Татарстан эшмәкәрләренә продукцияне вакытында маркировкаламаган өчен бизнесны штрафлардан яклау турында сөйләячәкләр

Татарстан бизнес-бергәлеген агымдагы елның сентябрендә башланачак товарларны маркировкалау кагыйдәләрен бозуларны ачыклау процессын автоматлаштыруга әзерләү өчен Казан Эшмәкәрләр йортында “Бизнес белән ачык диалог: 2026 елның сентябреннән маркировкасыз продукция саткан өчен автоштрафлар - штрафлар астына эләкмәс өчен нәрсә эшләргә” дигән семинар узачак.

Чара Татарстан Республикасы Икътисад министрлыгы һәм аңа буйсынган “Татарстан Республикасы эшмәкәрлекне яклау фонды” ККК КБҖ “Минем бизнес” Үзәге һәм Роспотребнадзорның Татарстан Республикасы буенча идарәсе ярдәмендә оештырылды.

Очрашуда катнашучылар штраф алу куркынычы зонасына керүче затлар, хокук бозуларны автомат рәвештә ачыклау процессы, товарларны маркировкалаганда җибәрелгән хаталар һәм үз бизнесыңны яклау өчен нинди адымнар ясарга кирәклеге турында беләчәкләр. Шулай ук семинарда спикерларга кызыксындырган сорауларны да бирергә мөмкин булачак.

Конференция спикерлары - Роспотребнадзорның Татарстан Республикасы буенча Идарәсенең Кулланучылар хокукларын яклау бүлеге башлыгы урынбасары Николаева Регина һәм “Честный знак” ярдәм үзәгенең әйдәп баручы белгече Сабанова Елена.

Чарада катнашу өчен чара битендәге сылтама буенча теркәлү узарга кирәк. Урыннар саны чикләнгән.

Көндезге чара 2026 елның 20 маенда 14:00 сәгатьтә башлана.

Үткәрү урыны: Казан шәһәре, Петербург ур., 28, “Алафузов” залы.

Татарстан бизнесына ярдәм итү чаралары турында Бердәм контакт-үзәкнең 8 (843) 524-90-90 номеры буенча белергә була.