Беренче республика ИТ-форумына теркәлергә өлгер
Казандагы ИТ-паркта 2016 елның 25 ноябрендә беренче республика ИТ-форумы үтәчәк. Чарада катнашу өчен түбәндәге сылтама буенча теркәлү узарга кирәк: ИТфорумРТ.РФ
ИТ-форум Татарстан Республикасы Икътисад министрлыгы, «Кече һәм урта эшкуарлык субъектларының Кама кластерлы үсеш үзәге» АКБО, «Югары технологияләр өлкәсендә «ИТ-парк» технопаркы» ДАУ инициативасы буенча, «Яр Чаллы һәм «Кама аръягы» төбәге сәүдә-сәнәгать паркы» дәүләтнеке булмаган коммерциячел булмаган оешмасы ярдәме белән уздырыла.
Форумның максаты - Татарстан Республикасының ИТ-кластерының һәм гомумән мәгълүмати технологияләр тармагының агымдагы халәтенә һәм үсешенә бәя бирү.
Программа турында, һәм шулай ук Форумда катнашу һәм теркәлү хакында тулырак мәгълүмат белән биредә танышырга мөмкин.