ЯҢАЛЫКЛАР

Татарстан Президенты Рөстәм Миңнеханов РФнең Пекиндагы илчелегендә Кытай бизнесы вәкилләре белән берничә эшлекле очрашу уздырды.
КХР Сәүдә палатасының машина-техника продукциясе импорты һәм эскпорты буенча вице-президенты Ши Йонгхонг, Кытай предприятиеләре Татарстан мөмкинлекләрен һәм аның инвестицион потенциалын яхшырак аңласын өчен, республикага Кытай эшлекле даирәләре визитын оештырырга тәкъдим итте. Рөстәм Миңнеханов имзаланган килешү нигезендә хезмәттәшлекнең аерым, перспектив юнәлешләре буенча эшне тагын да яхшырак оештырырга өндәде. Аерым алганда, Кытай компанияләренең берсе Россиягә станоклар җитештереп җибәрү яки производствосын оештыру мөмкинлеген карый.

“Россиядә станоклар төзелеше мәсьәләсе бик кискен тора. Сәнәгатьне модернизацияләү яңа станоклар кертүне таләп итә, ләкин әлегә без тиешле дәрәҗәдәге производстволарыбызга ия түгел, - диде Рөстәм Миңнеханов. – Безнең базар зур, ә сез аңа якынрак булырга тиеш, шуңа күрә сез производствоны бездә оештыра алыр идегез. Ә без сезгә барлык шартларны булдырырга әзер”.

Татарстан Республикасы Премьер-министры Илдар Халиков бүген “Транснефть” АК” ААҖ вице-президенты Владимир Рушайло белән очрашты.
Очрашу ТР Хөкүмәте Йортында узды, анда шулай ук ТР Президенты Аппараты җитәкчесе Әсгать Сәфәров катнашты.

Искә төшерәбез, Владимир Рушайло Казанда ике көнлек эшлекле очрашуда (2014 елның 16-17апреле). Бүген көннең беренче яртысында ул Казанда “СЗМН” (“Төньяк-көнбатыш магистраль нефть үткәргечләре”) ААҖ базасында “Транснефть” системасы объектлары куркынычсызлыгы бүлекчәләре җитәкчеләре киңәшмәсендә катнашты.

Татарстандагы эшлекле очрашу кысаларында Владимир Рушайло “Ковали” нефть чыгару станциясендә булачак, Казанда ИТ-парк эшчәнлеге белән танышачак, спорт инфраструктурасының зур объектларын караячак, берничә эшлекле очрашу уздырачак.

2014 елның 16.17 һәм 18 апрельләрендә Татарстан Республикасы Икътисад министрлыгында Җайланмалар лизингын үстерү чаралары: беренче взносны һәм процент ставкасын субсидияләү (ЛИЗИНГ-ГРАНТ) дәүләт ярдәме программасы буенча заявкалар карау булачак.

Әлеге программа буенча заявкалар тапшырган эшкуарларны Конкурс комиссиясе утырышына чакырабыз.

Адрес: Казан шәһәре, Мәскәү урамы 55 йорт, 429 каб.
Онлайн трансляцияне http://yatv.ru/mert сайтында карап була.

Татарстан һәм Синьцзян-Уйгыр автономияле районы хезмәттәшлек өчен бик күп мөмкинлеккә ия, ләкин алар тулысынча ачылмаган. Бу хакта бүген Татарстан Республикасы Президенты Рөстәм Миңнеханов Кытайның Коммунистлар партиясе Үзәк комитеты сәяси бюросы әгъзасы - Кытай Коммунистлар партиясенең Синьцзян-Уйгыр автономияле районы комитеты секретаре Чжан Чуньсянь белән очрашу барышында белдерде.

Очрашу Өремче шәһәренең СУАР административ үзәгендә булды. Анда шулай ук ТР вице-премьеры – авыл хуҗалыгы һәм азык-төлек министры Марат Әхмәтов, ТР Президентының халыкара мәсьәләләр буенча ярдәмчесе Радик Гыйматдинов, ТР Инвестицион үсеш агентлыгы җитәкчесе Линар Якупов, “ТАИФ” ААҖ Директорлар советы рәисе Рөстәм Сүлтиев, “Татнефть” ААҖ генераль директоры Наил Маганов, “Татнефтехиминвест-холдинг” ААҖ генераль директоры Рафинат Яруллин, ТР Сәүдә-сәнәгать палатасы рәисе Шамил Агеев катнашты.

Трансформаторлар һәм элект челтәре җиһазларын җитештерүче лидерларның берсе - ТВЕА Кытай компаниясенең Татарстан Республикасы предприятиеләре белән хезмәттәшлек итәргә һәм ТР территориясендә үз производствосын ачарга теләге бар. Бу хакта Татарстан Республикасы Президенты җитәкчелегендә Татарстан делегациясенең Урумчида ТВЕА заводына һәм штаб-квартирасына барулары кысаларында белдерелде.
Компания шулай ук "чиста" энергетика һәм яңа материаллар җитештерү белән шөгыльләнә, аерым алганда, поликристал кремние һәм югары чисталыктагы алюминий.
ТВЕА подстанцияләрне, электр станцияләрен, электр үткәрү линияләрен җиһазлый.