ЯҢАЛЫКЛАР

Бүгенге көнгә Татарстанда чәчү эшләре 1 млн гектар мәйданда тәмамланган, бу 2014 язгы чәчүлекләр гомуми мәйданының 58%ын тәшкил итә. Бүген Татарстан Республикасы Хөкүмәте Йортында узган атналык киңәшмәдә шундый белешмәләр бирелде, аны Татарстан Республикасы Президенты Рөстәм Миңнеханов алып барды. Киңәшмәдә шулай ук Татарстан Республикасы Премьер-министры Илдар Халиков та катнашты.
Татарстан Республикасы Президенты беренче чиратта район башлыкларын үз территорияләре өстеннән очып узарга өндәде.
Татарстан Республикасы Премьер-министры урынбасары -Татарстан Республикасы авыл хуҗалыгы һәм азык-төлек министры Марат Әхмәтов хәбәр иткәнчә, бүгенгә республикада чәчү эшләре 1 млн гектар мәйданда тәмамланган, бу планлаштырылганның 58%ын тәшкил итә. Иң зур процент Идел алды зонасы районнарында.

Кичә Татарстан Республикасы Президенты Мәскәүдә РФ Президенты каршындагы социаль-икътисади үсешнең максатчан күрсәткечләренә ирешү мониторингы буенча комиссия утырышында катнашты. Россия Федерациясе Президенты Владимир Путин үткәргән утырышта нәкъ бер ел элек имзаланган май указларын гамәлгә кую буенча фикер алыштылар.
Утырышта РФ Премьер-министры Дмитрий Медведев, Хөкүмәт әгъзалары, төбәк башлыклары катнашты, дип хәбәр итә ТР Президенты матбугат хезмәте.
Владимир Путин утырышны ачып, май указлары гражданнарның иң мөһим проблемаларын үз эченә алган, һәм аларның уңышлы хәл ителеше миллионлаган кешенең яшәү перспективасын билгели, дип белдерде. Указларда бюджет өлкәсендә эшләүчеләрнең хезмәт хакын арттыру, шул ук вакытта медицина, белем бирү, социаль хезмәтләр сыйфатын күтәрү, гражданнарның, шул исәптән авария хәлендәге йортта яшәүче күп балалы гаиләләрнең дә торак шартларын яхшырту, муниципаль һәм дәүләт хезмәтләре күрсәтүче хакимият органнарының һәм оешмаларның эшчәнлеген яхшырту, киләчәк үсеш һәм икътисад үсешенең башлангыч факторы буларак хезмәт җитештерүчәнлеген арттыру каралган.

Кадерле Бөек Ватан сугышы ветераннары һәм тыл хезмәтчәннәре!
Сезне чын күңелдән Бөек Җиңүнең 69 еллыгы уңаеннан тәбрик итәм!
Бу көн гомерлеккә батырлык һәм геройлык символы булып тарихка кереп калды.
Сезнең батырлыгыгыз һәрвакыт бетмәс рухи көч биреп тора.
Әлеге бәйрәмдә сезгә ныклы сәламәтлек һәм мул тормыш телим. Һәрвакыт безнең белән Җиңү куанычы, безнең азатлык һәм бәйсезлек өчен көрәшкәннәр өчен горурлык һәм чиксез рәхмәт хисе булсын!

Татарстан Республикасы Министрлар Кабинетының 2014 ел, 30 апрель, 289 нчы карары белән «2014 – 2020 елларга Татарстан Республикасы халкын сыйфатлы торак һәм торак-коммуналь хуҗалык хезмәтләре күрсәтү белән тәэмин итү» дәүләт программасы расланды.
Татарстан Республикасы Министрлар Кабинеты КАРАР БИРӘ:

1. Бу карарга теркәлгән «2014 – 2020 елларга Татарстан Республикасы халкын сыйфатлы торак һәм торак-коммуналь хуҗалык хезмәтләре күрсәтү белән тәэмин итү» дәүләт программасын (алга таба – Программа) расларга.
2. Программаның дәүләт заказчысы-яраштыручысы итеп Татарстан Республикасының Төзелеш, архитектура hәм торак-коммуналь хуҗалык министрлыгын билгеләргә.
3. Татарстан Республикасының Финанс министрлыгына ел саен, чираттагы финанс елына Татарстан Республикасы бюджетын формалаштырганда, мөмкинлекләрне исәпкә алып һәм бу максатларга Татарстан Республикасы бюджетыннан җибәрелә торган акча чикләрендә Программа чараларын тормышка ашыруга акча күздә тотарга.

