эчке тулаем продуктның күләме якынча 1 триллион 520 миллиард сум тәшкил итәр, дип уйланыла. Ә менә 2014 елда әлеге күрсәткеч 4,2 процентка күтәрелергә тиеш, дип ышандырды министр.

Министрлык эшкуарларның белем алуга бәйле чыгымнарын субсидияләүне дәвам итә

Татарстан Республикасы Икътисад министрлыгы Татарстан Республикасы кече һәм урта эшкуарлык субъектларының һөнәри әзерлек алуга, яңадан әзерлек уздыруга, квалификацияне күтәрүгә, шулай ук эшкуарлык грамоталылыгын һәм эшкуарлык компетенцияләрен үстерүгә бәйле белем алу чыгымнарын кайтаруны субсидияләүгә гаризалар сайлап алу конкурсының чираттагы этабын узадыра, ул 2013 елның 11 ноябренә кадәр дәвам итә. Әлеге конкурс Татарстан Республикасы кече һәм урта эшкуарлык субъектларына ярдәм итү максатында уздырыла һәм эшкуарлык субъектларына белем алуга киткән акчаларын субсидия формасында кире кайтарырга мөмкинлек бирә. 2013 елда субсидияләү программасын гамәлгә ашыру кысаларында Татарстан Республикасы кече һәм урта эшкуарлык субъектларыннан субсидия алуга килгән 60 гаризаның 41е хупланды, бу 3,4 млн сумны тәшкил итә. 2013 елның 23 октябрендә конкурсның чиртатагы этабын уздыру кысаларында икътисад министры урынбасары Айрат Шәмсиев Татарстан Республикасы территориясендә урнашкан вуз вәкилләре белән «Эшкуарларның белем алуга бәйле чыгымнарын субсидияләү» темасы буенча киңәшмә уздырды.

Моннан алдагы бит Алдагы бит

Датасы буенча тикшерү

ЯҢАЛЫКЛАРГА ЯЗЫЛУ