ЯҢАЛЫКЛАР

Бүген Татарстан Республикасы Президенты Рөстәм Миңнеханов Россия Федарациясе Президенты администрациясе җитәкчесе урынбасары Мөхәммәдсәлам Мөхәммәдов белән очрашты.
Очрашу барышында Татарстан Республикасын социаль-икътисадый үстерү мәсьәләләре, диниара һәм милләтара татулыкны ныгыту мәсьәләләре һәм башкалар турында фикер алышынды.
Исегезгә төшерәбез, Мөхәммәдсәлам Мөхәммәдов Казанда эш сәфәрендә (2014 елның 14 – 15 мае), сәфәренең төп максаты – Россия Федарациясе Идел буе федераль округы субьектларының иң югары вазыйфаи затларының этноконфессиональ мөнәсәбәтләр өчен җаваплы урынбасарлары белән семинар-киңәшмәдә катнашу (чара иртәгә, 15 майда, «Корстон»да узачак).

2014 елның 16 маенда Лидерлар Клубы Казанда "Контроль сатып алулар" темасына түгәрәк өстәл уздырачак.
Әлеге проект дәүләт органнарының кирәкле контроль һәм теркәү процедураларның никадәр тиз һәм уңайлы булуын эшкуарларның үзләре тарафыннан "яшерен" тикшерелүен күз алдында тота. Елга ике мәртәбә мондый "сатып алуларның" нәтиҗәләре буенча нотыклар Россия Президентына тәкъдим ителәчәк.

Татарстан 2013 нче елда нәтиҗәлелекне бәяләү буенча лидерлыкны саклап кына калмаган, ә Россиянең башка төбәкләре алдында үз өстенлеген тагын да арттырган. РФ Хөкүмәте сайтында өчьеллык чорга күрсәткечләрнең динамикасын исәпкә алып, үткән елга төбәкләрнең рейтингы бастырылган.
2012 нче елның ноябрендә Хөкүмәт тарафыннан расланган методика нигезендә федерация субъектларының башкарма хакимият органнары эшенең нәтиҗәлелеге бәяләнгән.
2013 нче елда нәтиҗәлелекне бәяләү буенча Татарстан Республикасы лидерлыкны саклап кына калмаган, ә башка төбәкләр алдында үз өстенлеген тагын да арттырган. 20 төбәк-лидер арасында икенче урынны Төмән өлкәсе алып тора, өченчедә - Ханты-Манси автономияле округы – Югра.

Бүген ТР Дәүләт Советының икътисад, инвестицияләр һәм эшкуарлык комитеты утырышы узды. Анда депутатлар, бер республика һәм ике федераль закон проектын карады, шулай ук Сахалин депутатларының федераль үзәккә мөрәҗәгать итүләрен хуплау уңаеннан фикерләрен белдерделәр.
Комитет рәисе Марат Галиев, депутатларга “ТРда дәүләт-шәхси партнерлык турында”гы ТР закон проектына үзгәрешләр кертү турында”гы закон проектын тәкъдим итеп, документның ТР Президенты йөкләмәсе буенча эшләнүен искәртте. Аның сүзләренә караганда, законны куллану тәҗрибәсе, аның аерым маддәләрен үзгәртергә кирәклеген күрсәтте. Төзәтмәләр кертү барышында бәйсез экспертиза ясалды, комитетның, аерым депутатларның һәм министрлыкларның тәкъдимнәре исәпкә алынды. Депутатлар төзәтмәләр буенча фикер алышкач, Дәүләт Советына закон проектын икенче һәм өченче укылышта карарга тәкъдим итәргә булды.

Казан Федераль университетында 2013/2014 нче уку елына идарәче кадрларын әзерләүнең Президент программасы тәмамланды. Атна буена тыңлаучыларның чыгарылыш эшләрен яклау булачак.

Идарәче кадрларын әзерләүнең Президент программасы 550 уку сәгате дәвамында булды.

