Татарстан Республикасы Икътисад министрлыгы каршындагы Экспортка ярдәм итү үзәге эшкуарлар өчен бушлай тематик семинарлар оештыра

2013 елның 20 августында Татарстан Республикасы Икътисад министрлыгы каршындагы Экспортка ярдәм итү үзәге тарафыннан «Тышкы сәүдә операцияләре вакытында халыкара исәп-хисап формалары һәм методлары» темасы буенча Татарстан Республикасының экспорт юнәлешле эшкурлыгы субъектлары өчен махсус белем бирү семинары оештырылды. Эксперт укытучы сыйфатында семинарга «Русская школа управления» (Санкт-Петербург шәһ.) бизнес мәктәбе укытучысы, тышкы икътисадый эшчәнлек өлкәсендә Россия гамәли белгече Александр Жучков чакырылган иде. Татарстан Республикасының Экспортка ярдәм итү үзәге бушлай белем бирү семинарларын даими рәвештә үткәрә һәм республика эшкуарларына актуаль белемнәрне чын һөнәриләрдән алу өчен уникаль мөмкинлек тудыра. Чираттагы «Импорт һәм экспорт операцияләре вакытында ӨКС (НДС) кайтару һәм куллану» темасы буенча семинар 2013 елның 13 сентябренә планлаштырылган. Лектор буларак семинарга тышкы икътисадый эшчәнлек һәм логистика өлкәсендә 30 еллык эш тәҗрибәсе булган Петр Травинский (Мәскәү шәһ.) чакырылган. Әлеге семинарның анонсын Татарстан Республикасы Икътисад министрлыгы сайтында күреп булачак.