Татарстан регионара форумда “Җайга салу йогынтысын бәяләү өчен ЯИ-агент” инновацион проектын тәкъдим итте
2026 елның 24 апрелендә Татарстан Республикасы Икътисад министрлыгының җайга салу йогынтысын бәяләү һәм конкуренцияне үстерү бүлеге башлыгы Елена Филиппова Мәскәү шәһәренең Икътисадый сәясәт һәм үсеш департаменты оештырган “Регионнарның цифрлы киләчәге: җайга салу йогынтысын бәяләүгә цифрлы инструментларны кертү” төбәкара түгәрәк өстәлендә катнашты.
Чара барышында Татарстаннан уникаль проект - “ОРВ кысаларында эшмәкәрләрнең чыгымнарын исәпләү өчен ЯИ-агент” тәкъдир ителде. Инновацион чишелеш “ГОСПРОМТ”ның Татарстандагы зур тел моделе нигезендә төзелде. ЯИ-агент норматив хокукый актлар проектларына анализ ясый, тексттан таләпләрне аерып чыгара, чыгымнарны классификацияли, кирәкле сатып алуларны билгели һәм аларның бәясен ачык чыганакларда эзли, алты еллык чорга фаразны да кертеп, чыгымнарны исәпләп чыгара белә.
Проект, 2026 елда эшләп бетерү эшләрен финанслап, Татарстан Республикасының ясалма интеллектын үстерү программасына кертелгән.
Эшләнмәнең уникальлеге ясалма интеллектны мәгълүматларның зур күләмен анализлау һәм верификацияләнә торган нәтиҗәләрне формалаштыру өчен кулланудан гыйбарәт, бу исә дәүләт хезмәткәрләренең хезмәт чыгымнарын сизелерлек киметә һәм регулятор сәясәтнең сыйфатын күтәрә.
Чарада шулай ук башка регионнар вәкилләре дә катнашты, алар җайга салу йогынтысын бәяләү процедураларын цифрлаштыру тәҗрибәсе белән уртаклаштылар.