2014 нче елның 9 нчы маенда Ленин мәйданында Бөек Ватан сугышында Бөек Җиңү Көненең 69 еллыгына багышланган митинг узды.
Алабугалыларны бәйрәм белән Алабуга муниципаль районы башлыгы Геннадий Емельянов, Татарстан Республикасының икътисад министры Мидхәт Шаһиәхмәтов, шәһәр ветераннар Советы рәисе Рәкыйп Мөбәрәкшин котладылар.
Аннан соң алабугалылар игътибарына “Җиңү юллары белән” дип аталган театральләштерелгән тамаша тәкъдим ителде.
Тамашадан соң бәйрәм парады үтте һәм аннан соң район башлыгы, бәйрәм кунаклары, районның предприятиеләре, оешмалары һәм учреждениеләре җитәкчеләре, алабугалылар Хәтер мемориалына чәчәкләр салдылар.

Бүген Кырым Республикасы Дәүләт Советы рәисе Владимир Константинов һәм Кырымның беренче вице-премьеры Рөстәм Тимергалиев Казанга эш сәфәре белән килде. Кунаклар ТР Хөкүмәт йорты, ТР Дәүләт Советы, Казан Кремле, IT-парк, "Kazan-Arena" стадионы, Спортның су төрләре сараенда һәм башкаланың 7 нче хастаханәсендә булды. Аларны очрашуда ТР Премьер-министры Илдар Халиков озатып йөрде.

Кырым Республикасы Дәүләт Советы рәисе Владимир Константинов объектларны карагач, журналистларның сорауларына җавап бирде. Ул республика уңышлары хис-кичерешләр уятуын белдерде. Әйтүенчә, Татарстанда беренче тапкыр булуы, әмма тагын киләчәгенә ышана. Кырым һәм Татарстан Дәүләт Советлары арасында элемтәләр җайга салынды, дип белдерде В.Константинов. Шулай ук Татарстанда гамәлгә ашырыла торган проектларның күп һәм киң күләмле булуына шаккатуын һәм Кырым, Украина составында мондый мөмкинлекләргә ия түгел иде, дип борчылуын белдерде.

2014 нче елның 12 нче маенда «Казан» милли мәдәният үзәгендә “Программалы бюджет. Физик затларныж күчемсез милегенә салым ” исеме астында семинар-киңәшмә узды. Анда Татарстан Республикасы Икътисад министрлыгында ТР Икътисад министрының урынбасары Марат Шәрифуллин катнашты.
Семинар-киңәшмәдә шулай ку Татарстан Республикасы Президент Аппараты, Татарстан Республикасы Дәүләт Советы, министрлыклар һәм ведомствалар вәкилләре катнашты.

2014 елның 16 маеннан 2014 елның 2 июненә кадәр «Сәнәгать (индустриаль) парклар төзү» чарасы буенча федераль субсидияләр алу өчен Татарстан Республикасыннан җыелма гаризага керүне дәгъвалаучылардан гаризалар кабул ителә.
Гаризалар Татарстан Республиасы Икътисад министрлыгы тарафыннан түбәндәге адрес буенча кабул ителә: Казан шәһ., Мәскәү ур., 55, кабинет 506.
Бәйге гаризаларын кабул итү вакыты:
дүшәмбе – пәнҗешәмбе – 9.00дән 18.00гә кадәр;
җомга – 9.00дән 17.00гә кадәр.
Белешмәләр өчен телефон: (843) 524-91-77.

Бүген Мәскәүдә Татарстан Президенты рөстәм Миңнеханов Cisco Гомуми Интернет глобаль трансформацион стратегияләр буенча директоры Мэтью Смит белән очрашты. Очрашу РФдә ТР Тулы вәкаләтле вәкиллегендә узды. Анда шулай ук ТР Премьер-министры урынбасары – РФдә ТР вәкаләтле вәкиле Равил Әхмәтшин, ТР Премьер-министры урынбасары – мәгълүматлаштыру һәм элемтә министры Роман Шәйхетдинов, Россия Федерациясендә Cisco бизнес-стратегияләр юнәлеше кураторы Лев Левин, Россия Федерациясендә Cisco җәмгыять белән элемтә буенча бүлек башлыгы Михаил Пахомов, Татарстан Республикасында Cisco региональ вәкиле Дмитрий Трофимов һәм компаниянең башка вәкилләре катнашты.
Мэтью Смит Рөстәм Миңнехановка, Cisco компаниясенең республика белән урнашкан җылы партнерлык мөнәсәбәтләре өчен рәхмәт белдерде. «Без чыннан да мөнәсәбәтләребезне югары бәялибез һәм аларны алга таба да уңышлы үстерергә телибез», - дип ассызыклады ул.