Ел башыннан “Халык контроле” системасына килгән мөрәҗәгатьләрнең яртысыннан артыгы хәл ителгән

2014 елның 15 июле, сишәмбе
2014 нче елның беренче 6 аенда “Халык контроле” ТР Дәүләт мәгълүмати системасында (ГИС) 11 мең 431 мөрәҗәгать бастырылган. Бу хакта бүген журналистларга ТР Министрлар Кабинетындагы брифингта “Халык контроле” Дәүләт мәгълүмати системасының кулланучылар багланышын координацияләү бүлеге башлыгы Рөстәм Низамиев сөйләде.

Түрә искәрткәнчә, сервис 2012 нче елның апреленнән эшли, ул гражданнарның актуаль социаль-әһәмиятле проблемаларын хәл итүгә юнәлдерелгән.

Беренче яртыеллыкта системага 11 мең 431 мөрәҗәгать килеп ирешкән. Аның 6 мең 268е (55 процент) хәл ителгән. 3239ы буенча эшләр планлаштырылган (28 процент). 1178 мөрәҗәгать нигезле рәвештә кире кагылган (10 процент). 746 мөрәҗәгать тикшерелә (7 процент).

Система эшләгән вакытта “Халык контроле”нә барлыгы 25 мең 56 мөрәҗәгать килеп ирешкән. 15 мең 298е хәл ителгән (61 процент), 4277 мөрәҗәгать буенча эшләр планлаштырылган (17 процент), 4490ы нигезле рәвештә кире кагылган (18 процент), 991 мөрәҗәгать тикшерелә (4 процент).

Р.Низамиев фикеренчә, беренче яртыеллык күрсәткечләре бик яхшы, мөрәҗәгатьләрнең саны ай саен арта. Нигезле рәвештә кире кагылган очракларның кимү тенденциясе күзәтелә, хәл ителгән мөрәҗәгатьләрнең саны арта бара. Нигездә, ТР муниципаль берәмлекләре җаваплы башкаручылар булып тора, алар һәр мөрәҗәгать буенча эш алып бара. Якындагы 10 көн эчендә гаризаларның күпчелек өлеше карала, дип билгеләде спикер.

Низамиев ассызыклаганча, системаның эшен бәяләүнең төп критерие – мөрәҗәгатьләрне вакытында карау һәм хәл итү. Республиканың барлык муниципаль районнары буенча мөрәҗәгатьләрне карау срогын үтәмәү очраклары, категорияләрнең модераторлары һәм җаваплы башкаручылар ягыннан көндәлек контрольне исәпкә алып, юк диярлек.

Лаеш районының Зеленый Бор дип йөртелгән урынында яр буйлары пычрануы турында мөрәҗәгать килгән. Лаеш районы башкарма комитеты әлеге мөрәҗәгатьнең үтәлешен агымдагы елның август ахырына планлаштырган. Автор вакытны сузуларына бәйле канәгатьсезлеген белдергән. 3 нче июльдә заявка үтәлгән.

Рөстәм Низамиев хәбәр иткәнчә, ишегаллары территорияләрен, бистә эчендәге юлларны төзекләндерү, авыл урамнарына ут сузу буенча республиканың яңа программалары кабул ителгән, бу агымдагы елда нигезле рәвештә кире кагылган мөрәҗәгатьләрнең санын киметергә мөмкинлек биргән.

Рөстәм Низамиев Казанның ишегалларын төзекләндерү буенча актив эш алып барылуын әйтте. Системага Кызыл Позиция урамындагы асфальт юлның сыйфатын яхшырту мәсьәләсе буенча 6 мөрәҗәгать килгән. Июль дәвамында юлга яңа асфальт салынган.

“Кызганычка каршы, билгеләнгән 10 көнлек срокта хәл итәргә мөмкин булган аерым бер заявкаларны хәл итү бик күп айларга, елларга сузыла. Әлеге мөрәҗәгатьләрне без киредән эшкә кайтарабыз һәм ни өчен шундый зур срок билгеләнүен карыйбыз. Бер айда хәл ителә алырлык мөрәҗәгатьләр бар, ә аларны чишүне бер елга калдыралар. Агымдагы елда барлык статуслардан, шул исәптән “мотивлы кире кагу” статусыннан, 1400дән артык мөрәҗәгать эшкә кайтарылды”, - диде спикер.

“Халык контроле”нә Яр Чаллының бер урамында светофорның эшләмәве турында мөрәҗәгать килде. Карау срогы бер елдан артык гамәлдән чыкты. Яр Чаллы башкарма комитеты контроль срок – 2014 нче елның 1 нче сентябрен билгеләде. Әле һаман да заявка хәл ителмәгән. Шулай итеп, светофор сигналын алыштыру бер елдан артык вакытны ала. Мөрәҗәгатьне канәгатьләндерү, беренче чиратта, финанслаудан тора”, - дип аңлатты спикер.
“Татар-информ” МА
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Матбугат үзәге
Документлар
Кабул итү һәм мөрәҗәгатьләр
Адрес: 420021, Казан шәһәре, Мәскәү урамы, 55
Телефон: +7 (843) 222-90-60 (доб. 377) (приемная министра); +7 (843) 222-90-60 (доб. 370) (приемная заместителя министра, курирующего вопросы поддержки малого и среднего предпринимательства); +7 (843) 524–90–90 (горячая линия по вопросам развития и поддержки предпринимательства)
Факс: телефон для справок +7 (843) 222-88-21 (доб.419 или доб. 452)
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International