ЯҢАЛЫКЛАР

Бүген Татарстан икътисад министры Фәрит Габделганиев WorldSkills Russia чемпионаты чараларында катнашучылар белән очрашты. Ул "Эшкуарлык" компетенциясе буенча яшь профессионалларның әзерлеге белән танышты.  Җыелма команда апрель ахырында Ярославльдә сайлап алу чемпионатында катнашачак. "Сез республиканы тәкъдим итәсез һәм шуның белән генә дә сез бу эшне башкарып чыга алуыгызны исбатладыгыз. Планка югары куелган, без һәрьяклы ярдәм күрсәтергә әзер", – дип белдерде икътисад министры. Хәзерге вакытта инглиз теле, кейсларны чишү, командада эшләү күнекмәләрен шомарту һәм проектларны презентацияләү буенча дәресләр уздырыла. 

Мәскәүдә Дәүләт Думасының Икътисадый сәясәт, сәнәгать, инновацияләр үсеше һәм эшкуарлык комитеты каршындагы Экспертлар советы утырышы узды. Уйлап табулар һәм рационализаторлык, интеллектуаль милек, инженерлык эше, балаларның фәнни һәм техник иҗаты мәсьәләләре каралды.

Фикер алышуларда интеллектуаль милек өлкәсендә дәүләт сәясәте, шулай ук интеллектуаль эшчәнлек нәтиҗәләрен коммерцияләштерү һәм яклау проблемалары үзәк тема булды.

Утырышта шулай ук инновацияле эшчәнлекне яңа белемнәрне һәм перспективалы технологияләрне генерирлаштыру чаралары буларак үстерү мәсьәләләре, интеллектуаль эшчәнлек нәтиҗәләрен коммерцияләштерү проблемалары, шулай ук интеллектуаль эшчәнлек нәтиҗәләрен патентлау һәм яклау өлкәсендә хокукый җайга салуны үстерү мәсьләләре каралды.

Утырыш эшендә Татарстан икътисад министры урынбасары Булат Хаҗиәхмәтов катнашты.

Инвестиция эшчәнлегенә дәүләт ярдәме булганда гамәлгә ашырылуы  планлаштырыла торган инвестиция проектларын тәэмин итү механизмнары, аларны сайлап алу һәм гамәлгә ашыру этаплары, шулай ук инвестиция проектын гамәлгә ашыруга килешүне һәм юллар картасын төзү турында 22 мартта семинарда сөйләячәкләр.  Чара Татарстан Республикасы Икътисад министрлыгы тарафыннан "Төбәкләр – тотрыклы үсеш" еллык иҗтимагый премиясе" бәйгесенең Оештыру комитеты белән берлектә оештырылды.  Тема: "Россия төбәкләрендә инвестиция эшчәнлеге. Инвестиция проектларын гамәлгә ашыру өчен "Бер тәрәзә" булдыру".

Иртәгә, 21 мартта, Яр Чаллыда коммерциягә карамаган сектор вәкилләре өчен ике уку-укыту семинары узачак. Катнашу өчен Кама Аръягының коммерциягә карамаган социаль юнәлешле оешмалары вәкилләре чакырыла.

Чараның беренче өлешендә "Социаль проектлау технологиясе. Грантны ничек отарга!" семинары була. .

Семинарга килүчеләр:

• үзләренең идеяләрен оештырып әйтергә һәм социаль проектны эшләү тәртибен билгеләргә өйрәнәчәк;

• грантка гаризаны дөрес итеп рәсмиләштерү, проект бюджетын исәпләп чыгару нечкәлекләренә төшенәчәк;

• социаль проектка идарә итү һәм хисап әзерләү кагыйдәләре турында беләчәк.

Чараның икенче өлешендә тыңлаучыларга коммерциягә карамаган эшчәнлектә салым хисаплылыгы үзенчәлекләре турында сөйләячәкләр.

Семинарны үткәрү урыны: Яр Чаллы шәһәре, Чулман проспекты, 8 нче йорт, "Перспектива" ресурс үзәге. Чара 14:00 сәгатьтә башлана.

