ЯҢАЛЫКЛАР

Татарстан Республикасы Премьер-министры Илдар Халиков һәм “Россельхозбанк” ААҖ идарәсе рәисе урынбасары Кирилл Левин бүгенге очрашуда эшмәкәрләргә дәүләт ярдәме чаралары турында фикер алыштылар. Очрашу Татарстан Республикасы Хөкүмәте Йортында узды, анда “Россельхозбанк” ААҖнең Кече бизнес департаменты вәкилләре, шулай ук ТР Авыл хуҗалыгы һәм азык-төлек министрлыгы, ТР Икътисад министрлыгы вәкилләре катнашты.

Илдар Халиков, аерым алганда, “Россельхозбанк” ААҖ җитәкчелегенең Казанга килүе киләчәктә мөнәсәбәтләрне ныгытуга ярдәм итәчәк, дигән ышаныч белдерде.
“Бүгенге көндә кече һәм урта эшмәкәрлеккә ярдәм кирәклеген дәүләт хакимияте органнарыннан тыш, эшмәкәрләр белән эшләүче структуралар, аеруча банкларның аңлавы безнең өчен бик мөһим”, - диде Илдар Халиков. Аның сүзләренчә, бүген кече һәм урта эшмәкәрлек– ул эш урыннары, гарантияле хезмәт хакы, бу гомумән гражданнарның социаль якланган булуын һәм дәүләтнең тотрыклылыгын тәэмин итә. Татарстанда бу мәсьәләгә һәрвакыт җитди игътибар бирелде, диде ул.

Бүген Татарстан Республикасы Президенты Рөстәм Миңнеханов "Түбән Кама нефть химиясе" ААҖнең полистироллар җитештерүнең дүртенче линиясен эшләтеп җибәрү тантанада катнашты. Чарада "ТАИФ" ААҖ генераль директоры Альберт Шиһабетдинов, "Түбән Кама нефть химиясе" ААҖнең директорлар советы рәисе Владимир Бусыгин, "Түбән Кама нефть химиясе" ААҖ генераль директоры Олег Нестеров, "Татнефть" ААҖ генераль директоры Наил Маганов һәм башкалар катнашты.
Дүртенче линияне төзү 2013 елның беренче кварталында башланды, декабрь аеннан эшләтеп җибәрү эшләренә керештеләр. "Түбән Кама нефть химиясе" ААҖ генераль директоры Олег Нестеров хәбәр иткәнчә, җайланмада 13 төрле маркалы полистирол җитештерү каралган. Яңа линия җитештерү күләмен арттырырга мөмкинлек бирәчәк.

Бүген "Түбән Кама нефть химиясе" ААҖдә акционерларының еллык гомуми җыелышы узды. Анда Татарстан Республикасы Президенты Рөстәм Миңнеханов катнашты.
"Түбән Кама нефть химиясе" ААҖ генераль директоры Олег Нестеров финанс-икътисадый эшчәнлек турында нотык белән чыгыш ясады.
Ул билгеләп үткәнчә, базарның тотрыксыз чагында компания гомуми бәяләр кимүне каучук һәм пластикны җитештерүнең күләмен арттыру аша компенсацияләде. Бу продукцияне сатып 119,8 млрд. сумлык керем һәм 6,1 млрд. сум табыш алырга мөмкинлек бирде.

"Түбән Кама нефть химиясе" ААҖ акционерларының еллык гомуми җыелышында компаниянең Директорлар советы формалаштырылды. Җыелыш эшендә Татарстан Республикасы Президенты Рөстәм Миңнеханов катнашты.
"Түбән Кама нефть химиясе" ААҖ генераль директоры Олег Нестеров финанс-икътисадый эшчәнлек турында нотык белән чыгыш ясады.
"Түбән Кама нефть химиясе" ААҖ Директорлар советы түбәндәге составта формалаштырылды:
Алексеев Сергей Владимирович – "Связьинвестнефтехим" ААҖ генераль директорының беренче урынбасары;
Бусыгин Владимир Михайлович – "ТАИФ" ААҖ генераль директорының "Түбән Кама нефть химиясе" ААҖ белән идарә итү һәм аның стратегик үсеше буенча урынбасары;

Нефть эшкәртү һәм нефть химиясе Татарстан икътисадының үсеш ноктасы булып тора, һәм монда “Түбән Кама нефть химиясе” ААҖ лидер позициясендә тора. Бу хакта бүген ТР Президенты Рөстәм Миңнеханов компания акционерларының еллык җыелышында белдерде.
Рөстәм Миңнеханов билгеләп үткәнчә, бүген “Түбән Кама нефтьхимиясе” ААҖ дөньда полистирол җитештерүчеләрдән эреләренең берсе булып тора. Без 12 ел дәвамында ел саен яңа заманча зур тонналы производстволар ачабыз, һәм бүген “Түбән Кама нефть химиясе” ААҖдә шулай ук ачылу тантанасы – полистирол производствосының дүртенче линиясен эшләтеп җибәрү узды, - дип искәртте ТР Президенты.

Чаллыда төзелеш, юл-урам челтәрен реконструкцияләү һәм төзекләндерү, яңа трамвай линиясен төзү, шулай ук сәнәгать мәйданчыкларын үстерү мәсьәләләре буенча уиңәшмәне бүген Татарстан Республикасы Президенты Рөстәм Миңнеханов уздырды.
Киңәшмә Чаллыдагы ИТ-парк мәйданчыгында үтте.
Киңәшмәне ачып, Рөстәм Миңнеханов билгеләп үткәнчә, бүген шәһәрне инфраструктура белән тәэмин итү, сәнәгать мәйданчыкларын үстерү мәсьәләләре шәһәр өчен бик мөһим. 2013 елда Казанда җәйге Универсиада үткәрелгәнгә, безгә вакыт һәм ресурслар җитмәде, дип әйтте ул, әмма хәзер без берничә мәсьәләне карадык һәм алга таба үсеш этапларын билгеләдек.