ЯҢАЛЫКЛАР

2014 елның 9 нчы апрелендә Россия Федерациясе социаль-икътисадый үсешенең Россия Федерациясе Президенты тарафыннан билгеләнгән максатчан күрсәткечләрен мониторинглау буенча Россия Федерациясе Президенты каршындагы Комиссиянең эшче төркеме утырышы булды. Утырышта Россия Федерациясе Президентының 2012 елның 7 маендагы 596-606 номерлы указларында каралган Россия Федерациясе Президенты йөкләмәләренең, шулай ук эшче төркемнең аңа кадәрге карарларының үтәлеше тикшерелде.

Аларның төп бурычы – эшкуарларга килеп туган сораулар буенча оператив киңәш бирү, мөрәҗәгатьләр әзерләгәндә ярдәм итү, шулай ук юридик характердагы катлаулы мәсьәләләр буенча аңлатмалар бирү.

Әгәр сез бизнес өлкәсендә эшлисез, хокукларыгыз һәм законлы мәнфәгатьләрегез бозылган икән, эшкуарларның хокукларын яклау буенча Татарстан Республикасы Президенты каршындагы вәкаләтле вәкилгә яки иҗтимагый кабул итү бүлмәсенә мөрәҗәгать итә аласыз. Белгечләр тиешле киңәшләрен бирәчәк, эшкуарлардан килгән мөрәҗәгатьләр һәм шикаятьләр буенча беренчел экспертиза үткәрәчәк.

Казан шәһәрендә урнашкан иҗтимагый кабул итү бүлмәсенең адресы:
Университет урамы, 14 йорт, 3 кат.
Телефоны: (843) 203-29-08.
Дүшәмбедән җомгага кадәр 9.00-18.00 сәгатьләрдә эшли.

Бүген Татарстан Республикасы Президенты Рөстәм Миңнеханов Алабуга муниципаль районында эш сәфәрендә. Сәфәрнең төп максаты - "Алабуга" МИЗ территориясендә "Хави Логистик Алабуга" ҖЧҖнең һәм "Хухтамаки Фудсервис Алабуга" ҖЧҖнең заводлары төзелешен башлап җибәрү тантанасында катнашу.
"Алабуга" МИЗнда булу кысаларында Рөстәм Миңнеханов һәм аны озата йөрүче затлар шулай ук "Серияле җитештерүләрне модернизацияләү фәнни-техник үзәге" ҖЧҖ заводында булалар.
Көннең икенче яртысында Татарстан Республикасы Президенты махсус икътисадый зонаның алга таба үсеше өчен резидентларны җәлеп итү мәсьәләсе буенча киңәшмә уздырачак.

Бүген Россия Федерациясе Президенты Владимир Путин "Яңа проектларны эшләтеп җибәрү буенча стратегик инициативалар агентлыгы"ның (АСИ) Күзәтчелек советы утырышын уздырды, дип хәбәр итә ТР Президенты матбугат хезмәте.
Чара Ново-Огаревода үткәрелде. Утырышта Татарстан Республикасы Президенты Рөстәм Миңнеханов катнашты.
Күзәтчелек советы вәкилләре илкүләм рейтинг һәм Россия Федерациясе субъектларында инвестицион климат торышы мәсьәләләре, илдә эшлекле климатны яхшырту, социаль өлкәдә берничә инициатива, шулай ук Кырымның кече һәм урта бизнесына хокукый мәгълүмат җиткерүне оештыру турында сөйләштеләр.

Бүген Татарстан Президенты Рөстәм Миңнеханов "Алабуга" МИЗ территориясендә урнашкан "Серияле җитештерүләрне модернизацияләү фәнни-техник үзәге" ҖЧҖ заводында булды.
Әлеге предприятие "Соллерс" ААҖ, "КАМАЗ" ААҖчыгаручы автомобильләрнең эшкәртелгән газларын нейтральләштерү системаларын җитештерү буенча инновацион проектны гамәлгә ашыра. Бу проект 2012 елның июлендә РФ Икътисадый үсеш министрлыгы каршындагы сәнәгать махсус икътисадый зоналары буенча эксперт советы тарафыннан хупланган.
Бүген "НТЦ МСП" генераль директоры Гиви Надарейшвили җитештерелә торган продукциянең махсус төрләре турында хәбәр итте (гофрире торбалар, "УАЗ" машиналары өчен глушительләр һәм резонаторлар, "КАМАЗ"лар өчен нейтральләштерү системалары), шулай ук Евро 4 "КАМАЗ" автомобильләре өчен эшкәртелгән газларны чистарту системасы үрнәкләрен күрсәтте.
Рөстәм Миңнехановны ТР Премьер-министры урынбасары – сәнәгать һәм сәүдә министры Равил Зарипов, ТР Президенты ярдәмчесе Айрат Хәйруллин, "ОЭЗ ППТ «Алабуга" ААҖ генераль директоры Тимур Шаһивәлиев, ТР Инвестицион-венчур фонды җитәкчесе Айнур Айдельдинов һәм башкалар озата йөрделәр.

Бүген "Алабуга" махсус икътисадый зона территориясендә "Хави Логистик Алабуга" ҖЧҖнең җитештерү-бүленеш үзәге төзелеше һәм "Хухтамаки Фудсервис Алабуга" ҖЧҖнең бер тапкыр кулланыла торган савыт-саба һәм кәгазьдән упаковкаларны җитештерү предприятиесе төзелеше ачылу тантанасы узды. Чарада Татарстан Республикасы Президенты Рөстәм Миңнеханов, "Хави Логистик Европа" компаниясе президенты Халук Илкдемирчи,"Хухтамаки" Көнчыгыш Европа буенча вице-президенты Ким Аганимов, "Макдоналдс" Россиядә генераль директоры Алексей Семенов, "ОЭЗ ППТ "Алабуга" ААҖ директоры Тимур Шаһивәлиев, Алабуга муниципаль районының башлыгы Геннадий Емельянов һәм башкалар катништы.
"Хави Логистик Алабуга" ҖЧҖнең җитештерү-бүленеш үзәге берничә предприятиедән торачак - азык-төлек, савыт-саба һәм упаковка җитештерүчеләр. Предприятие продукцияне алучы һәм рестораннарны продукция белән тәэмин итүче булачак. Компаниянең төп клиенты McDonald’s рестораннар челтщре булачак. 53 эш урыны булдыру планлаштырыла. Гомумән бүленеш комплексы елына 25 500 тонна продукцияне эшкәртә алачак.

Бүген Дубайда ТР Инвестиция үсеше агентлыгы җитәкчесе Линар Якуповның Хосусый сектор үсеше буенча Ислам корпорациясе төбәк бүлекчәсе (Азия) директоры Әхмәд Халид белән очрашуы булды.

Очрашу IV инвестиция форумы (Annual Investment Meeting, AIM) кысаларында узды. Очрашу барышында “Хаҗ” инвестицион-туплау фондын булдыру вариантлары турында фикер алыштылар. Ике яктан да катнашучылар үрнәк сыйфатында Малайзия хаҗилары өчен булган фондның бизнес-моделен карадылар.

“Ел саен Татарстанда хаҗ кылучылар саны арта бара, һәм хәзер мондый фонд булдыру мәсьәләсе бик актуаль”, -дип белдерде Линар Якупов. Аның сүзләренчә, мондый фонд кешеләргә акчаларын салып куеп , ә кирәкле сумма туплангач хаҗ кылырга бару мөмкинлеген бирәчәк.