2014 нче елның 6 нчы маенда ТР Дәүләт Советында булган матбугат конференциясендә “2011-2015 нче елларга ТР Социаль-икътисади үсеш программасын раслау турында”гы ТР Законын тормышка ашыру барышы хакында сөйләделәр. Журналистларның сорауларына ТР ДСның Икътисад, инвестицияләр һәм эшкуарлык комитеты рәисе Марат Галиев һәм ТР икътисад министры Мидхәт Шаһиәхмәтов җавап бирде.

Татарстан Республикасы Хезмәт, мәшгульлек һәм социаль яклау министрлыгында министрның беренче урынбасары Айрат Хәсәнов рәислегендә Социаль-хезмәт мөнәсәбәтләрен җайлау буенча республика өчьяклы комиссиясе каршындагы Хезмәткә түләү, керемнәр һәм халыкның тормыш дәрәҗәсе буенча координацион совет утырышы узды. Анда икътисад һәм социаль өлкә тармаклары үсеше бүлеге мөдире Зөлфия Мөхәмәдьярова катнашты.

2014 елның 16 маенда Казанның ИТ-паркында Глобаль шейперлар бергәлеге вәкилләре белән очрашу булачак.
Глобаль шейперлар (лидерлар) бергәлеге – яшь лидерларны глобаль процессларга һәм уртак инициативаларга җәлеп итү өчен халыкара платформа. Бүген бергәлеккә бөтен дөньядан 3 меңнән артык яшь лидерлар җәлеп ителгән. Ул Бөтендөнья икътисади форумы программасына яшь лидерларны дөньяви элита вәкилләре белән аралаштыру максатыннан кертелгән.

 

2020 елга илебездә 25 миллион югары җитештерүчәнлеккә ия эш урыны булдырылырга, хезмәт нәтиҗәлелеге исә 2018 елга 1,5 тапкырга арттырылырга тиеш. Мондый максатларга ирешү өчен беренче чиратта кадрлар мәсьәләсе хәл ителергә тиеш. Идарәчеләр осталыгынннан да күп нәрсә тора.

Менә инде 16 ел республикабызда идарәче кадрлар әзерләү буенча Президент программасы гамәлгә ашырыла. Бу дәвердә 2 меңгә якын төрле дәрәҗәдәге җитәкче үз квалификациясен үстергән инде. Әлеге программа буенча укып чыккан идарәчеләр бер төркем күнекмәләр ала һәм алга таба уңышлы гына аларны үз эшчәнлегендә куллана.

Бүген Татарстан Республикасы Президенты Рөстәм Миңнеханов Мәскәүдә Социаль-икътисадый үсешнең максатчан күрсәткечләренә ирешүне мониторинглау буенча Россия Федерациясе Президенты каршындагы комиссия утырышында катнашты. Россия Федерациясе Президенты Владимир Путин алып барган бу утырышта дәүләт башлыгының бер ел элек имзаланган май указларын гамәлгә ашыру буенча фикер алышынды. Утырышта Россия Федерациясе Премьер-министры Дмитрий Медведев, Россия Федерациясе Хөкүмәте әгъзалары, регионнар башлыклары катнашты.
Утырышны ачып, Владимир Путин билгеләп үткәнчә, «май» указлары дип аталучы әлеге указлар гражданнар өчен аеруча әһәмиятле булган проблемаларга кагыла, аларны уңышлы һәм нәтиҗәле хәл итү миллионлаган кешеләрнең тормыш перспективаларын билгели.