Юридик затларны һәм шәхси эшкуарларны билгеле бер тәвәккәллек категориясенә яисә куркынычлык классына кертү тәртибе билгеләнде
Россия Федерациясе Хөкүмәтенең «Дәүләт контроленең (күзәтчелегенең) аерым төрләрен оештыруда куркыныч-юнәлешле якын килүләрне куллану һәм Россия Федерациясе Хөкүмәтенең аерым актларына үзгәрешләр кертү турында» 2016 елның 17 августындагы 806нчы карары белән Юридик затлар һәм шәхси эшкуарлар эшчәнлеген һәм (яисә) алар тарафыннан кулланылган җитештерү объектларын билгеле бер тәвәккәллек категориясенә яки билгеле бер класска (куркынычлык категориясенә) кертү кагыйдәләре расланды, һәм шулай ук куркыныч-юнәлешле якын килүләр кулланыла торган дәүләт контроле (күзәтчелеге) төрләре исемлеге дә расланды.
Әйтик, куркыныч-юнәлешле якын килү түбәндәге федераль дәүләт күзәтчелеге төрләрен үтәгәндә кулланыла: янгын куркынычсызлыгы, санитар-эпидемиологик (Роспотребнадзор һәм Россия Федераль медицина-биология агентлыгы тарафыннан башкарыла торган), һәм шулай ук элемтә өлкәсендә күзәтчелекне башкарганда.