ЯҢАЛЫКЛАР
2015 елда Россиянең барлык субъектларында Россия Федерациясе Хөкүмәтенең 2015 елның 5 сентябрендәге 1738-р номерлы боерыгы белән расланган Россия Федерациясе субъектларында көндәшлекне үстерү стандарты кертелгән иде. Шуңа ярашлы рәвештә, Татарстан Республикасы товарлар, эшләр һәм хезмәт күрсәтүләр базарларына мониторинг үткәрелде.
Татарстан Республикасы тулаем төбәк продукты структурасында авыл хуҗалыгының өлеше 7,1%ка җитә, ә гомумроссия авыл хуҗалыгы җитештерүендә – 4,2%.
2015 ел йомгаклары буенча терлек һәм кош итен җитештерү 468,5 мең тонна (101%), сөт – 1750,7 мең тонна (101%) тәшкил итте.
2016 елның 12 маенда Татарстан Республикасы Транспорт һәм юл хуҗалыгы министрлыгында 2016 елның 1 кварталы өчен Татарстан Республикасы транспорт һәм юл хуҗалыгы предприятиеләренең финанс-хуҗалык эшчәнлеге нәтиҗәләрен карауга, һәм шулай ук 2016 елдагы эшчәнлекнең фаразланган нәтиҗәләренә багышланган баланс комиссиясе утырышы узды.
Татарстан Республикасы Хезмәт, мәшгульлек һәм социаль яклау министрлыгында 2016 елның 11 маенда Социаль-хезмәт мөнәсәбәтләрен көйләү буенча республика өч яклы комиссиясенең эшче төркеме утырышы уздырылды.
2016 елның 28 апрелендә Россия Федерациясе Хөкүмәте утырышында Россия Федерациясе Хезмәт һәм социаль яклау министрлыгы тарафыннан эшләнгән «2016 елда ана (гаилә) капиталы акчалары хисабына бер тапкыр түләнә торган түләү турында» федераль закон проекты каралды һәм хупланды.
Россия Федерациясе Дәүләт Думасына Россия Федерациясе Икътисадый үсеш министрлыгы тарафыннан эшләнгән «Дәүләт кадастр бәясе турында» федераль закон проекты кертелде.
Хәзерге вакытта Россия Икътисадый үсеш министрлыгы тарафыннан эшләнгән «Россия Федерациясендә дәүләт һәм муниципаль контроль (күзәтчелек) нигезләре турында» федераль закон проектына гавами тикшерү процедурасы үткәрелә.
Бөек Ватан сугышында Җиңүнең 71нче еллыгына багышланган Парад Яр Чаллы шәһәрендә «Ватан ана» мемориаль комплексы янындагы мәйданда иртәнге 10:00 сәгатьтә башланды.
Министрлык коллективының лаеклы ялдагы өлкән коллегалары белән Бөек Ватан сугышында Җиңү көнен бәйрәм итү алдыннан очрашуы инде күркәм гадәткә әйләнеп китте.
Бөек Ватан сугышында Җиңүне бәйрәм итү алдыннан Татарстан Республикасы икътисад министры урынбасары Айрат Шәмсиев министрлык ветераны – тыл хезмәткәре Кушаев Феликс Габбасович янында булды. Министр урынбасары ветеранны якынлашып килүче Җиңү бәйрәме белән котлады һәм Феликс Габбасовичка бүләкләр тапшырды.
Хәзерге вакытта «Ел вакыйгасы. Россия 2015» интернет тавыш бирүнең финал этабы уза. Аның кысаларында интернеттан файдаланучылар Россиянең 2015 елдагы төп индустриаль һәм инфраструктур проектларын сайлап ала алалар.