Иртәгә, 20 мартта, Әлмәттә "Социаль проектлау технологиясе. Грантны ничек отарга!" дигән түләүсез тренинг-семинар була. . Катнашу өчен Әлмәт районының һәм  Татарстан Республикасының Көньяк-Көнчыгыш икътисадый зонасы коммерциягә карамаган социаль юнәлешле оешмалары вәкилләре чакырыла.

Семинарның максаты: грант программаларында катнашу өчен социаль проектлар эшләү күнекмәләрен алу.

Тыңлаучыларга үзләренең идеяләрен оештырып әйтү һәм социаль проект эшләү тәртибен билгеләргә өйрәнү мөмкинлеге биреләчәк; алар грантка гаризаны дөрес итеп рәсмиләштерү, проект бюджетын исәпләп чыгару нечкәлекләренә төшенәчәк; социаль проектка идарә итү һәм хисап әзерләү кагыйдәләре турында беләчәк.

Чараны Социаль өлкә инновацияләре үзәге - СОНКО ярдәм итү ресурс үзәге һәм Казан (Идел буе) федераль университеты үткәрә.

Семинарны үткәрү урыны: Әлмәт шәһәре, Ленин урамы, 36 нчы йорт, "Нур" Балаларга һәм яшьләргә психологик-педагогик ярдәм үзәге.

 Белешмәләр өчен телефон: (8553) 32-89-60; +7 (917) 892-19-92.

Татарстан икътисад министры Фәрит Габделганиев бүген Алабуга Мәдәният йортында 1388 нче сайлау участогында Россия Президентын сайлауларда тавыш бирде.

Тавыш бирү иртәнге 8 дә башланды. Республикада 65 территориаль сайлау комиссиясе, 2817 участок сайлау комиссиясе, шул исәптән 49 - сайлаучыларның вакытлыча булу урыннары, эшли.

 Бүген сайлауларда катнашкан һәркем "Казан-Арена"да оештырылган концертка бара ала, аларга шулай ук авыл хуҗалыгы ярминкәләрендә арзан бәядән товарлар сатып алу, барлык төр шәһәр пассажир транспортыннан бушлай файдалану, узган атнада барлыгы 162 мәктәптә ачылган "Минем Россия" күргәзмәсен карау мөмкинлеге тудырылган.

Бу минутларда Татарстанда иң эре бизнес-форумнарның берсе үтә. Республиканың барлык почмакларыннан эшкуарлар Баскет-холлга, Рөстәм Миңнеханов әйткәнчә, "илебезнең иң танылган һәм уңышка ирешкән кешеләрен" тыңларга җыелды. "Без кече һәм урта бизнесны үстерү өчен барысын да эшләргә, яшьләргә үзләрен күрсәтергә мөмкинлекләр бирергә тиеш", - дип ассызыклады Татарстан Президенты. Аның сүзләренә караганда, бүгенге көндә республикада гамәлгә ашырыла торган программалар инфраструктуралар, әйтик, махсус икътисадый зоналар һәм технопарклар, IT-парклар, социаль-икътисадый үсеш территорияләре булдыруны  максат итә.

"Яңарту" эшкуарлар арасында ажиотаж тудырды. Уйланылган 5,5 мең кеше урынына форумда 6 меңнән артык кеше катнаша. Президент, кызыксынуның югары дәрәҗәдә булуын исәпкә алып, Татарстанда "яңартулар" системалы рәвештә узачак дип ышандырды.

Интенсив форумда бүген 16 спикер чыгыш ясый. "Болар - үзләренең булдыклылыгын инде исбатлаган кешеләр, - дип билгеләп үтте Татарстан икътисад министры Фәрит Габделганиев. Эшмәкәрләребезнең белем алу процессы - ул нигез, бүген Икътисад министрлыгы үз алдына куя торган төп бурычларның берсе, дип тәгаенләде. Кече һәм урта эшкуарлык - икътисад һәм хезмәт җитештерүчәнлеге үсешендә нигез фактор ул. Заман белән бергә бару - таләп ул.  Шуңа күрә без иң яхшы тәҗрибәләрне өйрәнеп кенә калмыйча, аларны үзебезгә дә кертәчәкбез, хәзерге дөньяда бара торган үзгәрешләрне күзәтеп, аларда катнашачакбыз да", - дип басым ясады Фәрит Габделганиев.

