Сезнең интеллектуаль милегегез яклау астында: Саранскида патент аналитикасы турында конференция узды
2024 елның 3 октябрендә Саранск шәһәрендә Интеллектуаль милек буенча федераль хезмәт (Роспатент) Мордовия Республикасы Хөкүмәте белән берлектә «Төбәк патент аналитикасы» практик конференциясен уздырды.
Чарада Татарстан Республикасы Икътисад министрлыгыннан «Татарстан фәнни-техник мәгълүмат үзәге» ТР ДУП генераль директоры Арсен Савва катнашты.
Конференция кысаларында АИРР интеллектуаль милек төбәкара комитетының киңәйтелгән утырышы узды, анда каралган мәсьәләләр:
1. АИРР регионнарында интеллектуаль милек өлкәсен үстерү: агымдагы вәзгыять;
2. Интеллектуаль милек залогы астында кредит системасын үстерү;
3. Интеллектуаль милек өлкәсен үстерү мәсьәләләре буенча илкүләм стратегия эшләүнең актуальлеге.
Фокусеконференциядә төбәкнең фән, технологияләр һәм инновацияләр белән идарә итү бурычлары күтәрелде. Катнашучылар патент аналитикасының фәнни-технологик үсешнең төбәк программаларын формалаштыруда ничек ярдәм итүе, тармакара тикшеренүләр һәм эшләнмәләр өлешен ничек арттыру, патент аналитикасының тармак һәм төбәк үзенчәлегенә ничек яраклашуы турында фикер алыштылар.
Аерым тематик фикер алышу ГОСТ буенча дөнья дәрәҗәсендәге патент аналитикасы белән тулыландырылган патент тикшеренүләренә багышланды. Патент аналитикасының башка төрләре белән берлектә дөрес оештырылган патент тикшеренүләре технологик өстенлекне тәэмин итү, җитештерүне үстерүне планлаштыру һәм продукцияне базарга чыгару өчен кыйммәтле фактура бирә (Россия Федерациясе Президентының 11.07.2024 ел, № 591 Указы).