ЯҢАЛЫКЛАР

2015 елның 11 мартында составына Кама инновацияле территориаль-җитештерү кластерының автомобиль төзелеше өлкәсенә караган 17 предприятиесе кергән Татарстан Республикасы делегациясе Самара өлкәсенең «Жигулевская долина» технопаркында булды. Анда кунакларга технопаркның үзе, һәм шулай ук Төбәк инжиниринг үзәге һәм Самара өлкәсенең Автомобиль кластеры тәкъдир ителде. Очрашуда технопаркның инновацияле проектлар белән эшләү департаменты җитәкчесе Игорь Смирнов, Төбәк инжиниринг үзәге директоры Алексей Миронов, һәм шулай ук «Самара өлкәсенең Автомобиль кластеры» Коммерциячел булмаган партнерлыгы вәкилләре катнашты.

2015 елның 10 мартында Татарстан Республикасы Экспортка ярдәм итү үзәге җитәкчесе Василий Чистяков Татарстан Республикасының чит илләрдәге сәүдә вәкиллекләре белән хезмәттәшлеккә багышланган киңәшмәдә катнашты.
Киңәшмәдә Сәүдә вәкиллекләре белән хезмәттәшлеккә кагылган актуаль сораулар, шулай ук 2015 елга планнар буенча фикер алышулар узды.
Василий Чистяков Татарстанның Сәүдә вәкиллекләренә республика продукциясен ерак һәм якын чит илләрдә алга этәрүдәге һәм күргәзмәләр оештырудагы ярдәмнәре өчен рәхмәтен белдерде.

2015 елның 9-11 март көннәрендә Яр Чаллы шәһәренең Инвестицияләрне җәлеп итү агентлыгы, «Кама инновацияле территориаль-җитештерү кластеры» Коммерциячел булмаган партнерлыгы һәм Татарстан Республикасы кече һәм урта эшкуарлык субъектларының Кама кластер үсеше үзәге белән берлектә, Самара өлкәсенә эре автомобиль предприятиеләрендә булу күздә тотылган бизнес-миссия оештырды.
Әлеге сәфәрнең максаты – Татарстан Республикасы автомобиль төзелеше тармагын үстерү һәм автокомпонентлар җитештерүче машина төзелеше предприятиеләренең продукциясен алга этәрү.

Хәзерге вакытта Россия Федерациясе Икътисадый үсеш министрлыгында «Россия Федерациясендә дәүләт һәм муниципаль контроль һәм күзәтчелек нигезләре турында» федераль закон проекты эшләнә.
Закон проекты дәүләт тарафыннан хуҗалык эшчәнлеген җайлауның нәтиҗәлелеген күтәрү һәм контроль-күзәтчелек эшчәнлеген оештыруны камилләштерү максатларында эшләнә. Федераль закон проекты бизнес мәнфәгатьләрен исәпкә алып эшләнә, чөнки ул бизнесның аерым сегментларына гына түгел, аның барлык өлкәләренә дә кагылачак.

Хөрмәтле Яков Вениаминович!
Сезнең һөнәри һәм кешелеклелек сыйфатларыгызны тирән ихтирам итеп, бүгенге олуг юбилеегыз белән тәрбик итәбез!
Икътисадның төрле өлкәләре үсешенә керткән олы хезмәтегез Сезгә зур талантка һәм бетмәс-төкәнмәс энергиягә ия, креатив, киләчәкне күзалларга ярдәм итә торган карарлар кабул итәргә сәләтле кеше абруе китерде.

Бу көннәрдә Татарстан Республикасы Икътисад министрлыгының кече һәм урта эшкуарлыкка ярдәм итү юнәлеше өчен җаваплы вәкилләре берничә күчмә чара үткәрделәр. 11 мартта Татарстан Республикасы икътисад министры урынбасары – Эшкуарлыкны үстерү департаменты башлыгы Рөстәм Сибгатуллин һәм ТР Эшкуарлыкка ярдәм итү үзәге җитәкчесе Дилүс Шәвәлиев җитәкчелегендәге министрлык делегациясе Татарстан Республикасының Зәй һәм Тукай районнарында эшкуарлар белән очрашулар уздырды. 2015 елның 12 мартында шундый ук очрашу ТР Алексеевск эшкуарлары белән оештырылды.

Әгәр сез эксперт белеменә ия булып, киләчәкнең ыргылышлы базарларын проектлауга үз өлешегезне кертергә телисез икән, Милли технологик инициативаны (МТИ) эшләүче командага кушылыгыз.
2015 елда МТИның Юл карталарын проектлауда һәм эшләүдә төп башлангыч нокта якынча 2015 елның 13-17 май көннәрендә уздырылырга тиеш «Форсайт-флот» чарасы булачак.
Милли технологик инициатива – ул тамырдан яңа базарлар формалаштыру һәм 2035 елга Россиянең глобаль технологик лидерлыгы өчен шартлар тудыру буенча чаралар программасы.

«Татарстан Стратегиясе – минем Стратегиям!» яшьләр конкурсына проектларны кабул итү тәмамланды.
Хәзерге вакытта кабул ителгән гаризаларны карау һәм проектларны яклау өчен төркемнәр оештыру эше бара.
халык каршында этабы 2015 елның 14 мартында 14:00 сәгатьтә Казан (Идел буе) федераль университетында түбәндәге адрес буенча узачак: Казан ш., Кремль ур., 6/20.
Конкурста катнашучының проект презентациясе яздырылган флешкасы, ике данәдә гаризасы һәм проект үзе (бер данәдә) булырга тиеш. Күрсәтмә материал - теләк буенча.

2015 елның 10 мартында Мәскәү шәһәрендә Икътисадый үсеш һәм интеграция буенча Хөкүмәт комиссиясе каршындагы Моношәһәрләрне модернизацияләү буенча эшче төркем утырышы узды. Утырышны эшче төркем җитәкчесе, Тышкы икътисадый банк Рәисе урынбасары Ирина Макиева алып барды.
Утырышта шул исәптән Яшел Үзән, Кама Аланы һәм Яр Чаллы моношәһәрләренең инвестицион проектлары каралды.

2015 елның 11 мартында Санкт-Петербургта 2030 елга кадәрге чорга Татарстан Республикасының Социаль-икътисадый үсеше стратегиясе проектын һәм аны гамәлгә ашыру буенча чаралар планын эшләп бетерү буенча редакцион төркем утырышы узды.
Утырыш кысаларында Стратегия-2030 текстын формалаштыруның гомуми сораулары каралды: структурасы, бурычларны структурлаштыру логикасы, агымдагы һәм 2030 елда көтеләчәк халәтне формулировкалау, «7+5+3» ысулын куллану, Стратегияне гамәлгә ашыру механизмнары һәм оештыру структуралары.