ЯҢАЛЫКЛАР
Кунакларны шәһрнең башкарма комитеты җитәкчесе урынбасары Наталия Кропотова, икътисади үсеш һәм эшмәкәрлеккә ярдәм итү идарәсе башлыгы урынбасары Радмир Беляев, шәһәрнең Яшь эшмәкәрләре советы рәисе Иван Шигин озата барды.
Беренче булып, кунаклар Чаллының бизнес –инкубаторында булдылар. Анда директор Роман Гыйрфанов кечкенә генә экскурсия ясады.
Алга таба делегация шәһәр мәриясенә барды, анда “Развитие” сәнәгать паркы резидентлары белән киңәшмә үтте. Анда Р.Сибгәтуллинга сәнәгать мәйданы, билгеле нәтиҗәләр турында хәбәр иттеләр. Очрашу барышында шулай ук шәһәрнең Эшмәкәрләр съездын уздырырга әзерлек турында сөйләштеләр.
Алга таба Рөстәм Сибгәтуллинны "Челны-Хлеб” ЯАҖ белән таныштырдылар. Делегация Chelny food –ярымфабрикатлар җитештерү предприятиесендә булды. Анда кунакларны “Закамский регион” агропромпаркы проекты белән таныштырдылар. Делегация Gran-Prix
полиграфия компаниясендә дә булды. Нәкъ монда “КАМАЗ-Мастер” командасының полиграфия продукциясе чыгарыла.
Сәфәр соңында кунаклар “Южный” агропромпаркы белән таныштылар.
Яр Чаллыга сәфәренә нәтиҗәләр ясап, Рөстәм Сибгәтуллин шәһәрдә эшмәкәрлеккә ярдәм итү һәм үсешнең яхшы темплар белән баруын әйтте.
Ул күргәннәрдән канәгать калды һәм барысына тагын да зуррак максатларга ирешүне һәм зуррак бурычларны үтәүне теләде.
2013 елда республикада башкарма хакимият органнары, муниципалитет, предприятие һәм оешмалар хезмәткәрләре өчен Россиянең БСОда әгъзалык итүе шартларында икътисадның төрле секторлары эшенә кагылышлы сорауларга багышланган белем бирү семинарлары сериясен оештыру каралган.
Фикер алышуның нигезенә Санкт-Петербург станок-инструментлар сәнәгате кластеры вәкилләренең республиканың әйдәп баручы предприятиеләренең (КВЗ, КМҖБ, КАҖБ, Казан Компрессормаш, ПОЗИС) станоклар паркы белән танышуы нәтиҗәләре һәм алга таба хезмәттәшлек итү мәсьәләләре ятты. Питер белгечләре Татарстан предприятиеләре белән агымдагы елның 22-24 гыйнварында таныша алдылар.
Ул Кара металл һәм төсле металл калдыкларын җыю, саклау, эшкәртү һәм сату эшчәнлеген лицензияләү турындагы нигезләмәне раслады.
Бу көннәрдә Казанда муниципаль хезмәткәрләр һәм муниципалитетларда яшьләр арасында эшмәкәрлекне үстерү белән шөгыльләнүче бизнес-тренерлар өчен семинарлар уза.
Семинар программасы эшмәкәрлекнең иң актуаль проблемалары буенча төзелгән. Биредә, аерым алганда, бизнес-тренер анатомиясен, клиентлар белән эшләү тәртибен, пиар ысулларын, яшьләр арасында эшмәкәрлекне үстерү буенча район программаларын төзү методологиясен һ.б. өйрәтәчәкләр
Бүген ТР Икътисад министрлыгында “Чистай” индустриаль паркының беренче дүрт резиденты белән ниятләр турныда өч яклы килешүләргә кул куелды. Документларны ТР икътисад министры Мидхәт Шаһиәхмәтов, Чистай муниципаль районы башлыгы Илдус Әхмәтҗанов, “Кама полиграфия комбинаты” ҖЧҖ генераль директоры Евгений Харитонов, “Туран” Чистай керамик эшләнмәләр заводы” ҖЧҖ генераль директоры Айрат Төхвәтуллин, “СКД Инвест” җәмгыяте директоры Сергей Толстой, “Таттеплотруба” ҖЧҖ башкарма директоры Дмитрий Бобков имзалады.
Әлеге килешүләр якларның потенциаль мөмкинлекләрен билгеләүче төп документлар. Аерым алганда, Икътисад министрлыгы ташламалы шартларда заем чараларын җәлеп итү буенча “Внешэкономбанк” белән элемтәләр булдыруга йөкләмә ала. Муниципаль берәмлек исә индустриаль парк резидентларын 49 елга аренда хокукында җир участоклары белән тәэмин итү өчен җаваплылыкны үзенә алачак. Ә резидентлар инвестиция проектын килешүдә каралган вакытка гамәлгә ашыру турында йөкләмә ала.
Бүгенге көндә 4 инвестор “Чистай” индустриаль паркының резидентлары булырга әзерлеген белдерә.