2018 елның 19 марттан 23 мартка кадәр эш башлаучы эшмәкәрләр өчен "Эшкуар әлифбасы" тренингы узачак. Программа эшне юктан башларга яки яңа бизнес-проектны гамәлгә ашырырга теләүчеләрне күздә тотып төзелгән. Яңа эш башлаучылар өчен бизнес-идея төзүдән башлап предприятиене теркәүгә кадәр нәрсәләр эшләргә кирәк булуы җентекле тасвирланган. Программаны өйрәнү һәм үзләштерү нәтиҗәсендә яңа предприятиенең бизнес-планы эшләнәчәк яки яңа проект эшли башлаячак.

"Эшкуар әлифбасы" программасы буенча укулар узганнан соң һәм бизнесы эшләп киткәннән соң, эшкуар эшчәнлек алып бара торган эшкуарлар өчен "Эшкуарлык мәктәбе"  программасы буенча бизнесны үстерүгә һәм предприятиегә идарә итүне камилләштерүгә юнәлтелгән күнекмәләргә өйрәтү, шулай ук бизнесның финанс һәм җитештерүчәнлек күрсәткечләрен яхшырту буенча укулар уза ала.

Тренинг Татарстан Республикасы Эшкуар йортының Уку-укыту үзәгендә түбәндәге адрес буенча узачак: Казан ш., Петербург ур., 28 нче й., 3 нче кат. Катнашырга теләгән эшкуарлардан (843) 524 90 90 телефонына шалтыратуларын, яисә krinkina.sce@yandex.ru электрон адресына, ФИО, ИНН, телефон номерын һәм оешма атамасын күрсәтеп, хат язуларын сорыйбыз.

16 мартта 10.00 сәгатьтә Казанда Баскет-холлда эшкуарлык компетенциясен үстерү буенча "Яңарту" форумы узачак. Эшмәкәрләргә сәламләү сүзе белән Татарстан Президенты Рөстәм Миңнеханов мөрәҗәгать итәр дип уйланыла.

 "Яңарту" - эш башлаучы эшкуарларга да, уңышларга ирешкән эшмәкәрләргә дә исәпләнгән яңа интенсив формат ул. Бизнес өчен масштаблы белем бирү чараларын уздыру - Россия Президенты Владимир Путин билгеләгән эшкуарлыкка ярдәм бурычлары комплексының бер өлеше.

Чарага журналистларны аккредитацияләү 524 91 91 телефоны,  Aygul.Amirova@tatar.ru электрон почтасы буенча. ФИО, туу елын һәм ММЧ атамасын күрсәтергә кирәк. Аккредитацияләү төгәлләнү вакыты - 15 март, 13.00.

Яшьләр күп булган Түбән Кама өчен яңа мөмкинлекләр. Бүген «Craft IT» Яшьләр инновацияле иҗаты үзәге тантаналы рәвештә ачылды.

Үзәктә Татарстан Республикасы икътисад министры Фәрит Габделганиев һәм Моношәһәрләрне үстерү фонды генераль директоры  Илья Кривогов булып киттеләр.

Бу - Татарстан Республикасында төзелгән яшьләр инновацияле иҗаты үзәкләреннән 19 нчысы. «Craft IT» ЯИИҮ заманча универсаль җиһазлар белән җиһазландырылган.

Яшьләр инновацияле иҗат үзәкләре фән һәм техниканы инновацияле үстерү өлкәсендә югары технологик уйлап табулар белән яшьләрнең кызыксынуын стимуллаштыра, талантлы яшьләрне барларга ярдәм итә, 2030 Стратегиясендә булдырылуы билгеләнгән булачак инженер-техник кадрлар базасын туплый.