Яшьләр эшкуарлыгын үстерү буенча Татарстан тәҗрибәсе илдә иң яхшысы дип танылды
Татарстанның яшьләр эшкуарлыгына ярдәм итү тәҗрибәсе Россиядә иң яхшысы дип танылды. Нәтиҗәләр Архызда Бөтенроссия эшкуарлар форумында игълан ителде.
«Өстенлекле төркемнәргә ярдәм итүнең иң яхшы тәҗрибәсе: яшьләр, хатын-кызлар һәм социаль эшкуарлык» номинациясендә премия Россия Икътисадый үсеш министрлыгы тарафыннан Татарстан Республикасының «Минем бизнес» үзәгенә яшьләр стартапларын (35 яшькә кадәрге эшкуарларны) үстерү өчен укыту программасы өчен тапшырылды. Укыту программасында үз стартап-проектлары белән 200 бизнес вәкиле катнашты, аларның 50% тан артыгы программа үткән вакытта инде 1 миллионнан 8 миллион сумга кадәр дәүләт грантын алган иде.
Проектны гамәлгә ашыру нәтиҗәләре буенча, Татарстан топ-1000 университет стартаплары рейтингына керүчеләр саны буенча лидер һәм Россиянең топ-50 иң яхшы стартаплары рейтингында лидер булып тора.
Программа Татарстан Республикасы Эшкуарлыкка ярдәм фондының «Минем бизнес» үзәге тарафыннан «Сколково» фонды белән берлектә Татарстан Республикасы Икътисад министрлыгы ярдәмендә «Нәтиҗәле һәм конкурентлы икътисад» илкүләм проекты буенча гамәлгә ашырылды.
Укыту циклы үз эченә бизнес вәкилләре белән ментор сессияләрен, укыту процессында геймификацияне, реаль шартларда проблемалы интервьюлар уздыруны, модуль нәтиҗәләре буенча топ-10 команда өчен питч-сессияне, һәр командага ментор ярдәмен һәм бәйләнештә технологик компанияләр өчен нәтиҗәле ярдәм системасы булдыруны ала: министрлык — югары уку йорты — предприятие.